មហាសាមគ្គីជនជាតិ ភូមិស្រុកផ្លាស់ថ្មី

27/08/2024 - 08:51

វិធានការបង្ការទប់ស្កាត់ការស្រុតបាក់ដី ដើម្បីធានាសុវត្ថិភាពដល់ប្រជាជន

ចំពោះស្ថានភាពស្រុតបាក់ដីកាន់តែធ្ងន់ធ្ងរ ខេត្តបាកលីវ បានដាក់ចេញវិធានការដើម្បីបង្ការ ទប់ស្កាត់ស្រុតបាក់ដី ច្រាំងទន្លេ សមុទ្រ និងវិនិយោគកសាងសំណង់ផ្សេងៗបង្ការទប់ស្កាត់ការបាក់ស្រុត ធានាសុវត្ថិភាព អាយុជីវិត ទ្រព្យសម្បត្តិនិងជីវភាពរស់នៅរបស់ប្រជាជន។

ចលនាប្រភពកម្លាំងនៅនឹងកន្លែង ដើម្បីជម្នះការបាក់ស្រុតច្រាំងសមុទ្រចំណុចខាងកើតលើភូមិសាស្ត្រឃុំវិញត្រាច់ដុង ក្រុងបាកលីវ។

តាមប្រសាសន៍លោក ឡាយថាញអឹង នាយការិយាល័យនៃគណៈបញ្ជាការបង្ការទប់ស្កាត់គ្រោះធម្មជាតិនិងជួយសង្គ្រោះខេត្តបាកលីវ ចាប់ពីដើមឆ្នាំ២០២៤ មកទល់ពេលនេះ អាស្រ័យដោយរងផលប៉ះពាល់នៃការប្រែប្រួលអាកាសធាតុ ស្ថានភាពបាក់ស្រុតលើភូមិសាស្រ្តខេត្ត កើតមានកាន់តែខ្លាំងឡើងនិងបង្កខូចខាតមកលើមនុស្ស លំនៅឋាន ទ្រព្យសម្បត្តិ សំណង់ជាច្រើន៘ កើតមានច្រើនបំផុតនៅទីរួមខេត្តយ៉ារ៉ាយ ស្រុកហុងយ៉ឹង ស្រុកដុងហាយនិងក្រុងបាកលីវ។ មកទល់ពេលនេះ ទូទាំងខេត្តមានតំបន់បាក់ស្រុតច្រាំងទន្លេ ៧៧ កន្លែង និងតំបន់បាក់ស្រុតច្រាំងសមុទ្រ ៦ កន្លែង គប្បីមានវិធានការជម្នះចំពោះមុខក៏ដូចជាយូរអង្វែង។ ថ្មីៗនេះ គណៈកម្មាធិការប្រជាជនខេត្ត បានចុះហត្ថលេខាលើសេចក្តីសម្រេចប្រកាសហេតុការណ៍បន្ទាន់ការបាក់ស្រុតដីច្រាំងទន្លេ ពីចំណុចខាងកើតចាប់ពីចំណុចគីឡូម៉ែត្រ 0+0៤៦ រហូតដល់ស្ពានចៀងទុប១ (ជាប់ព្រំប្រទល់នឹងខេត្តសុកត្រាំង) ស្ថិតនៅភូមិសាស្ត្រឃុំវិញត្រាច់ដុង ក្រុងបាកលីវ សរុបប្រវែងតំបន់បាក់ស្រុតនិងមានហានិភ័យបាក់ស្រុតគឺ ៤៧៤ ម៉ែត្រ។

ឆ្លងតាមរយៈនោះ ប្រធានគណៈកម្មាធិការប្រជាជនខេត្តបាកលីវ ផាមវ៉ាន់ទេវ ចង្អុលការដល់ប្រចាំការនៃគណៈបញ្ជាការបង្ការទប់ស្កាត់គ្រោះធម្មជាតិនិងជួយសង្គ្រោះខេត្ត រៀបចំធ្វើការពិនិត្យ ឃាំង ហ៊ុមព័ទ្ធតំបន់បាក់ស្រុត បង្កើតជារបៀងសុវត្ថិភាព; ដាក់ផ្លាកបម្រាមនៅតំបន់បាក់ស្រុត ហាមមិនឱ្យមនុស្សឬមធ្យោបាយចូលទៅកន្លែងបាក់ស្រុត។ ទន្ទឹមនឹងនោះ កៀរគរកងកម្លាំងនានា និងមធ្យោបាយភ្លាមៗ ដើម្បីចាត់វិធានការបន្ទាន់ជំហានដំបូងកាត់បន្ថយការបាក់ស្រុតនិងវិធានការចាំបាច់ផ្សេងៗ ដើម្បីធានាសុវត្ថិភាពទំនប់តំបន់នេះ។ ម្យ៉ាងទៀត ចាត់កម្លាំងប្រចាំការតាមដាន ការប្រែប្រួលកន្លែងកើតហេតុ ដើម្បីឆ្លើយតបនិងចាត់វិធានការទាន់ពេល; ជានិច្ចកាលធ្វើបច្ចុប្បន្នភាព រាយការណ៍ពីស្ថានភាពប្រែប្រួលបាក់ស្រុត និងល្បឿនដំណើរការជម្នះគ្រោះអាសន្នដល់គណៈ បញ្ជាការបង្ការទប់ស្កាត់គ្រោះធម្មជាតិនិងជួយសង្រ្គោះខេត្ត។ ចង្អុលការសាខានាយកដ្ឋានធារាសាស្ត្រ សហការនឹងភូមិភាគនានា ពិសេសក្រុងបាកលីវ តាមដានស្ថានភាពបាក់ស្រុតដី ដើម្បីចាត់វិធានការបឋម តាមគោលលំនាំ “៤នៅនឹងកន្លែង”; អនុវត្តន៍វិធានការធានាសុវត្ថិភាពអាយុជីវិតប្រជាជននៅតំបន់រងផលប៉ះពាល់; ពិនិត្យរៀបចំកន្លែងនៅតាមតំបន់តាំងលំនៅឋានឡើងវិញ ដើម្បីជម្លៀសប្រជាជនចេញពីតំបន់បាក់ស្រុត និងមានហានិភ័យបាក់ស្រុតធ្ងន់ធ្ងរទៅកាន់កន្លែងសុវត្ថិភាព៘ ខេត្តបាកលីវ បានស្នើរដ្ឋាភិបាល ក្រសួងផែនការនិងវិនិយោគពិនិត្យ ឧបត្ថម្ភទឹកប្រាក់ដល់ខេត្តបាកលីវជាង៣.៤០០ ពាន់លានដុង ដើម្បីអនុវត្តគម្រោងវិនិយោគតំបន់បាក់ស្រុតធ្ងន់ធ្ងរជាបន្ទាន់ចំនួន ៥ កន្លែងនិងបង្ការទឹកជំនន់ ការពារផលិតកម្មដោយមានប្រវែងជិត៨០គីឡូម៉ែត្រ; (ក្នុងនោះ ទំនប់បង្ការបាក់ស្រុតប្រវែង ១៣,៦៧៤ គីឡូម៉ែត្រ; កសាងប្រព័ន្ធច្រាំងទន្លេនិងសំណង់បង្ការទឹកជំនន់ប្រវែង៦៦គីឡូម៉ែត្រ)”៕

យ្វីអាញ- លីសៀ

ចែករំលែកអត្ថបទ

ពាក្យគន្លឹះ