មហាសាមគ្គីជនជាតិ ភូមិស្រុកផ្លាស់ថ្មី

02/09/2026 - 08:00

ប៊ិញអាងពង្រីកកម្លាំងផ្ទៃក្នុង ជំរុញការអភិវឌ្ឍសេដ្ឋកិច្ច-សង្គម

ផ្តើមពីការព្រួតដៃ និងការឯកភាពរវាងរដ្ឋអំណាចនិងប្រជាជននៅឃុំប៊ិញអាង ខេត្តអាងយ៉ាង នាពេលបច្ចុប្បន្នកំពុងមានការផ្លាស់ប្តូរយ៉ាងច្បាស់ក្រឡែត។ សេដ្ឋកិច្ចបានអភិវឌ្ឍជាបណ្តើរៗ ហេដ្ឋារចនាសម្ព័ន្ធមួយថ្ងៃកាន់តែមានភាពល្អប្រសើរ គោលនយោបាយសុខុមាលភាពសង្គមបានយកចិត្តទុកដាក់ ជីវភាពរបស់ប្រជាជនបានលើកកម្ពស់ជាបន្តបន្ទាប់។

ហេដ្ឋារចនាសម្ព័ន្ធកាន់តែរីកចម្រើនឡើង ដែលបង្កជាមូលដ្ឋានគ្រឹះ
ដើម្បីប៊ិញអាងអភិវឌ្ឍន៍។

ការរីកចម្រើនគួរឱ្យកត់សម្គាល់ ដំបូងនោះគឺវិស័យសេដ្ឋកិច្ច។ ទូទាំងឃុំមានអាជីវកម្ម ចំនួន ៥១៥ គ្រួសារផលិតនិងធ្វើអាជីវកម្ម ១.៨២២ បានបង្កការងារធ្វើដល់កម្មករប្រមាណ ១១.៩៥០ នាក់។ ការអភិវឌ្ឍរបស់មូលដ្ឋានផលិតនិងធ្វើអាជីវ កម្ម មិនត្រឹមតែរួមចំណែកក្នុងការរកស៊ីចិញ្ចឹមជីវិតប៉ុណ្ណោះទេ ថែមទាំងធ្វើឱ្យសេដ្ឋកិច្ចនៅភូមិភាគកាន់តែមានភាពស្វាហាប់ខ្លាំងឡើង។

រួមជាមួយនោះ ហេដ្ឋារចនាសម្ព័ន្ធជនបទត្រូវបានកែលម្អជាបណ្តើរៗ។ សំណង់គមនាគមន៍និងធារាសាស្ត្រនៅវាលស្រែ បានយកចិត្តទុកដាក់អនុវត្ត ព្រមទាំងមានផែនការជួសជុលលូទឹកចំនួន ៤ និងស្ថានីយបូមទឹក ១ ដើម្បីបម្រើដល់ការផលិត និងការរកស៊ីចិញ្ចឹមជីវភាពរបស់ប្រជាជន។ កម្មវិធីកសាងជនបទថ្មី បន្ថយភាពក្រីក្រប្រកបដោយចីរភាព និងការអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិចនិងតំបន់ភ្នំនឹងបន្តបានអនុវត្ត រួមចំណែកបង្កមូលដ្ឋនគ្រឹះសម្រាប់ការអភិវឌ្ឍយូរអង្វែង។

ជាស្នាមគំនូដោយឡែកមួយក្នុងដំណើរការផ្លាស់ប្តូររបស់ប៊ិញអាង គឺជាការកែទម្រង់រដ្ឋបាល ការផ្លាស់ប្តូរឌីជីថលកាន់តែឈានចូលទៅដល់ភាពជាក់ស្តែង។ ក្នុងរយៈពេល ៦ ខែដើមឆ្នាំនេះ ឃុំទទួលបានសំណុំបែបបទរដ្ឋបាលចំនួន ២.៦៨២ អត្រាសំណុំរឿងតាមប្រព័ន្ធអនឡាញសម្រេចបាន ៩៩% អត្រានៃការ ដោះស្រាយមុនកាលកំណត់ និងទាន់ពេលសម្រេចបាន ៩៨,៥%។ ជំរុញការអនុវត្តបច្ចេកវិទ្យា និងការលើកកម្ពស់គុណភាពបម្រើការ កំពុងរួមចំណែកកសាងមូលដ្ឋានរដ្ឋបាលទំនើប ជិតដិតប្រជាជន និងបម្រើប្រជាជនបានល្អជាង។

ជីវភាពរបស់ប្រជាជនក៏ជាចំណុចលោតផ្លោះនៅក្នុងរូបភាព នៃការអភិវឌ្ឍន៍របស់ប៊ិញអាង។ ការងារសុខាភិបាលអប់រំ បន្ថយភាពក្រីក្រ និងសុខុមាលភាពសង្គមបានយកចិត្តទុកដាក់។ ដំណាក់សុខាភិបាលឃុំចុះទៅពិនិត្យនិងព្យាបាលជំងឺជូនប្រជាជន ៦.០៩០ លើកនាក់; អត្រាសិស្សឡើងថ្នាក់សម្រេចបាន ៩៨, ០៥% សិស្សបញ្ចប់កម្មវិធីសិក្សាអនុវិទ្យាល័យសម្រេចបាន ១០០%។ គោលនយោបាយសម្រាប់គ្រួសារ អ្នកមានសគុណ គ្រួសារក្រីក្រ មុខសញ្ញាគាំពារសង្គមនិងជនរួមជាតិខ្មែរ ត្រូវបានអនុវត្ត រួមចំណែកលើកកម្ពស់គុណភាពជីវភាពរបស់ប្រជាជន។

លោក ហ្វិញថាញស៊ើង អនុប្រធានគណៈកម្មាធិការប្រជាជនឃុំប៊ិញអាង មានប្រសាសន៍៖ “ចំពោះលទ្ធផលដែលសម្រេចបានក្នុងពេលកន្លង គឺជាបុព្វបទដ៏សំខាន់ដើម្បីឱ្យឃុំបន្តបញ្ចេញសក្តានុភាពផលប្រយោជន៍ និងកម្លាំងផ្ទៃក្នុងរបស់ភូមិភាគ។ នាពេលខាងមុខ ភូមិភាគនឹងបន្តគាំទ្រដល់ការផលិត ការផ្ទេរជូនវិទ្យាសាស្ត្របច្ចេកទេស លើកកម្ពស់ប្រសិទ្ធភាព សេដ្ឋកិច្ចសមូហភាព អភិវឌ្ឍផលិតផល OCOP ជំរុញការផ្លាស់ប្តូរឌីជីថល និងយកចិត្តទុកដាក់ដល់ជីវភាពរបស់ប្រជាជនឱ្យកាន់តែល្អប្រសើរ”។

ផ្តើមពីការឯកភាពរវាងរដ្ឋអំណាចនិងប្រជាជន ការផ្លាស់ប្តូរនាពេលបច្ចុប្បន្នកំពុងក្លាយជាមូលដ្ឋានគ្រឹះ ដើម្បីប៊ិញអាងបន្តលើកកម្ពស់កម្លាំងផ្ទៃក្នុង ទាញយកសក្តានុភាពបានល្អ និងឆ្ពោះទៅដល់ភូមិស្រុកកាន់តែស៊ីវិល័យ សម្បូរសប្បាយ និងស្រស់ស្អាត់៕

ហុងទើ-ត្រឹងរ៉ូន

ចែករំលែកអត្ថបទ

ពាក្យគន្លឹះ