គោលនយោបាយ -ការរស់នៅ គោលនយោបាយ

21/07/2015 - 10:34

ជនរួមជាតិខ្មែរនៅតឹមសើុងកសាងជនបទថ្មី

ឃុំតឹបសេីុង ស្រុកថ្កូវ ខេត្តត្រាវិញ មានជនរួមជាតិខ្មែររស់នៅកុះករស្រូបអត្រាជិត៧០%នៃចំនួនប្រជាជនរួមក្នុងទូទាំងឃុំ។ អាស្រ័យគណៈកម្មាធិការប្រជាជនឃុំ អនុវត្តបានល្អនូវការឃោសនាផ្សព្វផ្សាយ បានជាជនរួមជាតិខ្មែរនៅឃុំតឹបសេីុង មានការខ្នះខ្នែងរួមនឹងរដ្ឋអំណាចមូលដ្ឋានកសាងជនបទថ្មី។

មាមីងជនជាតិខ្មែរមកពិនិត្យជំងឺនៅដំណាក់សុខាភិបាលតឹបសេីុង

ពីមុនឃុំតឹបសេីុងជាឃុំនៅក្រ ជីវភាពជនរួមជាតិខ្មែរនៅជួបការលំបាកច្រើន។ ជីវភាពមាមីងខ្មែរភាគច្រើនប្រកបរបរកសិកម្ម ប៉ុន្តែផ្នែកហេដ្ឋារចនាសម្ព័ន្ធនៅខ្វះខាតច្រើនការបង្វែររចនាសម្ព័ន្ធកសិកម្មនៅយឺត។ ផ្តើមពីនោះ បណ្តាលឲ្យអត្រាគ្រួសារក្រីក្រមានកម្រិតខ្ពស់ រីឯវិស័យអប់រំនិងបណ្ដុះបណ្ដាលសុខាភិបាល ពុំសូវបានមាមីងផ្តោតការយកចិត្តទុកដាក់។ លោកគ្រូថាច់អមគ្រូបង្រៀនអក្សរខ្មែរនៅវត្តពោធិចុឡាមណីចេតិយ ឲ្យដឹង៖ "ជីវភាពមាមីងនៅឃុំតឹបសេីុង ពីមុននៅជួបការលំបាកច្រើន ពិសេសគឺមាមីងជនរួមជាតិខ្មែរក្មេងៗបោះបង់ការសិក្សាច្រើន។

បច្ចុប្បន្ន ស្ថានភាពសិស្សបោះបង់ការសិក្សាគ្មាននៅទៀតទេ។ វត្តជួសជុលនិងកសាងកុដិ សាលាថ្មីៗជាច្រើន អគារសិក្សាមានភាពសមរម្យ ប្រព័ន្ធគមនាគមន៍ជនបទត្រូវបានក្រាលកៅស៊ូ និងចាក់ដានរាបរលូន អាចបើកម៉ូតូចូលដល់ផ្ទះ"។

តាមប្រសាសន៍ ប្រធានគណៈកម្មាធិការប្រជាជន ឃុំតឹបសេីុងឲ្យដឹង៖ភូមិទាំងអស់របស់ឃុំ បច្ចុប្បន្ននៅតែ១ភូមិប៉ុណ្ណោះ ដែលឋិតក្នុងក្របខ័ណ្ឌកម្មវិធី១៣៥គ្រួសារខ្មែរក្រីក្រស្រូបអត្រា១២% បើប្រៀបធៀបជាមួយនឹងអត្រាគ្រួសារក្រីក្ររួមរបស់ឃុំគឺ១១,៥%។ ប្រការនេះ សឲ្យឃើញថាឃុំគ្មាននៅគម្លាតខាងគុណភាពជីវភាពរវាងជនរួមជាតិខ្មែរនិងជនជាតិផ្សេងៗលើភូមិសាស្រ្ត។ តឹបសេីុង ជាឃុំជាប់ព្រំប្រទល់នឹងភូមិភាគនានា ហើយជាដើមទងផ្លូវគមនាគមន៍តភ្ជាប់ស្រុកទាំង ៣នោះ គឺស្រុកថ្កូវ ទីវកឹងនិងកូវកែ។ អាស្រ័យហេតុនោះ មានគ្រួសារប្រជាជនជាច្រើន ប្តូរមកប្រកបរបរជួញដូរធ្វើអាជីវកម្ម បង្កើនប្រាក់ចំណូលគួរឲ្យកត់សម្គាល់។

ក្រៅពីនោះ លោកតាំងវាំុងថាយ តឹបសេីុង នៅទាំងជាឃុំនាំមុខក្នុងការអនុវត្តន៍នូវទម្រង់រូបភាពថ្មីៗជាច្រើន។ លោកគឹមថាយ ជាកសិករផលិតពូកែនៅភូមិបេនទ្រី ឲ្យដឹងដោយក្តីរីករាយ៖ មាមីងនៅតឹបសេីុង ជាដៃគូសំខាន់របស់មន្ទីរ ផ្នែកនានារបស់ខេត្ត ពេលមានទម្រង់រូបភាពថ្មី គឺមាមីងសហការអនុវត្តពិសោធន៍។ បច្ចុប្បន្ន យើងខ្ញុំកំពុងសហការជាមួយនឹងមន្ទីរវិទ្យាសាស្រ្ត និងបច្ចេកវិជ្ជាខេត្តត្រាវិញ ដំណើរការអនុវត្តការស្រោចស្រពដំណាំ ដោយវិសាលភាពទូលាយ។ លទ្ធផលដំបូងឃើញថាល្អបង្គួរ បង្កើនទិន្នផល កាត់បន្ថយបាននូវកម្លាំងពលកម្មស្រោចស្រព"។

លោកតាំងវាំុងថាយ បញ្ជាក់បន្ថែម៖ "តឹបសេីុង មានគ្រួសារជនជាតិ ខ្មែរជាច្រើនស្ម័គ្រចិត្តសុំចាកផុតពីភាពក្រីក្រ ផ្ទេរការឧបត្ថម្ភដីសង់ផ្ទះ ទុកឲ្យគ្រួសារផ្សេងៗវិញ។ សំណង់ជាច្រើនសម្រាប់ការកសាងជនបទថ្មី មានដូចជាផ្លូវគមនាគមន៍ជនបទ អគារវប្បធម៌ភូមិ។ល។ បានមាមីងខ្មែរស្ម័គ្រចិត្តបរិច្ចាគដី ដើម្បីឃុំចំណាយថវិកាកសាងតាមបទដ្ឋានជនបទថ្មី។ ជាពិសេស បច្ចុប្បន្នឃុំមានកម្មាភិបាលជាជនជាតិខ្មែរជាង៦០% ជាមួយនឹងកងជួរកម្មាភិបាល ដូចនេះបង្កបាននូវភាពងាយស្រួលខាងប្រភពធនធានមនុស្ស ដើម្បីតឹបសេីុងកសាងជោគជ័យឃុំជនបទថ្មីនាពេលខាងមុខ"៕

ថាច់ថាញ់ភូ-មុនី

ចែករំលែកអត្ថបទ

ពាក្យគន្លឹះ