សន្តិសុខ - ការពារប្រទេស ការពារប្រទេស

09/09/2026 - 14:21

ភាពកក់ក្តៅនៃមនោសញ្ចេតនារវាងកង័ទពនិងប្រជាជននៅតំបន់ព្រំដែនសមុទ្រ

មិនត្រឹមតែអនុវត្តល្អភារកិច្ចការពារអធិបតេយ្យភាព សន្តិសុខព្រំដែនសមុទ្រប៉ុណ្ណោះទេ យុទ្ធជនការពារព្រំដែននៅទាំងប្រកៀកស្មា ចែករំលែកជាមួយប្រជាជនដោយការងារជាក់ស្តែងជាច្រើន។ ផ្តើមពី “ល្វែងទំនិញសូន្យដុងសម្រាប់អ្នកក្រ”នៅប៉ុស្តិ៍ការពារព្រំដែនវិញចូវនិងឡាយហ្វាទីក្រុងកឹងធើ អំណោយប្រកបដោយអត្ថន័យនេះបានរួមចំណែកឧបត្ថម្ភប្រជាជនជួបការលំបាក ព្រមទាំងធ្វើឱ្យរីកសាយភាយរូបភាពដ៏ល្អប្រពៃនិងការពូនជ្រំចំណងសាមគ្គីយ៉ាងជិតស្និទ្ធរវាងកងទ័ពនិងប្រជាជននៅតំបន់ព្រំដែនសមុទ្រ។

នៅប៉ុស្តិ៍ការពារព្រំដែនឡាយហ្វា កម្មវិធី “ល្វែងទំនិញសូន្យដុង” ទើបជូនអំណោយ១៣០ចំណែក មួយចំណែកៗតម្លៃ ៣៥០.០០០ដុង ដល់គ្រួសារដែលមានស្ថានភាពលំបាកខ្លាំង។ ទន្ទឹមនឹងនោះ កម្មាភិបាល យុទ្ធជននៃអង្គភាពក៏បានចុះទៅសួរសុខទុក្ខ លើកទឹកចិត្តនិងជូនអំណោយដល់យាយតាចាស់ៗគ្មានទីពឹងនៅសង្កាត់វិញភឿក។ តាមប្រសាសន៍លោកអនុសេនីយ៍ឯក ង្វៀងក្វឹកហឹង ស្នងការនយោបាយប៉ុស្តិ៍ការពារព្រំដែនឡាយហ្វា អង្គភាពបានចាត់តាំងទៀងទាត់ក្នុងមួយខែម្តង “ល្វែងទំនិញសូន្យដុងសម្រាប់អ្នកក្រ” ដើម្បីចែករំលែកជាមួយស្ថានភាពនៅជួបការលំបាកលើភូមិឋានតំបន់ព្រំដែនសមុទ្រ។ បន្លែបង្ការ ផ្លែឈើ អាស្រ័យកម្មាភិបាល យុទ្ធជនក្នុងអង្គភាពដាំដោយខ្លួនឯង ចំណែកអង្ករ របស់របរប្រើប្រាស់ចាំបាច់ សម្លៀកបំពាក់ សម្ភារៈប្រើប្រាស់ក្នុងគ្រួសារ គឺបានមកពីការចលនាសប្បុរសជនរួមវិភាគទាន។ ផលិតផលទាំងអស់ បានកម្មាភិបាល យុទ្ធជនរៀបចំមានសណ្តាប់ធ្នាប់ដូចដាក់លក់នៅផ្សារតូច ដើម្បីមាមីងជ្រើសរើសដោយខ្លួនឯងនៅអ្វីដែលគាត់ត្រូវការ។

កម្មាភិបាល យុទ្ធជនប៉ុស្តិ៍ការពារព្រំដែនឡាយហ្វា យកអំណោយទៅជូន
យាយតាចាស់ៗដល់ផ្ទះ។

កាន់អំណោយក្នុងដៃ អ្នកមីងតាំងធីសុខ នៅភូមិព្រៃជាប់ B ឃុំឡាយហ្វា ទីក្រុងកឹងធើ ចែករំលែកដោយក្តីរំភើប៖ “ប្តីប្រពន្ធខ្ញុំវ័យចាស់ មិនអាចធ្វើការងារធ្ងន់បានទេ ដូច្នេះ ជារៀងរាល់ខែ បានពូៗយុទ្ធជនការពារព្រំដេនចាត់តាំង “ល្វែងទំនិញសូន្យដុងសម្រាប់អ្នកក្រ” ខ្ញុំមកជ្រើសយករបស់ដែលតម្រូវការចាំបាច់បំផុត។ អំណោយមានដូច៖ អង្ករ បន្លែបង្ការ ផ្លែឈើ របស់របរប្រើប្រាស់ចាំបាច់មានអត្ថន័យជាក់ស្តែង ជួយឱ្យខ្ញុំបន្ថយចំណាយក្នុងជីវភាពប្រចាំថ្ងៃ។ សន្តានចិត្តរបស់ពូៗយុទ្ធជនការពារព្រំដែនផ្តល់ជូនប្រជាជនមានភាពជិតស្និទ្ធនិងកក់ក្តៅណាស់”។

សម្រាប់គ្រួសារក្រីក្រជាច្រើន អង្ករមួយបាវ ប្រេងឆាមួយដបឬរបស់របរប្រើប្រាស់ប្រចាំថ្ងៃ អាចជួយសម្រាលការលំបាកបានមួយផ្នែកណា។ ប៉ុន្តែសំខាន់ជាងនេះទៅទៀត នោះគឺជាការលើកទឹកចិត្តដើម្បីមាមីងកាន់តែមានទំនុកចិត្តឈានឡើងក្នុងជីវភាព។ អ្នកមីង ត្រឹងធីសាឡែន នៅភូមិព្រៃជាប់ B ឃុំឡាយហ្វា ឱ្យដឹង៖ “ពូៗយុទ្ធជនការពារព្រំដែន មិនត្រឹមតែអនុវត្តល្អភារកិច្ចការពារតំបន់ព្រំដែនសមុទ្រប៉ុណ្ណោះទេ ថែមទាំងចុះទៅមូលដ្ឋានសួរសុខទុក្ខ ជួយមាមីងក្រីក្រ អ្នកវ័យចាស់គ្មានទីពឹង។ មិនត្រឹមតែដូច្នោះ ពេលជួបការលំបាក គ្រោះធម្មជាតិឬត្រូវការចាំបាច់អ្វីម្តងៗ ពូៗយុទ្ធជនកងទ័ពត្រៀមជួយជានិច្ច។ ផ្តើមពីភាពជិតស្និទ្ធនិងការយកចិត្តទុកដាក់ទាំងនោះ ខ្ញុំយល់ឃើញថាទឹកចិត្តរបស់ពូៗយុទ្ធជនកងទ័ពផ្សារភ្ជាប់ដូចជាសមាជិកក្នុងគ្រួសារ”។

លោកវរសេនីយ៍ឯកបម្រុង ង្វៀងថេផុង ស្នងការនយោបាយនៃគណៈបញ្ជាការកងទ័ពការពារព្រំដែនទីក្រុងកឹងធើ យកអំណោយទៅជូនដល់ផ្ទះអ្នកដែលងាយរងគ្រោះ។

ទន្ទឹមនឹងនោះ ប៉ុស្តិ៍ការពារព្រំដែនវិញចូវ ក៏បានចាត់តាំង “ល្វែងទំនិញសូន្យដុង” រៀបចំជូនអំណោយ១០០ចំណែក រួមមាន៖ អង្ករនិងរបស់របរប្រើប្រាស់ចាំបាច់ អំណោយមួយចំណែកៗតម្លៃ ៤០០.០០០ដុង ដល់គ្រួសារស្ថិតក្នុងក្របខ័ណ្ឌគោលនយោបាយ គ្រួសារក្រីក្រ គ្រួសារក្បែរក្រ គ្រួសារដែលមានស្ថានភាពលំបាកខ្លាំងនិងសិស្សក្រីក្រ។ ក្រៅពីនោះ អង្គភាពនៅទាំងមានល្វែងទំនិញសម្លៀកបំពាក់ សម្ភារៈប្រើប្រាស់ចាំបាច់ផ្សេងៗជាច្រើន ដើម្បីមាមីងមកជ្រើសយក។ អំណោយទាំងនេះ មិនត្រឹមតែឧបត្ថម្ភផ្នែកខាងសម្ភារៈប៉ុណ្ណោះទេ ប្រការដែលបន្សល់ក្នុងទឹកចិត្តប្រជាជន គឺមនោសញ្ចេតនាដ៏ស្មោះត្រង់របស់យុទ្ធជនកងទ័ពពាក់ស័ក្តិខៀវ។ លោកវរសេនិយ៍ឯកបម្រុង ផាមង្វៀងថេផុង ស្នងការនយោបាយនៃគណៈបញ្ជាការកងទ័ពការពារព្រំដែនទីក្រុងកឹងធើ ឱ្យដឹង៖ “គណៈបញ្ជាការកងទ័ពការពារព្រំដែនទីក្រុងកឹងធើ នឹងបន្តចង្អុលការដល់គ្រប់អង្គភាព ពង្រីកនូវទម្រង់ដែលមានប្រសិទ្ធភាព បង្កើតរបៀបធ្វើសមស្របនឹងលក្ខណៈនៃតំបន់នីមួយៗ មុខសញ្ញានីមួយៗ ដើម្បីពង្រីកវិសាលភាព។ ពិសេសគឺទម្រង់ “ល្វែងទំនិញសូន្យដុងសម្រាប់អ្នកក្រ”មានអត្ថន័យជាក់ស្តែង ចែករំលែកការលំបាកបានផ្នែកណាសម្រាប់មាមីងនៅតំបន់ព្រំដែនសមុទ្រ។ ការរីកសាយភាយនៃទម្រង់ “ល្វែងទំនិញសូន្យដុងសម្រាប់អ្នកក្រ”ដែលបានគណៈឃោសនាអប់រំនិងប្រជាចលនាមជ្ឈិម (បច្ចុប្បន្នជាគណៈឃោសនាអប់រំមជ្ឈិម) ទទួលស្គាល់និងជូនប័ណ្ណសរសើរជាទម្រង់ឆ្នើមនៅតំបន់ភាគខាងត្បូងឆ្នាំ២០២៥។ សកម្មភាពនិងទម្រង់ទាំងនេះបានរួមចំណែកពង្រឹងចំណងសាមគ្គីរវាងកងទ័ពនិងប្រជាជន កសាងជំហរយុទ្ធសាស្ត្រការពារព្រំដែនទូទាំងប្រជាជនកាន់តែរឹងមាំ”។

នៅតំបន់ព្រំដែនសមុទ្រ ជីវភាពប្រជាជននៅជួបការលំបាកច្រើន សកម្មភាពពោរពេញដោយអត្ថន័យរបស់កម្មាភិបាល យុទ្ធជនការពារព្រំដែនទីក្រុងកឹងធើ បានជួយឱ្យប្រជាជនមានជីវភាពកាន់តែសុខដុមរមនា។ អំណោយមួយចំណែកៗមិនត្រឹមតែមានតម្លៃផ្នែកខាងសម្ភារៈប៉ុណ្ណោះទេ ថែមទាំងជាស្ពានតភ្ជាប់បេះដូង ដើម្បីមនោសញ្ចេតនារវាងកងទ័ពនិងប្រជាជនកាន់តែមានភាពជិតស្និទ្ធ៕

យ្វីអាញ-មុនី

ចែករំលែកអត្ថបទ

ពាក្យគន្លឹះ