គោលនយោបាយ -ការរស់នៅ គោលនយោបាយ

26/08/2014 - 09:22

អស់ពីចិត្តដើម្បីអ្នកក្រ

លោកមា៉លឿងធៀង(ខាងស្តាំ)តែងមកសួរសុខទុក្ខ មាមីងខែ្មរក្រីក្រនៅភូមិភាគ។ប៉ុន្មានឆ្នាំកន្លង មាមីងខ្មែរនៅភូមិតាបៀង ឃុំភូម៉ី ស្រុកម៉ីទូ ខេត្តសុកត្រាំង តែងកោតសរសើរចំពោះពូម៉ាលឿងធៀង ពីព្រោះពូតែងឧបត្ថម្ភអ្នកក្រឆ្លងកាត់ការលំបាក។ល។

លោកមា៉លឿងធៀង(ខាងស្តាំ)តែងមកសួរសុខទុក្ខ មាមីងខែ្មរក្រីក្រនៅភូមិភាគ។

ចាប់ផ្ដើមកសាងគ្រួសារដោយបាតដៃទទេ ប្ដីប្រពន្ធពូរស់នៅដោយធ្វើការឈ្នួល។ ធ្វើការឈ្នួលបណ្ដើរចិញ្ចឹមសត្វបណ្ដើរ។ ពេលសន្សំបានដើមទុនខ្លះៗ ប្ដីប្រពន្ធពូបើកហាងលក់គ្រឿងសារពើភ័ណ្ឌ។ ដោយមានចរិតជាអ្នកឧស្សាហ៍ព្យាយាមប្រកបការងារ ពូសន្សែសន្សំបានប្រាក់ ទិញដីស្រែតាំងពីមួយកុងឡើងទៅ។ការរកស៊ីចេះតែប្រព្រឹត្តទៅដូច្នេះពីមួយឆ្នាំទៅមួយឆ្នាំរហូតមកទល់ពេលនេះ គ្រួសារពូមានដីស្រែជាង១០០កុង។ បច្ចុប្បន្នពូពង្រីកបន្ថែមហាងលក់គ្រឿងសារពើភ័ណ្ឌនិង បង្កើតដេប៉ូសម្ភារៈកសិកម្មនៅភូមិភាគ។លោកថាច់ម៉ិនឡៃ អនុប្រធានគណៈកម្មាធិការប្រជាជនឃុំភូម៉ី ឲ្យដឹងៈ "ពូធៀង តែងឧបត្ថម្ភអ្នករាល់គ្នាដូច្នេះមាមីងខ្មែរនរណាក៏គោរពរាប់អានគាត់ដែរ។ ពូជាគំរូឈានមុខក្នុងការចលនារបស់ភូមិភាគ អនុវត្តបានល្អនូវគោលការណ៍ គោលនយោបាយរបស់បក្ស ច្បាប់របស់រដ្ឋ។ ពិសេស ពូខ្នះខ្នែងចលនាមាមីងកសាងជនបទឲ្យកាន់តែស្រស់បំព្រង។

មិនត្រឹមតែជាកសិករផលិតពូកែ ពូធៀងគឺជាអ្នកជោគជ័យក្នុងការចិញ្ចឹមកូនសុភាពរាបសា រៀនពូកែ។ បច្ចុប្បន្ន កូនទាំងពីរនាក់របស់ពូកំពុងរៀនមហាវិទ្យាល័យនិងអនុវិទ្យាល័យ។ ពូធៀងសំណេះសំណាលៈ" រូបខ្ញុំធ្លាប់ក្រខ្សត់ ហេតុនេះខ្ញុំជ្រាបច្បាស់ពីជីវភាពរបស់កសិករក្រីក្រ។ ខណៈពេលជីវភាពគ្រួសារបានធូរធារ ខ្ញុំតែងគិតគូរឲ្យកូនៗរៀនសូត្រ ដើម្បីមានរបរលំនឹង។ ដោយឃើញអ្នកក្រជួបការលំបាក ខ្ញុំក៏ជួយចែករំលែកខ្លះៗ ដើម្បីឲ្យពួកគាត់បានចាកផុតពីភាពក្រីក្រ"។ ជិត១០ឆ្នាំនេះ ពូធៀងតែងធ្វើអំពើជាកុសល ដោយជួយឧបត្ថម្ភអ្នករាល់គ្នាឆ្លងកាត់ការលំបាក។ ជារៀងរាល់ឆ្នាំ ពូតែងចាត់ចែងចែកជូនអង្ករជាពីរលើកក្នុងមួយលើកៗជាង១តោនដល់គ្រួសារក្រីក្រក្នុងភូមិ។ ចំពោះគ្រួសារក្រីក្រ មានជំងឺឈឺថ្កាត់ឬក៏មានអ្នកស្លាប់ពូជំនួយក្ដារមឈូស អង្ករ ប្រាក់។ល។ ដើម្បីរួមចំណែកជួយពួកគាត់ឆ្លងកាត់ពីការលំបាក។ អ៊ំផាងវាំុងយ៉ា ឲ្យដឹងៈ "ក្នុងភូមិយើងខ្ញុំនរណា ក៏បានពូធៀងឧបត្ថម្ភទាំងអស់។ ខ្ញុំឈឺភ្នែក មើលមិនឃើញ ចុកចាប់ដេកនៅពុំបានសំណាងល្អបានពូធៀងមកដល់ ផ្ទះជំនួយលុយនិងនាំទៅព្យាបាលនៅមន្ទីរពេទ្យសុកត្រាំង ឥឡូវបានជាសះស្បើយ" ។

ពូធៀង នៅទាំងជាអ្នកជោគជ័យក្នុងការចូលរួមសម្រុះសម្រួលដូចជាទំនាស់ដីធ្លី វិវាទក្នុងគ្រួសារ ភូមិស្រុក ។ល។ ពូធៀង រៀបរាប់ៈ "មុននឹងទៅចូលរួមសម្រុះសម្រួល ខ្ញុំតែងទៅដល់ផ្ទះមាមីងស្វែងយល់ពីស្ថានភាពគ្រួសារ ដូច្នេះក្នុងពេលចូលរួមសម្រុះសម្រួល ខ្ញុំក៏វិភាគពន្យល់ ដោយសមហេតុសមផល ពេលនោះប្រជាជនក៏ទទួលយកដោយរីករាយ។ មាមីងខ្មែរមានអត្តចរិតស្លូតបូតរស់នៅប្រកបដោយមនោ សញ្ចេតនា ហេតុដូច្នេះ ខណៈពេលអ្នកមានប្រជាប្រិយភាពក្នុងតំបន់ ជនរួមជាតិពន្យល់វែកញែក ពីហេតុផលសមស្របតាមផ្លូវច្បាប់ផងនិងសមហេតុសមផលផង អ្នកណាក៏មានការអនុគ្រោះ រស់នៅត្រឹមត្រូវ និងសាមគ្គីគា្ន"។

មិនត្រឹមតែជួយអ្នករាល់គ្នាឆ្លងកាត់ការលំបាកប៉ុណ្ណោះទេ ពូថែមទាំងចូលរួម និងចលនាប្រជាជនក្នុងការកសាងជនបទថ្មី។ ចាប់ពីឆ្នាំ២០០៦ មកទល់បច្ចុប្បន្ន ពូចលនាមាមីងនិងសប្បុរសជនរួមវិភាគទានរាប់រយ លានដុង ដើម្បីកសាងផ្លូវគមនាគមន៍ជនបទបានជាង៤.០០០ម៉ែត្រ កសាងថ្មី និងជួសជុលស្ពានបេតុងជនបទបានចំនួន៥ខ្សែ បង្កលក្ខណសម្បត្តិឲ្យមាមីងធ្វើដំណើរទៅមកបានងាយស្រួល។

ឆ្នាំ២០១៤ ពូម៉ាលឿងធៀង បានគណៈកម្មាធិការប្រជាជនខេត្តជូនប័ណ្ណសរសើរដោយសម្រេចស្នាដៃល្អក្នុងការងារចលនាជនរួមជាតិភាគតិច អនុវត្តបានល្អនូវគោលនយោបាយរបស់បក្ស និងច្បាប់របស់រដ្ឋ៕

លីធាន-ពេជ្រសឿន

ចែករំលែកអត្ថបទ

ពាក្យគន្លឹះ