គោលនយោបាយ -ការរស់នៅ ការរស់នៅ

28/03/2026 - 16:27

លើកកម្ពស់ជីវភាពប្រជាជន

មីងគីមធីចឿង ជនជាតិខ្មែរនៅភូមិអាងខឿង ឃុំកេសាត់ ទើបបានភូមិភាគឧបត្ថម្ភ៤៥លានដុង សង់ផ្ទះមហាសាមគ្គី ទន្ទឹមនោះបានឧបត្ថម្ភគោពូជ១ក្បាល ដើម្បីអភិវឧ្ឍការចិញ្ចឹមសត្វ។ គ្រួសារមីងចឿងជាគ្រួសារមួយក្នុងចំណោមគ្រួសារបានសាខាបក្សភូមិអាងខឿងយកចិត្តទុកដាក់ជំនួយច្រើនផ្នែក ដើម្បីឈានឡើងក្នុងជីវភាព។

មីងគីមធីចឿង បានឧបត្ថម្ភសង់ផ្ទះនិងគោពូជ កំពុងខំប្រឹងដើម្បីឈានឡើងក្នុងជីវភាព

និយាយជាមួយយើងខ្ញុំក្នុងផ្ទះថ្មីមានផ្ទៃដី៥០មែត្រក្រឡា មីងចឿងឱ្យដឹង៖ ប្តីប្រពន្ធខ្ញុំធ្វើការឈ្នួលរកប្រាក់ចិញ្ចឹមកូន។ ឆ្នាំកន្លង គ្រួសារខ្ញុំបានឃុំនិងភូមិឧបត្ថម្ភសង់ផ្ទះរឹងមាំនិងបានឧបត្ថម្ភគោពូជ១ក្បាលដើម្បីអភិវឧ្ឍការចិញ្ចឹមសត្វ។ តាំងពីនោះជីវភាពគ្រួសារមិនសូវលំបាកដូចមុន។

តាមលោកថាច់ថាញ់ លេខាសាខាបក្សភូមិអាងខឿង ភូមិមាន៥៧២គ្រួសារ មានប្រជាជន២.៣៣៤រូប ក្នុងនោះមានជិត៤០០គ្រួសារជាជនជាតិខ្មេរ។ ប៉ុន្មានឆ្នាំកន្លងសាខាបក្សពង្រីកតួនាទីស្នូលរបស់បក្ខជនក្នុងការងារក្តាប់ក្តីប៉ងប្រាថ្នានិងចលនាប្រជាជនចូលរួមបណ្តាចលនាប្រឡងប្រណាំង អនុវត្តល្អគោលការរបស់បក្ស គោលនយោបាយក្រឹតច្បាប់របស់រដ្ឋ។ ភូមិភាគបានទទួលយកសំណូមពរ សំណើររបស់ប្រជាជន ឧបត្ថម្ភបុលទុនរាប់ពាន់លានដុងពីធនាគារគោលនយោបាយសង្គមដើម្បីអភិវឧ្ឍសេដ្ឋកិច្ចគ្រួសារ សំណើរឧបត្ថម្ភគោពូជ៤៥ក្បាលឱ្យ២៩គ្រួសារ។ សាខាបក្សចង្អុលការបក្ខជនឃោសនាចលនាប្រជាជនផ្លាស់ប្តូរពូជដំណាំសត្វចិញ្ចឹម យកពូជស្រូវគុណភាពនិហរ័ណចុះផលិតលើផ្ទៃដីជាង១០០ហិកតា ដាំដំណាំ១៥ហិកតា កែប្រែដីចំការគ្មានប្រសិទ្ធភាពមកដាំក្រូចថ្លុង ក្រូចឆ្មា ខ្នុរ មៀន ជំពូរ។ល។

រួមជាមួយការឧបត្ថម្ភអភិវឧ្ឍសេដ្ឋកិច្ច សាខាបក្សភូមិអាងខឿង ចង្អុលការកម្មាភិបាល បក្ខជនអនុវត្តល្អគោលនយោបាយសុខុមាលភាពសង្គម។ ចាប់ពីឆ្នាំ២០២០ដល់សព្វថ្ងៃ សាខាបក្សចលនាបណ្តាប្រភពកម្លាំងឧបត្ថម្ភសង់ផ្ទះមហាសាមគ្គី៥៥ខ្នង រាល់ឆ្នាំចលនាអំណោយបានជាង១០០ចំណែក តម្លៃ៣០-៤០លានដុងជូនបណ្តាគ្រួសារគោលនយោបាយ គ្រួសារក្រ គ្រួសារលំបាកនាឪកាសបុណ្យតេត។ សាខាបក្សចង្អុលការជំរុញការឃោនាចលនាប្រជាជនសកម្មកសាងជីវភាពវប្បធម៌នៅមណ្ឌលអាស័យជន បំបាត់បណ្តាទំនៀមទម្លាប់ចាស់គំរិលហួសសម័យ។

សាខាបក្សភូមិអាងខឿងយកចិត្តទុកដាក់ចង្អុលការកៀរគរបណ្តាប្រភពកម្លាំងកសាងហេដ្ឋារចនាសម្ព័ន្ធ ផ្លូវគមនាគមន៍ជនបទ។ ក្នុងនោះចលនាប្រជាជនរុះរើសំណង់ ឈើដំណាំ ដើម្បីបរិច្ចាកដីរួមជាមួយរដ្ឋលើកកម្ពស់បើកទូលាយផ្លូវក្នុងភូមិ ប្រវែង៧០០មែត្រ ទទឺង៣,៥មែត្រ លើកកម្ពស់ បើកទូលាយផ្លូវ៧កន្លែង ប្រវែងជិត២.០០០មែត្រ ទទឺង២មែត្រ ធ្វើស្ពានបឹងតុកប្រវែង៣៥មែត្រ ទទឹង៣,៥មែត្រនិងជួសជុលស្ពានចំនួន៣ ដាក់អំពូលភ្លើងបំភ្លឺផ្លូវជនបទ។ល។ រួមចំណែកលើកកម្ពស់បណ្តាបទដ្ឋានជនបទថ្មី។ លោកថាច់សើង ប្រជាជនក្នុងភូមិនិយាយ៖ មុននេះការដឹកជញ្ជូនកសិផលជួបលំបាក ពិសេសនារដូវវស្សា។ ដូច្នេះពេលភូមិភាគចលនាធ្វើផ្លូវ គ្រួសារខ្ញុំឯកភាពបរិច្ចាកដីនិងចូលរួមកម្លាំងពលកម្ម។ ឥឡូវផ្លូវស្ពានក្នុងភូមិទូលាយ ការធ្វើដំណើរ ដឹកជញ្ជូនទំនិញងាយស្រួលជាង។

ជាមួយការរវាសរវៃរបស់ថ្នាក់ដឹកនាំសាខាបក្ស ជីវភាពប្រជាជនភូមិអាងខឿងបានកើនឡើង គ្រួសារក្រនិងក្បែរក្រថយចុះរាល់ឆ្នាំ។ ភូមិរក្សាកិត្តិនាម “ភូមិវប្បធម៏” និង “៣គ្មាន” មានជាង៩៧% គ្រួសារសម្រេចកិត្តិនាម “គ្រួសារវប្បធម៌”។ ច្រើនឆ្នាំបន្តបន្ទាប់សាខាបក្សបានវាយតម្លៃសម្រេចល្អភារកិច្ចឡើងទៅ ដោយឡែកឆ្នាំ២០២៣និង២០២៤បានវាយតម្លៃសម្រេចឆ្នើមភារកិច្ច៕

អាញ់យុង -ចន្ថា

ចែករំលែកអត្ថបទ

ពាក្យគន្លឹះ