សុខភាព - អប់រំ សុខភាព

29/05/2018 - 10:41

វេជ្ជបណ្ឌិតក្រុងកឹងធើធ្វើការពិនិត្យជំងឺជូនអ្នកក្រីក្រ នៅព្រះរាជាណាចក្រកម្ពុជាចំនួន២.០០០នាក់

កន្លងហើយក្រុមវេជ្ជបណ្ឌិតមន្ទីរពេទ្យហ្វាហាវ- Medic បានអញ្ជើញទៅពិនិត្យជំងឺ ផ្ដល់ថ្នាំដោយឥតគិតថ្លៃ និងជូនអំណោយដល់អ្នកក្រីក្រនៅព្រះរាជាណាចក្រកម្ពុជា។ កម្មវិធីសំដៅរឹតបន្តឹងចំណងសាមគ្គីមិត្តភាព សហការទាំងស្រុងរវាងប្រទេសសាធារណៈរដ្ឋសង្គមនិយមវៀតណាមនិងព្រះរាជាណាចក្រកម្ពុជា; ទន្ទឹមនឹងនោះ បើកទូលាយសហការអភិវឌ្ឃ ពិសេស លើវិស័យសុខាភិបាលរវាងមន្ទីពេទ្យហ្វាហាវ– Medic កឹងធើ និងភូមិភាគ អង្គភាពកងយោធ ពលខេមរៈភូមិន្ទនៅព្រះរាជាណាចក្រកម្ពុជា។

កម្មាភិបាលពេទ្យកំពុងផ្ដល់ថ្នាំជូនប្រជាជន។

នៅខេត្តព្រះវិហារ ចម្ងាយពីក្រុងភ្នំពេញ៣១០គីឡូម៉ែត្រ ក្រុមវេជ្ជបណ្ឌិត បានពិនិត្យជំងឺ និងធ្វើតែសច្រើនប្រភេទជូនប្រជាជនប្រមាណ១.០០០នាក់ ដូចជាធ្វើតែសកម្រិតស្ករ ឆ្លុះអេកូពោះទូទៅ ថតកាំរស្មីសួត ស្ទង់អគ្គិនី បេះដូង។ ក្រុមក៏បានយករថយន្តជំនាញដឹកគ្រឿងឧបករណ៍ពេទ្យទំនើបៗរបស់មន្ទីរពេទ្យដើម្បីធ្វើតែស និងជូនលទ្ធផលដល់មាមីងក្នុងពេលពិនិត្យតែម្ដង។ បន្ទាប់ពីនោះ ក្រុមវេជ្ជបណ្ឌិតបន្តការពិនិត្យជំងឺជូនអ្នកក្រីក្រនៅខេត្តកំពង់ស្ពឺប្រមាណ១.០០០នាក់។ ឧត្តមសេនីយ ត្រីវ៉ូកាវក្វឹន អតីតសមាជិកគណៈប្រចាំការបក្ស ក្រុងកឹងធើ សមាជិកក្រុមប្រឹក្សាគ្រប់គ្រងមន្ទីរពេទ្យធ្វើជាប្រធានក្រុម និងរួមជាមួយភ្ញៀវ អញ្ជើញទាំងឡាយធ្វើដំណើរទៅសួរសុខទុក្ខនិងជូនអំណោយដល់បញ្ជាការដ្ឋានកងរាជ អាវុធហត្ថនាយកដ្ឋានអភិវឌ្ឃ-ក្រសួងការពារជាតិ បញ្ជាការដ្ឋានកងទ័ពជើងទឹកនៃព្រះរាជាណាចក្រកម្ពុជា។ កម្មវិធីបានអនុវត្ដផ្តើមពីប្រភពថវិការបស់មន្ទីពេទ្យនិងចលនាសង្គមូបនីយកម្ម៕

ធូរសឿង-ទីទុយ

ចែករំលែកអត្ថបទ

ពាក្យគន្លឹះ