ព្រឹត្តិការណ៍ - នយោបាយ ព្រឹត្តិការណ៍

23/06/2025 - 20:43

រដ្ឋសភាអនុម័តជាផ្លូវការលើសេចក្តីសម្រេចធ្វើវិសោធនកម្ម និងបំពេញបន្ថែមនូវមាត្រាមួយចំនួននៃរដ្ឋធម្មនុញ្ញឆ្នាំ២០១៣

ឆ្លងតាមរយៈនោះ មាត្រា ១១០ នៃរដ្ឋធម្មនុញ្ញត្រូវបានធ្វើវិសោធនកម្ម ដូចតទៅ៖ អង្គភាពរដ្ឋបាលនៃសាធារណៈរដ្ឋសង្គមនិយមវៀតណាម ត្រូវបានរៀបចំជាពីរថ្នាក់ រួមមានខេត្ត ក្រុងចំណុះមជ្ឈិម និងអង្គភាព រដ្ឋបាលក្រោមខេត្ត ក្រុងចំណុះមជ្ឈិមតាមច្បាប់កំណត់។

រដ្ឋសភាផ្តល់សច្ចានុម័តលើសេចក្តីសម្រេចរបស់រដ្ឋសភាធ្វើវិសោធនកម្មនិងបំពេញបន្ថែម
នូវមាត្រាមួយចំនួននៃរដ្ឋធម្មនុញ្ញឆ្នាំ២០១៣។

អង្គភាពរដ្ឋបាល - សេដ្ឋកិច្ចពិសេសអាស្រ័យរដ្ឋសភាបង្កើត។

ការបង្កើតរំសាយរួមបញ្ចូលចែកនិងកែតម្រូវព្រំ ប្រទល់អង្គភាពរដ្ឋបាល ត្រូវយកយោបល់ប្រជាជននៅ ភូមិភាគ និងតាមលំដាប់លំដោយបែបបទអាស្រ័យរដ្ឋសភាកំណត់។

មាត្រា ១១១ នៃរដ្ឋធម្មនុញ្ញ ត្រូវបានធ្វើវិសោធនកម្មដូចតទៅ៖ រដ្ឋអំណាចភូមិភាគ ត្រូវបានរៀបចំនៅអង្គភាពរដ្ឋបាលនៃប្រទេសសាធារណរដ្ឋសង្គមនិយមវៀតណាម។

ថ្នាក់រដ្ឋអំណាចភូមិភាគ រួមមាន៖ ក្រុមប្រឹក្សាប្រជាជន និងគណៈកម្មាធិការប្រជាជន ត្រូវបានរៀបចំនៅអង្គ ភាពរដ្ឋបាលសមស្របជាមួយនឹងលក្ខណៈពិសេសនៃជនបទ ទីក្រុង និងកោះសមុទ្រ អាស្រ័យរដ្ឋសភាកំណត់។

រដ្ឋអំណាចភូមិភាគនៅអង្គភាពរដ្ឋបាល - សេដ្ឋកិច្ចពិសេស អាស្រ័យរដ្ឋសភាកំណត់ពេលបង្កើតអង្គ ភាពរដ្ឋបាល - សេដ្ឋកិច្ចពិសេសនោះ។

មាត្រា ៩ ត្រូវបានធ្វើវិសោធនកម្មដូចតទៅ៖ រណសិរ្សមាតុភូមិវៀតណាម ជាអង្គការសម្ព័ន្ធភាពនយោបាយ ចងសម្ព័ន្ធដោយស្ម័គ្រចិត្តរបស់អង្គការនយោបាយ អង្គការនយោបាយ-សង្គម អង្គការសង្គមនិងបុគ្គលឆ្នើមក្នុងស្រទាប់វណ្ណៈសង្គមជនជាតិ សាសនា និងប្រជាជនវៀតណាមដែលតាំងទីលំនៅនៅក្រៅប្រទេស។

រណសិរ្សមាតុភូមិវៀតណាម អង្គការសមាជិករបស់រណសិរ្ស និងអង្គការសង្គមផ្សេងៗទៀត សកម្មភាពក្នុងក្របខណ្ឌរដ្ឋធម្មនុញ្ញ និងច្បាប់។ រដ្ឋបង្កលក្ខណៈដើម្បីរណសិរ្សមាតុភូមិវៀតណាម អង្គការសមាជិករបស់ រណសិរ្ស និងអង្គការសង្គមផ្សេងៗទៀតសកម្មភាព។

ធ្វើវិសោធនកម្មនិងបំពេញបន្ថែមមាត្រា ១០ ដូចតទៅ៖ សហជីពវៀតណាមជាអង្គការនយោបាយ សង្គមនៃស្រទាប់វណ្ណៈកម្មករនិងនិយោជិត; តំណាងគិតគូរ និងការពារសិទ្ធិផលប្រយោជន៍ស្របច្បាប់សមហេតុផលជូនសមាជិកសហជីពនិងនិយោជិត; ជាតំណាងតែមួយគត់របស់និយោជិតនៅថ្នាក់ជាតិក្នុងទំនាក់ទំនងការងារ និងទំនាក់ទំនងអន្តរជាតិអំពីសហជីព; ចូលរួមអភិបាលកិច្ច គ្រប់គ្រងសេដ្ឋកិច្ច - សង្គម; ចូលរួមត្រួតពិនិត្យ អធិការកិច្ច ឃ្លាំមើលនូវសកម្មភាពរបស់ស្ថាប័នរដ្ឋ អង្គការ អង្គភាព និងអាជីវកម្មលើបញ្ហាជាប់ទាក់ទងដល់សិទ្ធិកាតព្វកិច្ចរបស់និយោជិត; ឃោសនា ចលនានិយោជិតរៀនសូត្រ លើកកម្ពស់សមត្ថភាព បំណិនវិជ្ជាជីវៈ គោរពច្បាប់ កសាងនិងការពារមាតុភូមិ។

ធ្វើវិសោធនកម្មនិងបំពេញបន្ថែមកថាខណ្ឌ ១ មាត្រា ៨៤ ដូចតទៅ៖ ប្រធានរដ្ឋ គណៈកម្មាធិការអចិន្ត្រៃយ៍នៃរដ្ឋសភា ក្រុមប្រឹក្សាជនជាតិ គណៈកម្មាធិការរដ្ឋសភា រដ្ឋាភិបាល តុលាការប្រជាជនកំពូល សភាអយ្យការប្រជាជនកំពូល សវនកម្មរដ្ឋ គណៈកម្មាធិការមជ្ឈិមរណសិរ្សមាតុភូមិវៀតណាម និងស្ថាប័នមជ្ឈិមនៃអង្គការនយោបាយ-សង្គម មានសិទ្ធិលើកជូនគម្រោងច្បាប់ ចំពោះរដ្ឋសភា និងលើកជូនគម្រោងច្បាប់ចំពោះគណៈកម្មាធិការអចិន្ត្រៃយ៍នៃរដ្ឋសភា។

សេចក្តីសម្រេចក៏បានបញ្ជាក់ច្បាស់អំពីការបញ្ចប់សកម្មភាពរបស់អង្គភាពរដ្ឋបាលថ្នាក់ស្រុកទូទាំងប្រទេសចាប់ពីថ្ងៃទី ០១ ខែកក្កដា…៕

យោង៖ Chinhphu.vn - ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ