វប្បធម៌-សិល្បៈ វប្បធម៌

13/04/2018 - 09:23

ក្រុងកឹងធើ ខ្នះខ្នែងគិតគូរជូនជនរួមជាតិខ្មែរ

ប៉ុន្មានថ្ងៃនេះ នៅតំបន់ដែលមានជនរួមជាតិខ្មែររស់នៅកុះករលើភូមិសាស្រ្តក្រុងកឹងធើ ធ្វើដំណើរទៅដល់កន្លែងណាក៏ឃើញបរិយាកាសរីករាយ សប្បាយស្រស់ស្រាលទទួលអំណរឆ្នាំថ្មីតាមប្រពៃណីរបស់ជនរួមជាតិខ្មែរ លាយឡំដោយភាពសប្បាយរីករាយដោយសារជីវភាពមានការវិវឌ្ឍយ៉ាងសកម្ម...។

តាំងពិព័រណ៍សមិទ្ធផលអភិវឌ្ឍសេដ្ឋកិច្ច-សង្គមតំបន់ជនរួមជាតិខ្មែរនៅក្រុងកឹងធើ។

ឈុតសម្តែងរបាំរបស់ក្រុមសិល្បៈមហាជនក្រុងកឹងធើ នៅទិវាសមោសរវប្បធម៌

កីឡា ទេសចរណ៍ខ្មែរណាមបូ។

ជនរួមជាតិខ្មែរនៅក្រុងកឹងធើទទួលអំណរបុណ្យចូលឆ្នាំថ្មី។

ក្នុងបរិយាកាសសប្បាយរីករាយ ទទួលអំណរបុណ្យចូលឆ្នាំថ្មី២០១៨ ប្រពៃណីរបស់ជនរួមជាតិខ្មែរ សមមិត្តថ្នាក់ដឹកនាំ គណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជនក្រុង បានអញ្ជើញទៅតាមវត្ត ស្ថាប័នភូមិភាគដែលមានជនរួមជាតិខ្មែររស់នៅកុះករ សួរសុខទុក្ខនិងប្រសិទ្ធពរឆ្នាំថ្មីដល់ព្រះសង្ឃ គណៈកម្មការវត្ត អ្នកមានប្រជាប្រិយភាព កម្មាភិបាល យុទ្ធជននិងជនរួមជាតិខ្មែរ។ ក្នុងបរិយាកាសអបអរសាទរយ៉ាងកក់ក្តៅ សមមិត្ត ត្រឹងក្វឹកត្រុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុងកឹងធើ បានផ្តល់ព័ត៌មានដល់ព្រះសង្ឃនិង មាមីងជនរួមជាតិខ្មែរអំពីគោលការណ៍ គោលនយោបាយរបស់បក្សនិងរដ្ឋក្នុងការយកចិត្ត ទុកដាក់គិតគូរ បង្កលក្ខណសម្បត្តិជូនជនរួមជាតិភាគតិចអភិវឌ្ឍលើគ្រប់វិស័យ។ ក្នុងនោះ ពិសេសគឺបទបញ្ជាលេខ១៩-CT/TW របស់គណៈលេខាបក្ស ស្តីពីការបង្កើនការងារនៅតំបន់ជនរួមជាតិខ្មែរក្នុងស្ថានភាពថ្មី។ សមមិត្តត្រឹងក្វឹកត្រុង សង្ឃឹមថា ជាមួយនឹងសមិទ្ធផលដែលសម្រេចបានក្នុងរយៈពេលកន្លង ការផ្សព្វផ្សាយបទបញ្ជានេះជួយជំរុញជីវភាពសម្ភារៈ និងស្មារតីរបស់ជនរួមជាតិខ្មែរនៅក្រុងកឹងធើ កាន់តែមានភាពប្រសើរឡើង។ ឆ្លងតាមរយៈនោះ ផែនមហាសាមគ្គី ទូទាំងជនជាតិកាន់តែមានភាពស្អិតល្មួត ពង្រឹងក្តីជំនឿរបស់ជនរួមជាតិខ្មែរចំពោះ បក្ស រដ្ឋនិងរបបសង្គមនិយម សកម្មរួមចំណែកចំពោះបុព្វហេតុកសាង និងការពារមាតុប្រទេស។ “ចំពោះដំណោះស្រាយភារកិច្ច ដាក់ចេញជាក់ស្តែងនៃបទបញ្ជានេះ មជ្ឈិមបង្កលក្ខណសម្បត្តិជូនជនរួមជាតិខ្មែរណាមបូនិយាយរួម និងជនរួមជាតិខ្មែរនៅក្រុងកឹងធើនិយាយដោយឡែក អភិវឌ្ឍលើគ្រប់វិស័យ។ អនុវត្តល្អបទបញ្ជានេះ ជនរួមជាតិខ្មែរកាន់តែជឿជាក់លើការដឹកនាំវាងវៃរបស់បក្សយើង និងខិតខំយ៉ាងពេញទំហឹងក្នុងការអភិវឌ្ឍសេដ្ឋកិច្ច-សង្គម រួមចំណែកអនុវត្តជោគជ័យសេចក្តីសម្រេច XII របស់បក្សដាក់ចេញ”។ សមមិត្តត្រឹងក្វឹកត្រុង លេខាគណៈកម្មាធិការបក្សក្រុងបញ្ជាក់ដូច្នេះ។

ចែករំលែកភាពសប្បាយរីករាយរួមនឹងជនរួមជាតិខ្មែរ ឆ្លងតាមរយៈអត្ថបទដែលចុះផ្សាយលើទស្សនាវដ្តីចូលឆ្នាំថ្មី២០១៨ របស់កាសែតកឹងធើភាសាខ្មែរ សមមិត្តវ៉ថាញ់ថុង អនុលេខាគណៈកម្មាធិការបក្ស ក្រុង ប្រធានគណៈកម្មាធិការប្រជាជនក្រុងកឹងធើ ឲ្យដឹង៖ ឆ្នាំកន្លង គណៈកម្មាធិការប្រជាជនក្រុង បានចង្អុលការដល់មន្ទីរ គណៈផ្នែកនិងអង្គការមហាជននានាសហការនិងភូមិភាគនានាអនុវត្តបទបញ្ជា សេចក្តីសម្រេចអនុក្រឹត្យរបស់រដ្ឋាភិបាលនិងនាយករដ្ឋមន្រ្តី នៃរដ្ឋាភិបាលស្តីពីការលើកកម្ពស់ប្រសិទ្ធភាពគ្រប់គ្រងរដ្ឋខាងការងារជនជាតិ។ ជាក់ស្តែង គណៈកម្មាធិការប្រជាជនក្រុង នឹងចង្អុលការវិនិយោគទុនកសាងហេដ្ឋារចនាសម្ព័ន្ធដល់ភូមិលំបាកពិសេសចំនួន២ ដោយថវិកាសរុប២ពាន់លានដុង។ គណៈកម្មាធិការប្រជាជនក្រុង បានដាក់ចេញជាធរមាន នូវផែនការនិងគម្រោងជាច្រើនអនុវត្តគោលនយោបាយពិសេស ឧបត្ថម្ភអភិវឌ្ឍសេដ្ឋកិច្ច-សង្គម នៅតំបន់ដែលមានជនរួមជាតិខ្មែរ រស់នៅកុះករលើភូមិសាស្រ្តក្រុងកឹងធើ។ មិនត្រឹមតែឧបត្ថម្ភថវិកាទិញដីសង់ផ្ទះជូនជនរួមជាតិភាគតិចប៉ុណ្ណោះទេ ក្រុងកឹងធើនៅទាំងជួយគ្រួសារក្រីក្ររាប់រយគ្រួសារបង្កើនប្រាក់ចំណូលទៀតផង។ អាស្រ័យហេតុនោះ អត្រាគ្រួសារក្រីក្រ ក្នុងជនរួមជាតិភាគតិចត្រូវបានកាត់បន្ថយគួរឲ្យកត់សម្គាល់។ ដើមឆ្នាំ២០១៧ គ្រួសារជនរួមជាតិភាគតិចក្រីក្រ មាន១.១៤៦គ្រួសារស្រូបអត្រា១២,៨០% បើប្រៀបនឹងចំនួនគ្រួសារជនរួមជាតិភាគតិច ទូទាំងក្រុង ចុងឆ្នាំ២០១៧ កាត់បន្ថយគ្រួសារក្រីក្របាន៣៦១គ្រួសារ អត្រាគ្រួសារក្រីក្រនៅ៨,១៥% បើប្រៀបនឹងចំនួនគ្រួសារជនរួមជាតិភាគតិចទូទាំងក្រុង កាត់បន្ថយបាន៤,៦៥% បើប្រៀបនឹងកាលពីដើមឆ្នាំ។

បញ្ជាក់ពីកត្តាធ្វើឲ្យមានការវិឌ្ឍយ៉ាងសកម្មក្នុងជីវភាពរបស់ជនរួមជាតិខ្មែរ សមមិត្ត ត្រឹងក្វឹកត្រុង លេខាគណៈកម្មាធិការបក្ស ក្រុង បានអះអាង៖ គឺអាស្រ័យ“ជនរួមជាតិ ខ្មែរនៅក្រុងកឹងធើ ជ្រួតជ្រាបនិងអនុវត្តបានល្អតាមដំបូន្មានរបស់លោកប្រធានហូជីមិញ សាមគ្គី សាមគ្គី មហាសាមគ្គី។ ជោគជ័យ ជោគជ័យ មហាជោគជ័យ។ ដោយស្មាតីសាមគ្គី រស់នៅផ្សារភ្ជាប់នឹងជនជាតិកិញ-ចិន និងជនជាតិផ្សេងៗទៀតក្នុងសហគមន៍ជនរួមជាតិខ្មែរនៅក្រុងកឹងធើ តែងជឿជាក់លើការដឹកនាំរបស់បក្ស អនុវត្តល្អគោលនយោបាយ ច្បាប់របស់រដ្ឋ ខ្នះខ្នែងពលកម្ម ផលិតសកម្មចូលរួមរាល់សកម្មភាពរបស់រណសិរ្សមាតុភូមិនិងអង្គការមហាជននានា”។ នៅពេលខាងមុខ បក្ខភាគរដ្ឋអំណាចនិងប្រជាជន ក្នុងនោះមានជនរួមជាតិខ្មែរ បន្តការពង្រីកប្រវេណីសាមគ្គី ឆន្ទៈខ្លួនទីពឹងខ្លួន ជម្នះលំបាកសាកល្បង ខិតខំអនុវត្តសម្រេចជោគជ័យភារកិច្ចសេដ្ឋកិច្ច-សង្គម តាមសេចក្តីសម្រេចមហាសន្និបាតលើកទី XIII របស់បក្ខភាគក្រុង។

ព្រះឧបជ្ឈាយ៍ដាវញ៉ឺ ប្រធានគណៈអភិបាលព្រះពុទ្ធសាសនាវៀតណាម ក្រុងកឹងធើ អនុប្រធានវិទ្យាស្ថានពុទ្ធសាសនាទក្ខិណនិកាយខ្មែរ ព្រះចៅអធិការវត្តពោធិសំរោង មានថេរដីកា៖ ការយកចិត្តទុកដាក់របស់គណៈកម្មាធិការបក្សក្រុង ក្រុមប្រឹក្សាប្រជា ជន គណៈកម្មាធិការប្រជាជនក្រុងកឹងធើ រយៈពេលកន្លង បានធ្វើឲ្យមានការវិវឌ្ឍយ៉ាងសកម្មទាំងជីវភាព សម្ភារៈនិងស្មារតីរបស់ជនរួមជាតិខ្មែរ។ ព្រះសង្ឃនិងជនរួមជាតិ ខ្មែរនៅក្រុងកឹងធើ នឹងបន្តការពង្រីកស្មារតីសាមគ្គីស្រុះស្រួលគ្នា សាមគ្គីសាសនា ខ្នះខ្នែងចូលរួមកសាងផែនសាមគ្គីជនជាតិ ដើម្បីរួមចំណែកអភិវឌ្ឍមាតុប្រទេសនិយាយរួម និងក្រុងកឹងធើ ពីមួយថ្ងៃទៅមួយថ្ងៃកាន់តែអារ្យធម៌ សម្បូរសប្បាយ!”៕

តឹងភុក-មុនី

ចែករំលែកអត្ថបទ

ពាក្យគន្លឹះ