មហាសាមគ្គីជនជាតិ ភូមិស្រុកផ្លាស់ថ្មី

21/03/2022 - 14:20

ភាពផ្លាស់ថ្មីនៅឃុំដុងថាញ់

ដុងថាញ់ ជាឃុំមួយក្នុងចំណោមឃុំពីរដែលមានជនរួមជាតិខ្មែររស់នៅកុះកររបស់ស្រុកប៊ិញមិញ ខេត្តវិញឡុង ។ អាស្រ័យមានគោលនយោបាយវិនិយោគពិសេសរបស់រដ្ឋ ឃុំនៅមានគ្រួសារជនជាតិភាគតិចក្រីក្រចំនួន ១៦ គ្រួសារប៉ុណ្ណោះ។

ផ្លូវជនបទថ្មីនៅឃុំដុងថាញ់។

ដើម្បីផ្តោតលើការលើកកម្ពស់លក្ខឋានជនបទថ្មី ឆ្នាំ ២០២១ ឃុំដុងថាញ់ បានកសាងរួចរាល់ស្ពានបៃថឿ នៅភូមិដុងហ្វា២ បើកឱ្យប្រើប្រាស់ផ្លូវបេតុងជាប់ជាមួយស្ពាននេះ។ មកទល់ពេលនេះ ដងផ្លូវតភ្ជាប់រវាងភូមិធានាឱ្យប្រជាជនងាយស្រួលក្នុងការធ្វើដំណើរទៅមក និងដឹកជញ្ជូនទំនិញ។ ព្រមជាមួយនោះ កំពុងវិនិយោគប្រព័ន្ធធារាសាស្ត្របិទជិត ដើម្បីធានាប្រភពទឹកស្រោចស្រពសម្រាប់ផលិតកសិកម្ម។ ក្នុងឆ្នាំនេះដែរ ឃុំរៀបចំជីកប្រឡាយបាមូ នៅភូមិដុងហ្វា២ ទំនប់ដា នៅភូមិហ្វាថាញ់២ និងប្រឡាយរាយរងនៅភូមិហ្វាថាញ់១។ តាមប្រសាសន៍លោក សើុងរឿ អនុប្រធានគណៈកម្មាធិការប្រជាជនឃុំដុងថាញ់ ប្រឡាយត្រូវតែជីកស្តារជារឿយៗ ទើបបរិមាណទឹកធានាគ្រប់គ្រាន់ដើម្បីឱ្យមាមីងផលិតកសិកម្មនៅរដូវប្រាំងឆ្នាំ ២០២២។ ក្រៅពីធានាទឹកសម្រាប់ផលិតកសិកម្ម ឃុំថែមទាំងផ្តោតយកចិត្តទុកដាក់លើការធានាទឹកស្អាតសម្រាប់ឱ្យប្រជាជនប្រើប្រាស់។ បច្ចុប្បន្ន ឃុំដុងថាញ់ រក្សាខ្ជាប់លក្ខឋានគ្រួសារប្រជាជន មានទឹកស្អាតប្រើប្រាស់ ១០០% ក្នុងឆ្នាំនេះ មានបន្ថែម ៣១០ គ្រួសារទៀត បានចុះឈ្មោះប្រើប្រាស់ទឹកស្អាត សរុបចំនួនគ្រួសារប្រើប្រាស់ទឹកស្អាតកើនដល់ ២៧១៩/២៧៩២ គ្រួសារ។

លោករឿ ចែករំលែកបន្ថែម ដុងថាញ់ជាឃុំជនបទថ្មី រដ្ឋអំណាចនិងប្រជាជនរួមគ្នាកសាងផ្នត់រស់នៅស៊ីវិល័យ និងសោភណភាពបរិស្ថាន ស្អាតស្អំ។ គ្រួសារនៅតំបន់នេះរក្សាអនាម័យជុំវិញផ្ទះ ធ្វើរបង ខ្លោងទ្វារ និងដាក់អំពូលភ្លើងនៅមុខខ្លោងទ្វារតាមទិសដៅភ្លឺ-បៃតង-ជ្រះ- ស្អាត។ ទូទាំងឃុំមាន ៧/៧ ភូមិ ផ្លូវមានអគ្គិសនី អុជបំភ្លឺ ធានាឱ្យប្រជាជនធ្វើដំណើរទៅមក ងាយស្រួលនៅពេលយប់។ បង សើុងសុផាត់ នៅភូមិហ្វាថាញ់១ ឱ្យដឹង៖ “ផ្លូវស្រឡះស្រឡំ មានភ្លើងបំភ្លឺ ម៉្លោះហើយខ្ញុំលែងនៅផ្ទះសំណាក់ក្បែរតំបន់ឧស្សាហកម្មហ្វាភូ ខ្ញុំនឹងធ្វើដំណើរទៅមករាល់ថ្ងៃ។ នៅផ្ទះរបស់ខ្លួនវាស្រួលជាងថែមទាំងមិនបង់ប្រាក់ជួលផ្ទះសំណាក់ទៀត ផង”។

អាស្រ័យហេដ្ឋារចនាសម្ព័ន្ធមានការអភិវឌ្ឍ លក្ខណៈធ្វើសេដ្ឋកិច្ចរបស់ប្រជាជនក៏មានភាពរីកចម្រើន។ លោក សើុងរឿ ឱ្យដឹង៖ “បច្ចុប្បន្ន ឃុំមានគ្រួសារជនជាតិភាគតិចក្រីក្រចំនួន ១៦ គ្រួសារប៉ុណ្ណោះ។ នៅចំពោះមុខ គឺឃុំផ្តោតការយកចិត្តដាក់ជួយឱ្យគ្រួសារទាំងនេះបានលំនឹងជីវភាព។ បន្ទាប់មក ទើបស្វែងរកការងារធ្វើសមស្រប ដើម្បីជួយឱ្យគ្រួសារទាំងនេះអភិវឌ្ឍសេដ្ឋកិច្ចគ្រួសារ។ ដុងថាញ់ កំពុងបន្តការបង្កើនគុណភាពបទដ្ឋានជនបទថ្មី ដើម្បីជីវភាពប្រជាជនកាន់តែល្អប្រសើរឡើង៕

ហាថាញ-ត្រឹងហ្គោន

ចែករំលែកអត្ថបទ

ពាក្យគន្លឹះ