គោលនយោបាយ -ការរស់នៅ ការរស់នៅ

14/11/2017 - 08:20

ជំនួយដោះស្រាយការងារធ្វើ

ជំនួយដោះស្រាយការងារធ្វើជូនពលករជនបទ គឺជាវិធានការមួយជួយដល់ជនរួមជាតិខ្មែរចាកផុតពីភាពក្រីក្រនៅហូវយ៉ាង។

បងស្រីហឿងកំពុងដាក់ជីត្រឡាច។

យោងប្រសាសន៍លោកង្វៀនហ្វាងទ្រីវ ប្រធានគណៈជនជាតិខេត្តហូវយ៉ាង រយៈពេលកន្លង រដ្ឋអំណាចគ្រប់លំដាប់ថ្នាក់ក្នុងខេត្តបានយកចិត្តទុកដាក់ពិសេស និងផ្សព្វផ្សាយនូវគោលនយោបាយចាំបាច់ប្រកបដោយប្រសិទ្ធភាព បង្កលក្ខណសម្បត្តិងាយស្រួលជូនតំបន់ជនជាតិភាគតិចរីកចម្រើនឆាប់រហ័ស និងចីរភាព ដូចជា៖ គោលនយោបាយឧបត្ថម្ភដីលំនៅ ផ្ទះ ទឹកប្រើប្រាស់ជាដើម។ ពិសេស គឺដោះស្រាយការងារធ្វើជូនជនរួមជាតិភាគតិច។ រយៈពេល៥ឆ្នាំកន្លង ខេត្តបានរៀបចំបង្រៀនរបរជូន៤៧.៨៣៧នាក់ ក្នុងនោះ ជនរួមជាតិភាគតិចមានចំនួន១.២៦៥នាក់ ស្រូបអត្រា២,៦% ឧទ្ទេសនាមនិងដោះស្រាយការងារធ្វើជូនពលករចំនួន១៨៨.៧៣៤លើកនាក់ ទៅពលកម្មក្រៅប្រទេសចំនួន២៣៥នាក់។ ទន្ទឹមនឹងនោះ បើកជាច្រើនថ្នាក់ហ្វឹកហាត់ ផ្ទេរជូនវិទ្យាសាស្ត្របច្ចេកទេសជូនមាមីងជនរួមជាតិភាគតិច។

លោកឡឹមវុាំងហ៊ុង ប្រធានការិយាល័យជនជាតិស្រុកឡុងម៉ី ឲ្យដឹង៖ ធនាគារគោលនយោបាយសង្គមស្រុក បានឲ្យមាមីង៦៧៩គ្រួសារបុលទុនអនុគ្រោះ ក្នុងនោះ ជនជាតិភាគតិចក្រីក្រចំនួន៤១៥គ្រួសារ។ អាស្រ័យភូមិភាគនេះជាតំបន់កសិកម្ម ម្ល៉ោះហើយដោយប្រភពទុននេះ មានគ្រួសារជាច្រើនបានលោះដីផលិតឬធ្វើទុនដាំដុះ។ បងស្រីហឿង នៅភូមិវិញហ្វៀង ឲ្យដឹង៖ “អាស្រ័យដោយទុនអនុគ្រោះរបស់រដ្ឋ ខ្ញុំបានកែប្រែដី ទិញស្វាយមកដាំ។ ក្នុងពេលរង់ចាំស្វាយធំ ខ្ញុំក៏ដាំត្រឡាច ដើម្បីយកខ្លីចិញ្ចឹមវែង”។

គ្រួសារដែលបុលទុនស្ទើរតែទាំងអស់នៅឡុងម៉ី សុទ្ធតែបង្វែរមុខរបរដូចជាចិញ្ចឹមសត្វ ដាំដុះម៉្លោះហើយការបង្រៀនឬបង្វែរមុខរបរក៏បានប្រមូលផ្ដុំទៅលើមុខរបរដែលជាប់ទាក់ទងនឹងកសិកម្ម។ បងង្វៀនវុាំងថាញ អនុប្រធានការិយាល័យជនជាតិស្រុកវីធ្វី រៀបរាប់៖ “ក្រៅពីទម្រង់រូបភាពបូមទឹក ស្រុកសហការជាមួយនឹងឃុំនានា រៀបចំហ្វឹកហាត់ផ្ទេរជូនបច្ចេកទេសដាំដុះចិញ្ចឹមសត្វ។ គ្រួសារមួយចំនួនមានដី ដើមទុនតិចតួច ហើយបានប្រើអស់ពីលទ្ធភាពផ្ទៃដីជុំវិញផ្ទះ ដើម្បីដាំបន្លែ ចិញ្ចឹមសត្វជាដើម។ រដូវភ្លៀង បន្លែបង្ការលក់បានតម្លៃខ្ពស់ ម៉្លោះហើយមានប្រាក់ចំណូលលំនឹង។ រយៈពេលកន្លង ស្រុកឧបត្ថម្ភ៥០គ្រួសារនៅភូមិលំបាកពិសេសចំនួន៥ភូមិ ក្នុងមួយភូមិបាន១០គ្រួសារ ហើយគ្រួសារនីមួយៗបានឧបត្ថម្ភប្រាក់ចំនួន៥.០០០.០០០ដុង សម្រាប់បង្វែរមុខរបរ អភិវឌ្ឍផលិតកម្ម”។ ពីប្រភពទុននេះ មានគ្រួសារជាច្រើនបានបង្កើនប្រាក់ចំណូលជូនដល់គ្រួសារ។ បងស្រីលីស្វឹង នៅឃុំវីធ្វី ស្រុកវីធ្វី រៀបរាប់៖ “ខ្ញុំប្រើប្រាស់ប្រភពទុនរបស់រដ្ឋដើម្បីទិញទា៥០ក្បាលមកចិញ្ចឹម។ រដូវនេះងាយស្រួល ចាប់ខ្យងហោងលឿងសម្រាប់ធ្វើជាចំណីទា។ អាស្រ័យហេតុនោះ ទាឆាប់ធំ។ ប្រហែលមួយខែទៀតខ្ញុំនឹងលក់ខ្លះៗដើម្បីចាយវាយក្នុងគ្រួសារ”៕

ហាថាញ-ទីទុយ

ចែករំលែកអត្ថបទ

ពាក្យគន្លឹះ