វប្បធម៌-សិល្បៈ វប្បធម៌

15/03/2016 - 09:19

អូរឡឹម ឈានចូលរដូវទឹកត្នោត

ឆ្នាំនេះឆាប់អស់ភ្លៀង ហេតុនោះមាមីងនៅឃុំអូរឡឹម ស្រុកទ្រីតូង ខេត្តអាងយ៉ាង បានប្រមូលផលដំណាំមុនតេតង្វៀនដាងដើម្បីបម្រុងប្រមូលផលត្នោតវិញ។ នេះជាសកម្មភាពនាំមកនូវប្រាក់ចំណូលបន្ថែម ក្រោយពេលទំនេរពីស្រែចម្ការ ដើម្បីលើកស្ទួយជីវភាពសេដ្ឋកិច្ចជូនមាមីងនៅភូមិភាគ។

ឡរម្ងាស់ទឹកត្នោតសិប្បកម្មរបស់គ្រួសារបងស្រីនាងញូ។

ឃុំអូរឡឹម និងឃុំនានានៅជុំវិញភ្នំតូ កំពុងស្ថិតក្នុងរដូវប្រមូលផលត្នោត។ ភាគច្រើនគ្រួសារណាក៏ដាំដើមត្នោតមួយចំនួននៅតាមភ្លឺស្រែដែរ ហើយរដូវប្រាំង គឺជាដំណាក់កាលដើមត្នោតផ្តល់ផ្លែនិងទឹកច្រើនបំផុត។ បរិមាណស្ករក្នុងទឹកត្នោតរដូវប្រាំង ច្រើនណាស់បើយកចុះផឹកភ្លាម រសជាតិឆ្ងាញ់ជាងរដូវភ្លៀង។ បងចៅណាង នៅភូមិភឿកឡុក ឃុំអូរឡឹម ឲ្យដឹង៖ "ខ្ញុំមានវ័យចំណាស់ហើយ រដូវប្រាំងមិនអាចទៅពលកម្មឆ្ងាយដូចយុវវ័យបាន។ ដោយគ្រួសារខ្ញុំមានដើមត្នោតមួយចំនួន និងជួលអ្នកផងបន្ថែមមួយចំនួនដើមទៀត ប្តីប្រពន្ធខ្ញុំយកទឹកត្នោតដើម្បី រម្ងស់ស្ករ"។ ជារៀងរាល់ថ្ងៃ បងណាងប្រមូលផលទឹកត្នោតចំនួន២០ដើម រួចយកមករម្ងស់ស្ករបានពី១៥ដល់២០គីឡូក្រាម។ បច្ចុប្បន្ន ស្ករលក់ឲ្យឈ្មួញតម្លៃប្រមាណ១៥ពាន់ដុង/គីឡូក្រាម ក្នុងមួយថ្ងៃបងរកបានប្រាក់ចំណូលប្រមាណពី៤០០-៥០០ពាន់ដុង។ ដោយសារគ្រួសារ មានឈើស្ងួតជាច្រើន ហេតុនោះបងណាងមិនបង់ប្រាក់ទិញឧសរម្ងាស់ស្ករឡើយចំណែកឆ្នាំងរម្ងាស់ស្ករបានទិញតាំងពីរដូវមុនៗមកម៉្លេះ ហេតុនោះទឹកប្រាក់ដែលបានដូចពោលខាងលើ គឺជាប្រាក់ចំណេញរបស់គ្រួសារបង។ ថ្វីត្បិតដូច្នេះក្តី របរយកទឹកត្នោតនឿយហត់និងប្រកបដោយគ្រោះថ្នាក់ខ្លាំងណាស់ បងណាងលាបាទដៃឃើញសុទ្ធតែស្នាមរបួសមុតបន្លាធាងត្នោត។ ជារៀងរាល់ថ្ងៃ បងឡើងយកទឹកត្នោត និងបេះផ្លែដោយដើមឫស្សីមួយដើមនិងខ្សែព្រ័ត្រមួយខ្សែប៉ុណ្ណោះ គ្មានឧបករណ៍ការពារអ្វីទាំងអស់។

ពេលចូលទៅសួរគ្រួសារបងស្រីនាងញូនៅភូមិភឿកឡុក បងស្រីឲ្យដឹងដោយក្តីរីករាយ៖"ឆ្នាំនេះទឹកត្នោតមានបរិមាណស្ករច្រើន តម្លៃក៏លំនឹង បានជាប្រាក់ចំណូលគ្រួសារខ្ញុំបានកែលម្អមួយចំណែក។ ប្តីខ្ញុំទទួលបន្ទុកយកទឹកត្នោត ខ្ញុំដើររកឧស ចំណែកម្តាយខ្ញុំនៅផ្ទះរម្ងាស់ស្ករ។ ឆ្នាំដល់នេះកូនពៅខ្ញុំរៀនថ្នាក់ទី១ ហេតុនោះ ទឹកប្រាក់ដែលរកបានពីរដូវរម្ងាស់ស្ករនេះ សម្រាប់ទិញសម្លៀកបំពាក់និងសិក្ខូបករណ៍"។ គ្រួសារគ្មានដើមត្នោត ប៉ុន្តែបងស្រីនាងញ៉ាង នៅភូមិជាមួយនឹងបងស្រីនាងញូ អាចរកប្រាក់ចំណូលបន្ថែមពីការលក់ទឹកត្នោត។ ទឹកត្នោតត្រជាក់មួយកែវលក់តម្លៃ៣.០០០ដុង តែងបានភ្ញៀវទេសចរនិងប្រជាជនភូមិភាគចូលចិត្ត។ បងស្រីញ៉ាង លក់តែពេលរសៀល គឺអាចរកប្រាក់គ្រប់ទិញម្ហូបអាហារសម្រាប់សមាជិកគ្រួសារ។

ដើមត្នោត គឺជាភោគផលធម្មជាតិអំណោយផលដល់មាមីងនៅអូរឡឹម ប្រភេទដំណាំនេះ តែងនាំមកនូវប្រភពចំណូលដល់គ្រួសារជាច្រើនជារៀងរាល់ថ្ងៃ។ បច្ចុប្បន្ន មានគ្រួសារជាច្រើននៅអូរឡឹមមានស្មារតីអភិរក្ស និងដាំដើមត្នោតថ្មី។ ពីព្រោះដើមត្នោតជាប្រភេទដំណាំយូរឆ្នាំប្រ មាណជា៣០ឆ្នាំ ទើបអាចប្រមូលផល ហេតុនោះមាមីងតែងនិយាយថា ដាំទុកឲ្យកូនចៅ៕

ថាច់ថាញ់ភូ-វិមាន

ចែករំលែកអត្ថបទ

ពាក្យគន្លឹះ