មហាសាមគ្គីជនជាតិ ភូមិស្រុកផ្លាស់ថ្មី

28/07/2025 - 10:02

កាត់បន្ថយផលប៉ះពាល់ការស្រុតបាក់ដី លំនឹងជីវភាពប្រជាជន

ស្ថានភាពស្រុតបាក់ទំនប់សមុទ្រ ធ្វើឱ្យប៉ះពាល់ដល់ជីវភាពនិងការផលិតរបស់ប្រជាជន ម្ល៉ោះហើយ ខេត្តកាម៉ាវ បានវិនិយោគកសាងសំណង់ការពារតាមបណ្តោយទំនប់សមុទ្រ។

សំណង់ការពារទំនប់សមុទ្រ។

តាមប្រសាសន៍លោក ឡេវ៉ាន់សឺ អនុប្រធានគណៈកម្មាធិការប្រជាជនខេត្តកាម៉ាវ ការការពារបង្ការទប់ស្កាត់ស្រុតបាក់ទំនប់សមុទ្រ ដើម្បីកាត់បន្ថយការខូចខាតកម្រិតទាបបំផុតនូវសំណង់រដ្ឋ ការផលិតកម្ម ទ្រព្យសម្បត្តិរបស់ប្រជាជន គឺជាភារកិច្ចមួយក្នុងចំណោមភារកិច្ចសំខាន់របស់ខេត្ត។ ជាច្រើនឆ្នាំកន្លង ខេត្តបានវិនិយោគកសាងទំនប់សំណង់របាំងការពាររលកសមុទ្រ កាត់បន្ថយផលប៉ះពាល់នៃរលកសមុទ្រមកលើសំណង់ទំនប់។ បំផុតគឺការបង្កើតដីដុះ បង្កើតឆ្នេរ ដាំឈើព្រៃទឹកប្រៃ ដើម្បីបណ្តុះនិងរក្សារុក្ខជាតិបៃតងព្រៃទឹកប្រៃ ជួយការពារទំនប់សមុទ្រឱ្យកាន់តែល្អប្រសើរជាងទៀតពីមួយថ្ងៃទៅមួយថ្ងៃ។

ទំនប់ពីរកំណាត់ចំណុះសង្កាត់ហ៊ីបថាញ់ ជាប់ព្រំប្រទល់នឹងក្រុងកឹងធើ តែងកើតមានការស្រុតបាក់ដី ម្ល៉ោះហើយទើបកសាងទំនប់របាំងការពារ រលកខាងក្រៅ ពង្រឹងជើងទំនប់ដោយចាក់ថ្ម ចូលទៅក្នុងប្រហោងដែលរងការខូចខាតដោយសាររលកសមុទ្រ។ កន្លែងស្រុតបាក់ដីនៅក្បែរជើងទំនប់ ដាក់ផ្ទាំងបេតុងបំបែករលកជារាងចតុត័ល ដើម្បីទប់ស្កាត់សំណឹកដោយសារអាកាសធាតុ និងការរសាត់តាមបណ្តោយឆ្នេរសមុទ្រ ជាសំខាន់គឺដើម្បីពង្រឹងសំណង់តាមឆ្នេរសមុទ្រ ដូចជា៖ ជញ្ជាំងរាំងរលកនិងទំនប់របាំងការពារទឹករលក។ អង្គភាពសាងសង់ កំពុងដំណើរការពង្រឹងប្រព័ន្ធលូនិងផ្លូវទំនប់សមុទ្រ ដើម្បីបង្កលក្ខណៈជូនប្រជាជនធ្វើដំណើរទៅមកដោយសុវត្ថិភាព។

របាំងការពារទឹករលក ត្រូវបានកសាងដើម្បីធានាជីវភាពនិងការផលិតរបស់ប្រជាជន។

បងត្រឹងសើុងយ៉ុង នៅភូមិបៀងដុង A សង្កាត់ហ៊ីបថាញ់ ខេត្តកាម៉ាវ ឱ្យដឹង៖ “ពីមុន កាលមិនទាន់មានបង្គោលបេតុងការពារជើងទំនប់ នៅតំបន់នេះមានរលកធំៗ និងខ្យល់បោកបក់ខ្លាំង បណ្តាលឱ្យដីថ្មខ្ទាតឡើងរាប់ម៉ែត្រ ទឹកហូរឆ្លងទំនប់ចូលមណ្ឌលតាំងទីលំនៅ។ ឥឡូវមានបង្គោលបេតុងការពារ ប្រជាជនស្ងប់អារម្មណ៍បង្កបង្កើនផល លំនឹងជីវភាព”។

ចំណែកលោកឡឹមដារិទ្ធ នៅសង្កាត់ហ៊ីបថាញ់ ឱ្យដឹង៖ “កាលមិនទាន់មានជើងទំនប់រាំងទឹករលក ពេលមានរលកធំម្តងៗ ទឹកហូរឆ្លងទំនប់ចូលដល់ផ្ទះ រលកបោកបក់ខ្លាំងៗធ្វើឱ្យផ្ទះខ្ញុំញ័រកក្រើក មិនហ៊ាននៅក្នុងផ្ទះ ឱ្យតែឃើញរលកធំម្តងៗគឺភ័យខ្លាចណាស់។ តាំងពីបានកសាងជើងទំនប់រាំងរលកនេះមក គ្រួសារខ្ញុំនិងមាមីងនៅទីនេះស្ងប់អារម្មណ៍យ៉ាងខ្លាំង”។

ជាច្រើនឆ្នាំកន្លង សំណង់និងគម្រោងការពារទំនប់សមុទ្រជាច្រើននៅកាម៉ាវ ត្រូវបានកសាង និងពង្រីកប្រសិទ្ធភាពជាវិជ្ជមាន។ ឆ្លងតាមរយៈនោះ រួមចំណែកកាត់បន្ថយឱ្យនៅកម្រិតទាបនូវផលប៉ះពាល់នៃការស្រុតបាក់ដី ការពារបានជីវភាព និងការផលិតរបស់ប្រជាជននៅតំបន់ឆ្នេរសមុទ្រ។ បំផុតគឺការប្រកបរបរចិញ្ចឹមជីវិតរបស់ប្រជាជននៅតាមឆ្នេរសមុទ្រ ផ្សារភ្ជាប់នឹងសមុទ្រពីមួយថ្ងៃទៅមួយថ្ងៃកាន់តែអភិវឌ្ឍជាងទៀត អាស្រ័យប្រភពចំណូលពីផលសមុទ្រ ត្រូវបានកកើតឡើងវិញតាមរយៈដីដុះ បង្កើតជាឆ្នេរនិងខ្សែក្រវាត់ឈើព្រៃតាមឆ្នេរសមុទ្របានបង្កើតឡើងវិញ៕

យីអាញ-វិមាន

ចែករំលែកអត្ថបទ

ពាក្យគន្លឹះ