ព្រឹត្តិការណ៍ - នយោបាយ ព្រឹត្តិការណ៍

01/09/2025 - 10:00

កាម៉ាវ បើកឱ្យប្រើប្រាស់មណ្ឌលកីឡាអរំកាយចម្រុះសម្រេចបទដ្ឋានជាតិមានតម្លៃជាង ៣៦០ ពាន់លានដុង

ក្នុងបរិយាកាសជំរុញការប្រឡងប្រណាំងក្នុងទូទាំងបក្ស ទូទាំងប្រជាជន និងទូទាំងកងទ័ព បញ្ចេញកម្លាំងប្រឡងប្រណាំងបង្កើតស្នាដៃអំណរ៨០ឆ្នាំ បដិវត្តន៍ខែសីហាបានជោគជ័យ និងទិវាបុណ្យជាតិ ២ កញ្ញា គណៈកម្មាធិការប្រជាជន ខេត្តកាម៉ាវ បានរៀបចំសម្ពោធគម្រោងមណ្ឌលកីឡាអប់រំកាយចម្រុះនៅសង្កាត់បាកលីវ។

មណ្ឌលកីឡាអប់រំកាយចម្រុះខេត្តកាម៉ាវ បានបើកឱ្យប្រើប្រាស់។

ថ្លែងសុន្ទរកថាក្នុងព្រឹត្តិការណ៍នេះ លោកង៉ោវ៉ូវថាំង អនុប្រធានគណៈកម្មាធិការប្រជាជនខេត្តកាម៉ាវ វាយតម្លៃ៖ “គម្រោងមណ្ឌលកីឡាអប់រំកាយចម្រុះខេត្តកាម៉ាវ មានអត្ថន័យដ៏សំខាន់ មិនត្រឹមតែឆ្លើយតបនឹងតម្រូវការហ្វឹកហ្វឺននិងប្រកួតរបស់កីឡាករប៉ុណ្ណោះទេ នៅទាំងជាកន្លែងណាត់ជួបនៃវប្បធម៌ - កីឡាទូទាំងប្រជាជនទៀតផង។ ជាមួយនឹងសំណង់សម្រេចបទដ្ឋានជាតិ នេះចលនាអប់រំកាយ - កីឡាមហាជននៅកាម៉ាវ នឹងសាយភាយខ្លាំងថែមទៀត រួមចំណែកលើកកម្ពស់សុខភាព ជីវភាពស្មារតីរបស់ប្រជាជន ក៏ដូចជាជំរុញអភិវឌ្ឍន៍សេដ្ឋកិច្ច - សង្គមទូទាំងខេត្ត។

អនុប្រធានគណៈកម្មាធិការប្រជាជនខេត្តកាម៉ាវ លោកង៉ោវ៉ូវថាំង សង្ឃឹមថា មណ្ឌលកីឡាអប់រំកាយចម្រុះខេត្តកាម៉ាវ នឹងក្លាយជានិមិត្តរូបនៃភាពអង់អាច ឆន្ទៈឈានឡើង ផ្សារភ្ជាប់សហគមន៍ ជាកន្លែងបណ្តុះទេពកោសល្យកីឡាករពេលអនាគត។

យោងតាមគណៈគ្រប់គ្រងគម្រោងវិនិយោគសាងសង់សំណង់ស៊ីវិល និងឧស្សាហកម្មបាកលីវ ខេត្តកាម៉ាវ - អង្គភាពម្ចាស់វិនិយោគមណ្ឌលកីឡាអប់រំកាយចម្រុះខេត្តកាម៉ាវ បានចាប់ផ្តើមដំណើរការកសាងកាលពីខែវិច្ឆិកា ឆ្នាំ២០២១ ដោយកម្រិតវិនិយោគសរុបជាង ៣៧០ ពាន់លានដុង។ សំណង់បានសាងសង់លើផ្ទៃដីទំហំសរុប ៤២.៩០៥ ម៉ែត្រការ៉េ បានរចនាប្លង់ស្របតាមការប្រកួតកីឡាថ្នាក់ជាតិ រួមមានសំណង់រាយរងជាច្រើន ដូចជា៖ ទីលានបាល់ទាត់១១ នាក់ មានទំហំ ១០០ម៉ែត្រx៦៤ម៉ែត្រ; ផ្លូវរត់ត្រង់ចម្ងាយ១០០ម៉ែត្រ និងចម្ងាយ១១០ម៉ែត្រ ចំនួន១០ផ្លូវ; ផ្លូវវង់មូលចម្ងាយ៤០០ម៉ែត្រ ចំនួន៨ផ្លូវ; ទីលានលោតកម្ពស់; ទីលានលោតចម្ងាយ; ទីលានចោលថាស, ចោលដុំដែកមានច្រវាក់; ចោលស្ននិងទីលានកីឡាប៉េតង់ជាដើម។ នៅវេទិកា A និង B មានកន្លែងផ្ទុកសរុប៨.០០០ កៅអី គួបផ្សំនឹងប្រព័ន្ធចំណតរថយន្ត និងទីលានមានភាពងាយស្រួលសម្រាប់ចុះឈ្មោះទទួលរៀបចំការប្រកួតកីឡានៅក្នុងនិងក្រៅខេត្ត។

គម្រោងមណ្ឌលកីឡាអប់រំកាយចម្រុះខេត្តកាម៉ាវ គឺជាសំណង់ស្ថាបត្យកម្មដ៏ស្រស់ស្អាត បង្កើតភាពលេចធ្លោសម្រាប់ទីក្រុង ឆ្លើយតបនឹងតម្រូវការប្រកួតកីឡាថ្នាក់ជាតិ ហ្វឹកហ្វឺន និងបណ្តុះបណ្តាលកីឡាករអាជីព ក៏ដូចជាលើកកម្ពស់គុណភាពហ្វឹកហ្វឺន ដើម្បីអភិវឌ្ឍវិស័យកីឡាអប់រំកាយក្នុងខេត្ត ជាកន្លែងសម្រាប់ប្រជាជនហ្វឹកហ្វឺនកីឡាអប់រំកាយ ទស្សនាការប្រកួតកីឡាអប់រំកាយថ្នាក់ខេត្ត និងថ្នាក់ជាតិ។

ក្រោយពីពិធីសម្ពោធ មន្ទីរវប្បធម៌ កីឡានិងទេសចរណ៍ខេត្តកាម៉ាវ នឹងរៀបចំសិក្ខាសាលា ដោយមានកីឡាករ-កីឡាការិនីចូលរួមជាង៨០០នាក់៕

យី្វអាញ-វិមាន

ចែករំលែកអត្ថបទ

ពាក្យគន្លឹះ