សុខភាព - អប់រំ សុខភាព

05/06/2018 - 08:31

ខេត្តអានយ៉ាង ពង្រីកប្រព័ន្ធសុខាភិបាលមូលដ្ឋាន

ខេត្តអានយ៉ាងកំណត់ទិសដៅដល់ឆ្នាំ២០២០ រាល់ដំណាក់សុខាភិបាល ឃុំលើភូមិសាស្រ្ត មានគ្រប់លក្ខណសម្បត្តិពិនិត្យ ព្យាបាលជំងឺដោយប្រើប័ណ្ណធានារ៉ាប់រងសុខាភិបាល អនុវត្តបានតិចបំផុត៨០%ក្នុងតារាងផ្គត់ផ្គង់សេវាបច្ចេកទេសនៃប្រព័ន្ធមន្ទីរពេទ្យថ្នាក់ឃុំ; មជ្ឈមណ្ឌលសុខាភិបាលស្រុកចំនួន៩៥% ត្រូវអនុវត្តបានតិចបំផុត៨០% ក្នុងតារាងផ្គត់ផ្គង់សេវាបច្ចេកទេសនៃប្រព័ន្ធមន្ទីរពេទ្យថ្នាក់ស្រុក; គ្រប់ឃុំទាំងអស់សុទ្ធសឹងសម្រេចបទដ្ឋានជាតិ ស្ដីពីសុខាភិបាល; ប្រជាជន៩០% បានគ្រប់គ្រងតាមដានសុខភាព; អនុវត្តសម្រេចការវិនិយោគទុនកសាងដំណាក់សុខាភិបាលនៅនានាឃុំដែលមានលក្ខណៈសេដ្ឋកិច្ច- សង្គមលំបាក លំបាកពិសេស។

វេជ្ជបណ្ឌិតពិនិត្យព្យាបាលជំងឺជូនប្រជាជន។

ដើម្បីសម្រេចទិសដៅខាងលើ គណៈកម្មាធិការប្រជាជនខេត្ត សំណូមពរផ្នែកសុខាភិបាលខេត្ត ផ្ដុំកម្លាំងពង្រឹងពង្រីកធ្វើឲ្យសុក្រឹតនូវប្រព័ន្ធសុខាភិបាលមូលដ្ឋាន ក្នុងនោះ រួមបញ្ចូលមន្ទីរពេទ្យពហុវិជ្ជានៅតាមបណ្តាស្រុក ទីរួមខេត្ត ក្រុង និងមជ្ឈមណ្ឌលសុខាភិបាលស្រុក ទីរួមខេត្ត ក្រុង ទៅជាមជ្ឈមណ្ឌលសុខាភិបាលស្រុក ទីរួមខេត្តក្រុងចំណុះខេត្ត អនុវត្តគ្រប់មុខងារស្ដីពីសុខាភិបាលបម្រុង ពិនិត្យ ព្យាបាលជំងឺ កាយសម្បទា។ ទន្ទឹមនឹងនោះ ការផ្លាស់ថ្មី និងលើកកម្ពស់ប្រសិទ្ធភាពសកម្មភាពសុខាភិបាលមូលដ្ឋាន; បង្កើនការបណ្តុះបណ្តាលលើកកម្ពស់គុណភាពរាល់ប្រភពធនធានមនុស្សពិសេសគឺចំនួនវេជ្ជបណ្ឌិតនៅមជ្ឈមណ្ឌលសុខាភិបាលស្រុក។ល។ ភូមិភាគទាំងឡាយគប្បីអាទិភាពបែងចែកទឹកប្រាក់ ពីថវិកាភូមិភាគតាមផែនការកំណត់រៀងរាល់ឆ្នាំ (ចំណាយក្នុងការវិនិយោគទុននិងក្នុងបុព្វហេតុមុខរបរ) សម្រាប់សកម្មភាពរបស់សុខាភិបាលមូលដ្ឋានវិនិយោគទុន កសាងបង្កើនកម្រិតនិងបំពេញបន្ថែមនូវសម្ភារៈបរិក្ខាពេទ្យជូនដំណាក់សុខាភិបាលឃុំលើភូមិសាស្រ្តដែលគ្រប់គ្រង; អនុវត្តយន្តការ គោលនយោបាយរបបផ្សេងៗ សំដៅទៅលើការទាក់ទាញវេជ្ជបណ្ឌិតមកបំពេញការងារនៅប្រព័ន្ធសុខាភិបាលមូលដ្ឋាន។ គិតដល់ចុងឆ្នាំ២០១៧ ខេត្តអានយ៉ាង មានដំណាក់សុខាភិបាលឃុំចំនួន៧៦% មានក្របខ័ណ្ឌវេជ្ជបណ្ឌិត; មានឃុំ៨៨,៤៦% សម្រេចបទដ្ឋានតាមក្រមលក្ខឋានជាតិស្ដីពីសុខាភិបាលឃុំ; គ្រប់ភូមិ សង្កាត់មានបុគ្គលិកសុខាភិបាលសកម្មភាព៕

ទីភ្នាក់ងារសារព័ត៌មានវៀតណាម-ថាច់សេរី

ចែករំលែកអត្ថបទ

ពាក្យគន្លឹះ