ព្រឹត្តិការណ៍ - នយោបាយ ព្រឹត្តិការណ៍

03/02/2025 - 15:45

ក្រុងកឹងធើ រៀបចំយ៉ាងមហោឡារិកពិធីជួបជុំខួបអនុស្សាវរីយ៍៩៥ឆ្នាំ ទិវាបង្កើតបក្សកុម្មុយនិស្តវៀតណាម

គណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមក្រុងកឹងធើ រៀបចំយ៉ាងមហោឡារិកពិធីជួបជុំខួបអនុស្សាវរីយ៍៩៥ឆ្នាំ ទិវាបង្កើតបក្សកុម្មុយនិស្តវៀតណាម (៣/២/១៩៣០ - ៣/២/២០២៥)។

ឈុតសម្ដែងសិល្បៈអបអរសាទរពិធីជួបជុំ ។ រូបថត៖ អាញយុង

ថ្លែងក្នុងពិធីជួបជុំ សមមិត្តផាមវ៉ាន់ហេវ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុងកឹងធើ រំលឹកឡើងវិញនូវប្រវេណី៩៥ឆ្នាំកសាងនិងចម្រើនវឌ្ឍនាការរបស់បក្សយើងដ៏ត្រចះត្រចង់ បានដឹកនាំប្រទេសជាតិពីជ័យជម្នះមួយទៅជ័យជម្នះមួយ។ នៅក្រុងកឹងធើ ឆ្នាំ២០២៤ អាស្រ័យដោយការដឹកនាំដ៏ភ្លឺស្វាង ជិតដិតទាន់ពេលរបស់បក្សនិងរដ្ឋ; ការសាមគ្គី សហការស្អិតល្មួតរបស់គណៈកម្មាធិការគ្រប់ថ្នាក់ គ្រប់ផ្នែក; ការចូលរួមយ៉ាងប្តូរផ្តាច់ទូទាំងប្រព័ន្ធនយោបាយ និងការខិតខំពុះពាររបស់កម្មាភិបាល បក្ខជននិងប្រជាជនគ្រប់ជាន់ថ្នាក់ ក្រុងបានអនុវត្តជ័យជម្នះសម្រេចលទ្ធផលសំខាន់ៗជាច្រើននិងគ្រប់ជ្រុងជ្រោយលើគ្រប់វិស័យ។

ជំនួសមុខគណៈប្រតិបត្តិការបក្ខភាគក្រុង សមមិត្ត ផាមវ៉ាន់ហេវ អំពាវនាវទូទាំងកម្មាភិបាល បក្ខជន អ្នករដ្ឋការ បុគ្គលិក យុទ្ធជននិងប្រជាជនក្រុង ជនរួមជាតិក្រុងកឹងធើនៅឆ្ងាយមាតុភូមិ បន្តបង្កើនសាមគ្គី ពង្រីកខ្លាំងក្លាស្មារតីស្នេហាជាតិ ឆន្ទៈខ្លួនទីពឹងខ្លួន ជំរុញចលនាប្រឡងប្រណាំង សាងស្នាដៃឆ្នើមក្នុងការអភិវឌ្ឍសេដ្ឋកិច្ច-សង្គម កសាងបក្សនិងប្រព័ន្ធនយោបាយស្អាតស្អំពិតប្រាកដ រឹងមាំ; ប្តេជ្ញាចិត្តអនុវត្តជ័យជម្នះគោលដៅ ភាគកម្រិតសេចក្តីសម្រេចនៃភារកិច្ចឆ្នាំ២០២៥ដាក់ចេញ រួមចំណែកអនុវត្តជ័យជម្នះសេចក្តីសម្រេចមហាសន្និបាតតំណាងទូទាំងប្រទេស លើកទី XIII របស់បក្ស និងសេចក្តីសម្រេចមហាសន្និបាតបក្ខភាគក្រុង លើកទី XIV អាណត្តិកាល ២០២០-២០២៥; តស៊ូកសាងនិងអភិវឌ្ឍន៍ក្រុងកឹងធើ ជាក្រុងអេកូឡូស៊ី ស៊ីវិល័យ ទំនើប ប្រកបដោយអត្តសញ្ញាណវប្បធម៌ព្រែកទន្លេតំបន់វាលរាបទន្លេគឺវឡុង៕

យោងកាសែតកឹងធើ - ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ