មហាសាមគ្គីជនជាតិ គំរូក្នុងសហគមន៍

06/05/2025 - 07:52

ផ្តើមអាជីពជោគជ័យពីធនធានក្នុងស្រុក

“Sokfarm មានន័យថា កសិកម្មសុភមង្គល។ល។ យើងខ្ញុំជ្រើសរើសកសិកម្មសរីរាង្គ ពីព្រោះចង់បង្កើតផលិតផលមិនត្រឹមតែផ្អែមឆ្ងាញ់ប៉ុណ្ណោះទេ ថែមទាំងជ្រះស្អាតនិងមានប្រភពច្បាស់លាស់ ត្រឹមត្រូវ តាំងពីឫសគល់។ សម្រាប់ខ្ញុំ សរីរាង្គមិនត្រឹមតែជាបច្ចេកទេសផលិតកម្មប៉ុណ្ណោះទេ ប៉ុន្តែគឺជាទស្សនវិជ្ជានៃការរស់នៅគោរពផ្តល់តម្លៃចំពោះទឹកដី ដំណាំកសិករនិងអ្នកប្រើប្រាស់” - បងស្រី ថាច់ធីចន្ធី នាយិកាក្រុមហ៊ុន Sokfarm បានចែករំលែកជាមួយយើងខ្ញុំអំពីដំណើរការផ្តើមអាជីពយ៉ាងដូច្នេះ។

ថាច់ធីចន្ធី ម្ចាស់ក្រុមហ៊ុន Sokfarm បង្ហាញផលិតផលទឹកផ្កាដូងសរីរាង្គ។

* តើអ្វីទៅជាខុសគ្នាដែលធ្វើឱ្យក្រុមហ៊ុន Sokfarm ទទួលបានជោគជ័យដូចសព្វថ្ងៃ?

- នោះគឺជាលទ្ធផលនៃការតាំងចិត្ត ភាពច្បាស់លាស់និងមានទំនុកចិត្ត ជឿជាក់ថាកសិផលវៀតណាម - ប្រសិនធ្វើត្រូវរបៀប - អាចនាំចេញទៅឆ្ងាយ ។ល។ ខ្ញុំគិតថា ភាពខុសគ្នាធំបំផុត គឺយើងខ្ញុំផ្តើមអាជីពមិនត្រឹមតែលក់ផលិតផលប៉ុណ្ណោះទេ គឺដើម្បីរស់នៅគួរសមជាមួយភូមិស្រុករបស់យើង។ យើងខ្ញុំចាប់ផ្តើមពីបាទដៃទទេ ដើមទុនតិច គ្មានទីបង្អែក មានតែម៉្យាងគត់គឺដាក់ជំនឿទៅលើមាមីងជនជាតិខ្មែរ លើដើមដូងនិងសមត្ថភាពបង្កើតតម្លៃពីក្នុងស្រុក។ល។

* ធ្វើយ៉ាងណាដើម្បីឱ្យជនជាតិខ្មែរ ពិសេសគឺពលករវ័យក្មេងផ្សារភ្ជាប់នឹង Sokfarm តាំងពីថ្ងៃបង្កើតរហូតមកទល់បច្ចុប្បន្ន ?

- យើងខ្ញុំប្រើសកម្មភាពជាក់ស្តែងដើម្បីបង្កើតទំនុកចិត្ត។ ចាប់តាំងពីថ្ងៃដំបូង នាងខ្ញុំនិងប្តីគឺបងង៉ាយ (ផាមឌិញង៉ាយ អគ្គនាយកនិងជាស្ថាបនិកក្រុមហ៊ុន Sokfarm) ចុះទៅតាមផ្ទះមាមីងកសិករ ដើម្បីពន្យល់ពីបច្ចេកទេស ផ្តល់គំរូអនុវត្តសាកល្បង ចុះកិច្ចសន្យាច្បាស់លាស់។ ពេលមាមីងសង្កេតឃើញមានប្រសិទ្ធភាព - ទឹកផ្កាដូងផ្តល់ប្រាក់ចំណូលខ្ពស់ជាងច្រើនដង បើធៀបនឹងការលក់ផ្លែ មាមីងចាប់ផ្តើមមានទំនុកចិត្ត។ល។ សម្រាប់ពលករវ័យក្មេងជនជាតិខ្មែរ ខ្ញុំមិនបានបង្ខំឱ្យពួកគាត់ “ចោលទីក្រុងត្រឡប់មកស្រុក” ប៉ុន្តែ នាងខ្ញុំបានលើកឡើងថា ស្រុកកំណើតរបស់លោកអ្នកនៅមានសក្កានុភាពច្រើន ដូច្នេះ មិត្តជាអ្នកបើកផ្លូវឱ្យភូមិស្រុកយើង។ ពេលមានបរិស្ថានល្អ មានឱកាសរៀនសូត្រនិងអភិវឌ្ឍ នាងខ្ញុំជឿជាក់ថា ពលករវ័យក្មេងនៅក្នុងស្រុករួមគ្នាធ្វើប្រការល្អជាមោនទនភាពសម្រាប់ភូមិស្រុក។

អាស្រ័យក្រុមហ៊ុនSokfarmទើបកសិករខ្មែរជាច្រើនគ្រួសារមានការងារធ្វើរកបាន
ប្រាក់ចំណូលលំនឹងពីដើមដូង។

* Sokfarm ចង់ផ្ញើសារអ្វីដល់យុវវ័យជំនាន់ក្រោយ គួររស់នៅយ៉ាងណាដើម្បីលើកមុខមាត់ដូនតា ?

- “បើសិនជាស្រឡាញ់ប្រទេសជាតិពិតប្រាកដ ចូរស៊ូទ្រាំលំបាកផ្សព្វផ្សាយអនុវត្តទៅ!”។ នេះគឺជាពាក្យពេចន៍មួយឃ្លាដែលនាងខ្ញុំចាប់អារម្មណ៍បំផុត ហើយក៏ជាស្មារតីដែល Sokfarm ជ្រើសរើសដើម្បីរស់នៅនិងធ្វើការប្រចាំថ្ងៃ។ នាងខ្ញុំគិតថា ស្នេហាជាតិមិនចាំចាច់ធ្វើអ្វីធំធេងនោះទេ។ ស្នេហាជាតិ គឺជាពេលដែលអ្នកលះបង់អស់ពីចិត្តចំពោះការងារដែលយើងកំពុងធ្វើ សម្រិតសម្រាំងផលិតផលនីមួយៗ ដំណាក់ការនីមួយៗច្បាស់លាស់ ហើយតែងផ្តល់តម្លៃសហគមន៍និងទីផ្តល់កំណើត ។ល។ នាងខ្ញុំសង្កេតឃើញថា យុវវ័យជាច្រើនមានគំនិតល្អប្រសើរ ប៉ុន្តែនៅស្ទាក់ស្ទើររង់ចាំ “ពេញលេញ” ទើបធ្វើ។ តាមពិតទៅគ្មានអ្វីដែលថា “ត្រៀមជាស្រេច១០០%” នោះទេ។ គឺចាប់ផ្តើមទៅយើងធ្វើបណ្តើរ រៀនបណ្តើរ កែលម្អបណ្តើរ នោះទើបជាដំណើរការពិតប្រាកដ។ នាងខ្ញុំសូមក្រើនរំលឹក៖ “ផ្តើមអាជីពកុំខ្លាចលំបាក អ្វីដែលលំបាកបំផុតគឺមិនចាប់ផ្តើម”។

សំណេះសំណាលជាមួយយើងខ្ញុំ នាយិកាចន្ធី បានចែករំលែកអំពី “ដំណើរស្នេហាជាតិ” ជាច្រើនរបស់ក្រុមហ៊ុន Sokfarm។ បងស្រី បានឱ្យដឹង អ្វីដែលគាត់ចាប់អារម្មណ៍បំផុតគឺ Sokfarm បានរួមចំណែកបង្កើតទម្រង់ “កសិកម្មសុភមង្គល” - កន្លែងដែលមាមីងរស់នៅ ពិសេសគឺមាមីងខ្មែរមានជីវភាពលំនឹង ដោយការងារដែលពួកគាត់ស្រឡាញ់ចូលចិត្ត៕

ថាញឡុង-មុនី

ក្រោយពី ៥ ឆ្នាំអភិវឌ្ឍន៍មកទល់បច្ចុប្បន្ន ក្រុមហ៊ុន Sokfarm បានផលិតទឹកផ្កាដូងសរីរាង្គ នាំចេញទៅកាន់ទីផ្សារប្រើប្រាស់ប្រមាណ ២៤០ តោន; ប្រាក់ចំណូលក្នុងឆ្នាំ ២០២៤សម្រេច ២១ ពាន់លានដុង។ Sokfarm មានប្រព័ន្ធចែកចាយប្រមាណជាង ៤០០ ដេប៉ូ នៅខេត្តក្រុងជាង ៣០ និងហាងទំនិញ organic ផ្សារទំនើបទូទាំងប្រទេសប្រមាណ ២០០ នាំចេញជាផ្លូវការទៅកាន់ទីផ្សារ មានដូច៖ ប្រទេសអាល្លឺម៉ង់ អាមេរិក ហូឡង់ អូស្ត្រាលី ជប៉ុន ។ល។ បច្ចុប្បន្ន ក្រុមហ៊ុនបង្កើតការងារធ្វើលំនឹងជូនមាមីង ៩០ គ្រួសារ (ភាគច្រើនគឺគ្រួសារជនរួមជាតិខ្មែរ)។ ផ្តើមពីផលិតផលតែមួយមុខមកទល់ពេលនេះ ក្រុមហ៊ុនមានដល់ទៅ ៦ ផលិតផល ដែលបានស្រាវជ្រាវពីទឹកផ្កាដូង អនាគតនឹងបង្កើតផលិតផលចំណីអាហារ និងគ្រឿងកែសម្ផស្សប្រមាណជាង ៣០ ប្រភេទ ។ល។ ក្រុមហ៊ុនមានផ្ទៃដីដាំដូងកើនឡើង ២០ ហិកតា មានដើមដូង ៥.០០០ដើម។ ឆ្នាំ២០២៥ ក្រុមហ៊ុនសម្រេចទិសដៅបង្កើនកម្រិតផ្ទៃដីដាំយកទឹកផ្កាដូងកើនឡើង ៣០ ហិកតា ដល់ឆ្នាំ ២០៣០ គឺ៣០០ហិកតា...។

ចែករំលែកអត្ថបទ

ពាក្យគន្លឹះ