(កឹងធើ) - នៅថ្ងៃទី ២៩ ខែសីហា ក្រុមប្រឹក្សាប្រជាជនទីក្រុងកឹងធើ នីតិកាលទី ១០ អាណត្តិកាល ២០២១-២០២៦ បានរៀបចំសម័យប្រជុំលើកទី ៣ (សម័យប្រជុំប្រធានបទ)។ សម័យប្រជុំបានរៀបចំឡើងដោយផ្ទាល់ និងភ្ជាប់ប្រព័ន្ធអនឡាញទៅកាន់ឃុំ សង្កាត់នានានៅក្នុងទីក្រុង។
ប្រចាំការក្រុមប្រឹក្សាប្រជាជនទីក្រុង ជាអធិបតីសម័យប្រជុំ។
សមមិត្ត ដុងវ៉ាំងថាញ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនទីក្រុង និងបណ្តាសមមិត្តអនុប្រធានក្រុមប្រឹក្សាប្រជាជនទីក្រុងបានធ្វើជាអធិបតីសម័យប្រជុំ។ អញ្ជើញចូលរួមសម័យប្រជុំមានសមមិត្ត ង្វៀងតឹ្វងអាញ អនុលេខាគណៈកម្មាធិការបក្សក្រុង ប្រធានក្រុមតំណាងរដ្ឋសភាទីក្រុងកឹងធើ; សមមិត្ត ត្រឹងវ៉ាំងឡូវ អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនទីក្រុង; សមមិត្ត ហូធីកឹមដាវ អនុលេខាគណៈកម្មាធិការបក្សក្រុង ប្រធានគណៈកម្មាធិការរណសិរ្សមាតុភូមិវៀតណាមទីក្រុង; សមមិត្ត ត្រឿងកាញ់តៀង អនុលេខាគណៈកម្មាធិការបក្សក្រុង; សមមិត្ត ត្រឹងវ៉ាំងហ្វៀង អនុលេខាគណៈកម្មាធិការបក្សក្រុង…។
ក្នុងសម័យប្រជុំនេះ ក្រុមប្រឹក្សាប្រជាជនទីក្រុងបានពិភាក្សា និងអនុម័តសេចក្តីសម្រេចចិត្ត ស្តីពីការធ្វើវិសោធនកម្មសេចក្តីសម្រេចចិត្ត លេខ១៦៤/NQ-HĐND ថ្ងៃទី៣១ ខែកក្កដា ឆ្នាំ ២០២៥ របស់ក្រុមប្រឹក្សាប្រជាជនទីក្រុងស្តីពីភារកិច្ចនិងដំណោះស្រាយអភិវឌ្ឍសេដ្ឋកិច្ច-សង្គម ធានាការពារជាតិ សន្តិសុខក្នុងរយៈពេល ៦ ខែចុងឆ្នាំ ២០២៥; សេចក្តីសម្រេចចិត្តពីប្រភពចំណូល ភារកិច្ចចំណាយ ភាគរយ (%) ចំពោះខ្ទង់ប្រមូលថវិកាបែងចែករវាងថវិកាគ្រប់លំដាប់ថ្នាក់ក្នុងទីក្រុង; សេចក្តីសម្រេចចិត្ត កំណត់ពីសមត្ថកិច្ចសម្រេចអនុម័តភារកិច្ច និងការព្យាករណ៍ថវិកាដើម្បីអនុវត្តការទិញ ជួសជុល កែលម្អ បង្កើនកម្រិតទ្រព្យសម្បត្តិ ឧបករណ៍; ការជួលទំនិញ សេវាកម្ម; ការជួសជុល កែលម្អ បង្កើនកម្រិត ការបើកទូលាយ ការកសាងថ្មីផ្នែកសំណង់ក្នុងបណ្តាគម្រោងដែលបានវិនិយោគកសាងប្រើប្រាស់ប្រភពចំណាយជាប្រចាំពីថវិការដ្ឋរបស់បណ្តាស្ថាប័ន អង្គភាពក្នុងវិសាលភាពគ្រប់គ្រងរបស់ទីក្រុង; សេចក្តីសម្រេចចិត្តកំណត់ពីរបបធ្វើដំណើរ របបចំណាយរៀបចំកិច្ចប្រជុំសម្រាប់បណ្តាស្ថាប័ន អង្គភាពក្នុងវិសាលភាពគ្រប់គ្រងរបស់ទីក្រុង; សេចក្តីសម្រេចចិត្ត ស្តីពីការផ្តល់យោបល់លើផែនការវិនិយោគរដ្ឋ រយៈពេលមធ្យម ដំណាក់កាល ២០២៦-២០៣០ របស់ទីក្រុង; សេចក្តីសម្រេចចិត្តស្តីពីការផ្តល់យោបល់លើផែនការវិនិយោគរដ្ឋទីក្រុងឆ្នាំ ២០២៦; សេចក្តីសម្រេចចិត្ត ស្តីពីការកែសម្រួលផែនការវិនិយោគរដ្ឋឆ្នាំ ២០២៤ ដែលត្រូវបានថ្នាក់មានសមត្ថកិច្ចអនុញ្ញាតឱ្យពន្យារពេលអនុវត្ត និងរំសាយថវិកាចូលមកផែនការឆ្នាំ ២០២៥ ប្រភពទុនថវិកាមជ្ឈិម និងប្រភពទុនថវិកាភូមិភាគដែលគ្រប់គ្រងដោយថ្នាក់ស្រុក ក្រោយពីរចនាប្រព័ន្ធរដ្ឋបាលឡើងវិញ។ ព្រមទាំងអនុម័តសេចក្តីសម្រេចចិត្តកំណត់ពីគោលនយោបាយគាំទ្រកម្មាភិបាល អ្នករដ្ឋការ បុគ្គលិក និងអ្នកធ្វើការងារនៅខេត្តសុកត្រាំង (ចាស់) និងខេត្តហូវយ៉ាង (ចាស់) ដែលមកបំពេញការងារនៅមជ្ឈមណ្ឌលរដ្ឋបាលទីក្រុងកឹងធើ ក្រោយពីរចនាប្រព័ន្ធរដ្ឋបាលឡើងវិញ។
អ្នកតំណាង ត្រឹងខាក់តឹម ថ្លែងពិភាក្សានៅក្នុងសម័យប្រជុំ។
តាមសេចក្តីសម្រេចចិត្ត ដែលទើបតែបានក្រុមប្រឹក្សាប្រជាជនទីក្រុងអនុម័ត កម្មាភិបាល អ្នករដ្ឋការ បុគ្គលិក អ្នកធ្វើការងារដែលកំពុងបំពេញការងារនៅបណ្តាស្ថាប័នរបស់បក្សកុម្មុយនិស្តវៀតណាម រដ្ឋ រណសិរ្សមាតុភូមិវៀតណាម អង្គការនយោបាយ-សង្គម អង្គភាពបម្រើបុព្វហេតុរដ្ឋ និងអ្នកធ្វើការនៅបណ្តាសមាគមមហាជនដែលបក្ស និងរដ្ឋបានប្រគល់ភារកិច្ចថ្នាក់ខេត្ត នៅខេត្តសុកត្រាំង (ចាស់) និងខេត្តហូវយ៉ាង (ចាស់) ដែលមកបំពេញការងារនៅមជ្ឈមណ្ឌលរដ្ឋបាលទីក្រុងកឹងធើ ក្រោយពីរចនាប្រព័ន្ធរដ្ឋបាលតាមការចាត់តាំង ការបញ្ជូនរបស់អង្គភាព ប្រសិនបើមិនស្ថិតក្នុងករណីដែលត្រូវបានរៀបចំលំនៅឋានរដ្ឋ ឬរថយន្តដឹកជញ្ជូនទៅធ្វើការ (លើកលែងតែអង្គភាពបុព្វហេតុរដ្ឋដែលធានាចំណាយជាប្រចាំ និងចំណាយវិនិយោគដោយខ្លួនឯង អង្គភាពបុព្វហេតុដែលធានាចំណាយជាប្រចាំដោយខ្លួនឯង) នឹងទទួលបានការគាំទ្រលើថ្លៃធ្វើដំណើរ ១.០០០.០០០ ដុង/នាក់/ខែ ថ្លៃហូប ២.០០០.០០០ ដុង/នាក់/ខែ និងថ្លៃជួលកន្លែងស្នាក់នៅ ២.០០០.០០០ ដុង/នាក់/ខែ។ ករណីដែលស្ថិតក្នុងលក្ខខណ្ឌត្រូវបានរៀបចំលំនៅឋានរដ្ឋ ឬរថយន្តដឹកជញ្ជូនទៅធ្វើការ ប៉ុន្តែមិនទាន់បានរៀបចំលំនៅឋានរដ្ឋ ឬរថយន្តដឹកជញ្ជូនទៅធ្វើការទេ នឹងទទួលបានការឧបត្ថម្ភថ្លៃជួលកន្លែងស្នាក់នៅ ថ្លៃធ្វើដំណើរស្របគ្នា រហូតដល់ពេលបានរៀបចំលំនៅឋានរដ្ឋ ឬរថយន្តដឹកជញ្ជូនទៅធ្វើការ។ ករណីដែលបានចុះបញ្ជីគ្រួសារនៅខណ្ឌនិញកេវ ទីក្រុងកឹងធើចាស់ គឺមិនទទួលបានការគាំទ្រលើថ្លៃជួលកន្លែងស្នាក់នៅទេ។ អង្គភាពបុព្វហេតុរដ្ឋដែលធានាចំណាយជាប្រចាំ និងចំណាយវិនិយោគដោយខ្លួនឯង អង្គភាពបុព្វហេតុដែលធានាចំណាយជាប្រចាំដោយខ្លួនឯង ត្រូវតុល្យភាពតាមលទ្ធភាពប្រភពហិរញ្ញវត្ថុរបស់អង្គភាពដើម្បីគាំទ្របុគ្គលិក និងអ្នកធ្វើការងាររបស់អង្គភាព។ រយៈពេលទទួលគោលនយោបាយគាំទ្រគឺ ២៤ ខែ គិតចាប់ពីខែកក្កដា ឆ្នាំ២០២៥ ដល់ខែមិថុនា ឆ្នាំ២០២៧។
សមមិត្ត ដុងវ៉ាំងថាញ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនទីក្រុង
ថ្លែងសុន្ទរកថាបិទសម័យប្រជុំ។
ថ្លែងសុន្ទរកថាបិទសម័យប្រជុំ សមមិត្ត ដុងវ៉ាំងថាញ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនទីក្រុងបានស្នើឱ្យគណៈកម្មាធិការប្រជាជនទីក្រុង បណ្តាផ្នែក ភូមិភាគអនុវត្តភ្លាមៗនូវសេចក្តីសម្រេចចិត្ត ដែលទើបតែបានក្រុមប្រឹក្សាប្រជាជនទីក្រុងអនុម័ត; ប្រញាប់ប្រញាល់បែងចែកថវិកា ណែនាំការអនុវត្តគោលនយោបាយគាំទ្រកម្មាភិបាល អ្នករដ្ឋការ បុគ្គលិក និងអ្នកធ្វើការងារនៅខេត្តសុកត្រាំង (ចាស់) និងខេត្តហូវយ៉ាង (ចាស់) ដែលមកបំពេញការងារនៅមជ្ឈមណ្ឌលរដ្ឋបាលទីក្រុងកឹងធើ ក្រោយការរចនាប្រព័ន្ធរដ្ឋបាល; តាមដាន ដាស់តឿន ត្រួតពិនិត្យជាប្រចាំ ដោះស្រាយការលំបាក និងបញ្ហាដែលនៅជាប់ស្ទះ ដើម្បីឱ្យសេចក្តីសម្រេចចិត្តបានជាធរមានឆាប់ៗ និងលើកកម្ពស់ប្រសិទ្ធភាពជាក់ស្តែង។ ពិនិត្យកែសម្រួល បំពេញបន្ថែមគម្រោងប្លង់ទីក្រុងកឹងធើ ដំណាក់កាល ២០២១-២០៣០ ចក្ខុវិស័យដល់ឆ្នាំ ២០៥០ ដើម្បីដាក់ជូនថ្នាក់មានសមត្ថកិច្ចពិនិត្យនិងសម្រេច។ ក្នុងពេលជាមួយគ្នានោះ ត្រូវម្ចាស់ការដោះស្រាយការលំបាក ជំរុញការអភិវឌ្ឍសេដ្ឋកិច្ច-សង្គម; ជំរុញការកែទម្រង់រដ្ឋបាល; កសាងខឿនរដ្ឋបាលបម្រើ ជំនាញ ទំនើប យកការពេញចិត្តរបស់ប្រជាជន និងអាជីវកម្មធ្វើជារង្វាស់គុណភាពនៃការដឹកនាំ។
ដើម្បីបន្តកែលម្អយន្តការ គោលនយោបាយ បង្កើតការបោះជំហានដ៏លេចធ្លោលើរបៀងច្បាប់ សមមិត្តអនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនទីក្រុងបានសំណូមពរដល់គណៈកម្មាធិការប្រជាជនទីក្រុងបន្តដឹកនាំត្រួតពិនិត្យ លើកជាសំណើនូវខ្លឹមសារ យន្តការ និងគោលនយោបាយដែលចាំបាច់ដាក់ជូនក្រុមប្រឹក្សាប្រជាជនទីក្រុងអនុម័ត ឬកែសម្រួលតាមតម្រូវការនៃច្បាប់ជាធរមាន; សមស្របជាមួយនឹងស្ថានភាពជាក់ស្តែងរបស់ភូមិភាគ; ធានាគុណភាព ល្បឿនពេលវេលា...៕
ធ្វីខេ - បកប្រែ÷ សុផន
ពាក្យគន្លឹះ
អគ្គនិពន្ធនាយកស្តីទី: ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
