គោលនយោបាយ -ការរស់នៅ ការរស់នៅ

07/09/2015 - 16:16

ជួយកសិករនឹងនរចិត្តផលិតកម្ម

សហករណ៍កសិកម្ម មានតួនាទីសំខាន់ក្នុងការចងសម្ព័ន្ធជាមួយគ្រួសារ កសិករផលិតទំនិញ ប្រមូលផ្តុំធានាទិញ និងស្វែងរកទីផ្សារ សម្រាប់ផលិតផលបង្កកម្លាំងប្រជែងនិងលើកកម្ពស់តម្លៃមុខទំនិញកសិផល។ ឆ្លងតាមរយៈនោះ ជួយឲ្យកសិករបង្កបង្កើនផលនឹងនរចិត្តក្នុងការផលិត។

សមាជិកសហករណ៍តៀងតៀងរួមជាមួយនឹងកម្មាភិបាលបច្ចេកទេសពិនិត្យ
ឧបករណ៍ ស្ថានីយ៍បូមទឹកមុនពេលតម្លើង។

សហករណ៍ថាញ់កុង ស្រុកហ៊ុងយ៉ឹង ខេត្តបាកលីវ ត្រូវបានបង្កើតឡើងនៅឆ្នាំ២០០៦។ ខណៈនោះ មានគ្រួសារកសិករចូលរួមត្រឹមតែ១៥ និងទុនសកម្មភាពមានតែ២០លានដុង អាស្រ័យដោយសមាជិកស្ម័គ្រចិត្តរួមវិភាគទាន។ ផ្ទៃដីវប្បកម្មរបស់សហករណ៍គឺ៥២ហិកតា ហើយសុទ្ធតែផលិតពូជស្រូវម៉ូកប៊ូយដ (Một bụi đỏ)។ ដើម្បីសហករណ៍សកម្មភាពមានប្រសិទ្ធភាព ដំបូងគណៈនាយក សហករណ៍ថាញ់កុង បានយកចិត្តទុកដាក់ដល់ការផ្គត់ផ្គង់សម្ភារៈកសិកម្ម និងជួយលក់ផលិតផលជូនសមាជិក។ ទន្ទឹមនឹងនោះ ចលនាសមាជិកសាបព្រោះព្រមៗគ្នា ដើម្បីម្ចាស់ការក្នុងការសម្រួលទឹកនិងប្រើថ្នាំ កម្ចាត់ដង្កូវក្រា។ របៀបធ្វើនេះ ជួយឲ្យសមាជិកកាត់បន្ថយបានច្រើនក្នុងការចំណាយ បង្កជាទម្រង់ផលិតវង់មូលរវាងអ្នកផលិតសហករណ៍ និងទីផ្សារ។

ស្តីពីដំណោះស្រាយបញ្ហានាំចេញសម្រាប់ផលិតផល ស្រូវម៉ូកប៊ូយដ និងកសាងផ្លាកពាណិជ្ជកម្មដោយឡែកសហករណ៍កសិកម្មថាញ់កុង បានចងសម្ព័ន្ធជាមួយនឹងមជ្ឈមណ្ឌលពិសោធន៍ស្រុកហ៊ុងយ៉ឹង ចុះកិច្ចសន្យាទទួលម៉ៅទិញផលិតផលដោយតម្លៃខ្ពស់ជាងទីផ្សារពី១០ដល់២០%។ ផ្តើមពីនោះ ជួយឲ្យសមាជិកសហករណ៍នឹងនរចិត្តផលិតកម្ម។ បច្ចុប្បន្ន សហករណ៍កសិកម្មថាញ់កុង មានសមាជិកចំនួន២៥រូប និងមានផ្ទៃដីផលិតកម្ម៩០ហិកតា។ ប្រាក់ចំណូលមធ្យមភាគរបស់សមាជិកពី១០ដល់១៥លានដុងក្នុងមួយឆ្នាំ។

ក៏ដូចសហករណ៍កសិកម្មថាញ់កុង ប៉ុន្មានឆ្នាំកន្លង សហករណ៍សេវាកសិកម្មនិងប្រព័ន្ធធារាសាស្រ្តតៀងតៀង ស្រុកភឿកឡុងតែងម្ចាស់ការក្នុងការកម្រិតប្រភពទឹកសម្រាប់ចុះពូជទាន់រដូវកាល ក៏ដូចជាការប្រមូលផល។ ជាក់ស្តែងក្នុងរដូវក្តៅអូសបន្លាយកន្លងហើយ ក្រុមសហករណ៍តៀងតៀង បានដំណើរការស្ថានីយ៍បូមទឹកបានទាន់ពេលនៅលើផ្ទៃដីផលិតស្រូវជាច្រើនហិកតា ដើម្បីធានាទិន្នផល គុណភាពស្រូវនៅពេលប្រមូលផល។ សហករណ៍តៀងតៀង មានសមាជិកចំនួន២៧រូប និងមានផ្ទៃដីផលិតកម្ម៤៦ហិកតា។ ប្រាក់ចំណូលមធ្យមភាគរបស់សមាជិកម្នាក់ៗ បានមកពីការបូមទឹកចេញគឺ១៥០.០០០ដុង ក្នុងមួយហិកតា/រដូវ។

តាមប្រសាសន៍ លោកហឿម៊ិញខាង សមាជិកក្រុមសហករណ៍តៀងតៀង៖" ចាប់ពីពេលស្ថានីយ៍បូមទឹករបស់សហករណ៍តៀងតៀងធ្វើសកម្មភាព កសិករនៅទីនេះបានម្ចាស់ការក្នុងការលកលៃទឹក។ មាមីងមិនបាច់បង់ពេលវេលា ដើម្បីអង្គុយយាមម៉ាស៊ីនបូមទឹកដូចពីមុនទៀត ម្យ៉ាងវិញទៀតចំណាយក៏ទាបជាងមុនច្រើន។

ថ្វីត្បិតតែដូច្នេះ ទន្ទឹមនឹងក្រុមសហករណ៍ធ្វើសកម្មភាព ប្រកបដោយប្រសិទ្ធភាព ក៏នៅមានសហករណ៍ជាច្រើនធ្វើសកម្មភាពដោយស្ទាក់ស្ទើរ ខ្វះទុនសកម្មភាព។ល។ ព្រោះហេតុនោះ ភូមិភាគនានាគប្បីបង្កើនការងារត្រួតពិនិត្យ ប្តេជ្ញាចិត្តរំសាយសហករណ៍ធ្វើសកម្មភាពមិនសូវមានប្រសិទ្ធភាព។ ព្រមទាំងមានវិធានការឧបត្ថម្ភវិនិយោគទុនចំពោះសហករណ៍ណាដែលធ្វើការរកស៊ីប្រកបដោយប្រសិទ្ធភាព។ ឆ្លងតាមរយៈនោះ ជាជំហានៗធ្វើឲ្យទាន់សម័យនូវផ្នែកកសិកម្ម ជួយឲ្យកសិករម្ចាស់ការក្នុងការផលិតកម្មនិងលក់កសិផល អាស្រ័យដោយខ្លួនផលិត៕

ជីលិញ-សឺនម៉ាល័យ

ចែករំលែកអត្ថបទ

ពាក្យគន្លឹះ