សុខភាព - អប់រំ អប់រំ

11/08/2015 - 14:47

រក្សាអត្តសញ្ញាណវប្បធម៌ខ្មែរ

អ៊ូមិញ ជាភូមិភាគមួយក្នុងចំណោមភូមិភាគទាំងឡាយដែលមានជនរួមជាតិខ្មែររស់នៅកុះករ ក្នុងនោះ អ្នកដែលមិនទាន់ចេះអានចេះសរសេរអក្សរសាស្រ្តជាតិរបស់ខ្លួននៅមានចំនួនច្រើន។ អាស្រ័យហេតុនោះ ប៉ុន្មានឆ្នាំកន្លង ពេលដល់រដូវវិស្សមកាលម្តងៗ ស្រុកតែងរៀបចំបើកថ្នាក់បង្រៀនអក្សរខ្មែរ ជូនកូនចៅជនរួមជាតិនៅលើភូមិសាស្ត្ររៀនសូត្រ។

ការបង្ហាត់បង្រៀនអក្សរខ្មែររដូវវិស្សមកាល បានរួមចំ ណែករក្សាអត្តសញ្ញាណវប្បធម៌ជនជាតិ ឆ្លងតាមរយៈថ្នាក់បង្ហាត់បង្រៀននេះ ជួយឲ្យប្អូនៗចេះអាន ចេះសរសេរអក្សរខ្មែរបានល្អ។

ក្នុងអំឡុងពេលនេះ ប្រិយមិត្តមានឱកាសទៅកាន់តំបន់មានជនរួមជាតិខ្មែររស់នៅកុះករ នៅភូមិសាស្ត្រស្រុកអ៊ូមិញ នោះនឹងបានឃើញច្បាស់នូវបរិយាកាស នៃថ្នាក់បង្រៀនអក្សរខ្មែររដូវវិស្សមកាលជូនកូនចៅជនរួមជាតិ។ ធម្មតាសាលារៀន អគារវប្បធម៌នៅកន្លែងដទៃទៀត រដូវនេះមានភាពស្ងាត់ជ្រងំ តែចំពោះសាលារៀន អគារវប្បធម៌នៅទីនេះ បែរជាឭុសូរសំឡេងអានអក្សរលាន់រំពងរបស់សិស្សានុសិស្ស។ ទោះបីថ្នាក់រៀនត្រូវបានរៀបចំបង្រៀនសម្រាប់តែរដូវវិស្សមកាលក៏ដោយ ហើយលក្ខណៈធ្វើដំណើរទៅរៀនរបស់ប្អូនៗនៅជួបការលំបាកច្រើនប៉ុន្តែអាស្រ័យដោយការចលនារបស់ការិយាល័យជនជាតិស្រុក ទើបប្អូនៗនិងគ្រួសារបានយល់ច្បាស់អំពីសារៈសំខាន់នៃការរៀនអក្សរ សាស្ត្រជាតិរបស់ខ្លួន ទើបប្អូនៗខិតខំចូលរៀន។

ប្រធានការិយាល័យជនជាតិស្រុកអ៊ូមិញ វ៉ហាយផឹង ចែករំលែកៈ "ចំពោះកូនចៅជនរួមជាតិ រដូវវិស្សមកាលជាឱកាសដើម្បីប្អូនៗ បានជួយការងារឳពុកម្តាយ ពិសេសគឺប្អូនៗ គ្រួសារក្រីក្រ ការធ្វើដំណើរទៅសាលារបស់ប្អូនៗក៏នៅជួបការលំបាក។ តែដោយសារការចលនារបស់ការិយាល័យជនជាតិស្រុក និងលោកគ្រូអ្នកគ្រូ ទើបគ្រួសារប្អូនៗយល់ច្បាស់អំពីសារៈសំខាន់នៃការរៀនអក្សរសាស្ត្រជាតិរបស់ខ្លួន ហេតុនោះ ទើបឲ្យប្អូនៗចូលរៀន។ ចំពោះស្រុកអ៊ូមិញ ឆ្នាំនេះចំនួន សិស្សានុសិស្សចូលរៀនមានច្រើនកុះករ បច្ចុប្បន្ន កំពុងបើកបង្រៀនចំនួន៥ថ្នាក់និងមានសិស្សចូលរៀន១៤៥រូប។ នេះជាសញ្ញាគួរឲ្យរីក រាយ"។

ប្អូនសើុងកេវត្រាង សិស្សថ្នាក់ទី២ សាលាភូមិ៦ ឃុំខាញ់ឡឹម រៀបរាប់៖"ថ្នាក់រៀននេះ បានជួយឲ្យប្អូនៗយល់ដឹងថែមទៀតអំពីភាសា អក្សរ សាស្រ្តជាតិរបស់ខ្លួន និងកាន់តែមានមោទនភាពចំពោះជនជាតិខ្លួន។ ពីមុននេះ ថ្វីត្បិតប្អូនៗជាជនជាតិខ្មែរ ប៉ុន្តែប្អូនមិនទាន់បានរៀនអក្សរសាស្រ្តខ្មែរ បច្ចុប្បន្ន មានបើកថ្នាក់បង្រៀនអក្សរខ្មែរ ប្អូនសប្បាយចិត្តណាស់"។

ផ្តើមពីលក្ខណៈពិសេសទាំងនោះ ក៏ដូចជាក្តីរីករាយរបស់ប្អូនៗសិស្សា នុសិស្សចំពោះអក្សរសាស្ត្រនិងភាសាជាតិរបស់ខ្លួន ហេតុនោះគុណភាពបង្ហាត់បង្រៀនតែងបានគណៈរៀបចំថ្នាក់រៀន និងលោកគ្រូអ្នកគ្រូ យកចិត្តទុកដាក់ពិសេស។ កងជួរគ្រូបង្រៀនសុទ្ធតែបានបណ្តុះបណ្តាលមុខជំនាញ និងជាអ្នកបានបួសរៀនច្រើនឆ្នាំ មានចំណេះដឹងជ្រៅជ្រះ។ កម្មវិធីបង្ហាត់បង្រៀនតែងបានផ្លាស់ថ្មីជានិច្ច។ ទន្ទឹមនឹងនោះ គ្រូបង្រៀននៅទាំងផ្គួបផ្សំជាមួយសកម្មភាពផ្សេងៗជាច្រើន ដើម្បីបង្ក បរិយាកាសទាក់ទាញអារម្មណ៍ជួយឲ្យប្អូនៗទទួលយកនិងចងចាំមេរៀនបានល្អ។ អាស្រ័យហេតុនោះ ថ្នាក់បង្រៀនតែងសម្រេចបាន គុណភាពល្អតាមសំណូមពរដាក់ចេញ៕

ត្រឹងថេ(កាសែតកាម៉ាវ) ប្រែៈសុផល

ចែករំលែកអត្ថបទ

ពាក្យគន្លឹះ