គណៈកម្មាធិការរណសិរ្សមាតុភូមិវៀតណាមឃុំទ្រុងហ៊ឹង បានសហការចាត់តាំងពិធីប្រគល់ផ្ទះមហាសាមគ្គីជូនដល់គ្រួសារអ្នកមីងដាវធីឌាង គ្រួសារក្បែរក្រ នៅភូមិថាញ់ឡុក ១ ។ នេះគឺជាសកម្មភាពមួយក្នុងចំណោមសកម្មភាពជាក់ស្តែងជាច្រើន ដើម្បីអបអរសាទរខួបលើកទី ៨១ ទិវាបដិវត្តន៍ខែសីហាទទួលបានជោគជ័យ (១៩/៨/១៩៤៥ - ១៩/៨/២០២៦) និងទិវាបុណ្យជាតិនៃសាធារណរដ្ឋសង្គមនិយមវៀតណាម (២/៩/១៩៤៥-២/៩/២០២៦)។
ផ្ទះមានផ្ទៃដីទំហំប្រមាណ ៥០ ម៉ែត្រការ៉េ ក្រាលឥដ្ឋការ៉ូនិងប្រក់ស័ង្កសី។ តម្លៃសាងសង់សរុបគឺ ៧៥ លានដុង បានមកពីប្រភពកៀរគរសង្គមូបនីយកម្ម។ ក្នុងនោះ ក្រុមហ៊ុនទទួលខុសត្រូវមានកម្រិតសមាជិកមួយឆ្នោតជាតិកឹងធើ ឧបត្ថម្ភថវិកាចំនួន៦០លានដុង ចំណែកថវិកានៅសល់គឺបានមកពីគណៈកម្មាធិការរណសិរ្សមាតុភូមិវៀតណាមឃុំទុ្រងហ៊ឹង និងសមាគមនារីឃុំ ចលនាសប្បុរសជនជួយឧបត្ថម្ភដល់គ្រួសារ។
នាឱកាសប្រគល់ផ្ទះ តំណាងរដ្ឋអំណាចរណសិរ្សមាតុភូមិវៀតណាម អង្គការមហាជនឃុំទុ្រងហ៊ឹង និងភូមិថាញ់ឡុក ១ បានជូនអំណោយដល់គ្រួសារអ្នកមីង ដាវធីឌាង ជាច្រើនចំណែក ព្រមទាំងជូនពរដល់គ្រួសារដែលមានផ្ទះថ្មី។
តាមប្រសាសន៍ ថ្នាក់ដឹកនាំគណៈកម្មាធិការរណសិរ្សមាតុភូមិវៀតណាមឃុំទុ្រងហ៊ឹង គិតពីដើមឆ្នាំ ២០២៦ មកទល់បច្ចុប្បន្ន គណៈកម្មាធិការរណសិរ្សមាតុភូមិវៀតណាមឃុំ បានចលនាជួយឧបត្ថម្ភសាងសង់ផ្ទះមហាសាមគ្គី និងផ្ទះមេត្តាធម៌ចំនួន១៨ខ្នង ជាមួយតម្លៃសរុបជាង១ពាន់លានដុងនិងកម្លាំងពលកម្មចំនួន ២.២២០ ថ្ងៃ៕
ដុងតឹម-មេងលី
ពាក្យគន្លឹះ