មហាសាមគ្គីជនជាតិ គំរូក្នុងសហគមន៍

02/07/2024 - 09:40

សមណសិស្សឧស្សាហ៍ព្យាយាម រៀនពូកែ

យ័ញសុខភាព គឺជាសមណសិស្សមួយអង្គរៀនថ្នាក់ទី ១០ ត្រូវបានសាលាមធ្យមសិក្សាបំពេញវិជ្ជាបាលីណាមបូសុកត្រាំង ស្ងើចសរសើរជូនរង្វាន់ ដែលមានស្នាដៃឧស្សាហ៍ព្យាយាម រៀនពូកែ។

សមណសិស្សយ័ញសុខភាព។

ក្រោយពីរៀនចប់អនុវិទ្យាល័យ យ័ញសុខភាព បានសាងផ្នួសបួសរៀននៅវត្តរាជកុសលបំពេញជ័យស្វាយ ខេត្តគៀងយ៉ាង ហើយបានព្រះចៅអធិការវត្តបង្កលក្ខណសម្បត្តិឱ្យសិក្សាចប់ថ្នាក់បាលីរង។ ក្រោយរយៈពេល ៣ ឆ្នាំប្រឡងបញ្ចប់បាលីរង ព្រះតេជព្រះគុណសុខភាព បានចុះឈ្មោះជម្រើសសិស្សចូលថ្នាក់ទី១០ សាលាមធ្យមសិក្សាបំពេញវិជ្ជាបាលីណាមបូសុកត្រាំង។ សមណសិស្ស សុខភាព ពិតឱ្យដឹង៖ “អាត្មាភាពចូលបួសដើម្បីរក្សាទំនៀមទម្លាប់តបស្នងសងគុណ បានសិក្សាធម៌អាថ៌ វិន័យផង បានរៀនអក្សរសាស្រ្តផង ពិសេសឮថារៀននៅសាលាមធ្យមសិក្សាបំពេញវិជ្ជាបាលីណាមបូសុកត្រាំង បានរដ្ឋឧបត្ថម្ភទាំងស្រុងថវិការៀនសូត្រ ចាយវាយប្រចាំថ្ងៃ រៀនពូកែទទួលបានអាហារូបករណ៍ ម្ល៉ោះហើយអាត្មាភាពប្តេជ្ញាចិត្តខំប្រឹងរៀនសូត្រ។ ពីព្រោះនេះគឺជាសាលាតែមួយគត់សម្រាប់សមណសិស្សខ្មែរ ជួយឱ្យអាត្មាភាពសម្រេចក្តីស្រមៃឈានឆ្ពោះទៅមហាវិទ្យាល័យក្នុងអនាគត”។

សមណសិស្ស យ័ញសុខភាព (ខាងឆ្វេង) ទទួលលិខិតសរសើររបស់សាលាអំពី
ស្នាដៃសមណសិស្ស ឧស្សាហ៍ព្យាយាម រៀនពូកែ។

ផ្តើមពីប្តេជ្ញាចិត្តក្នុងការរៀនសូត្រ សមណសិស្ស សុខភាព ខិតខំប្រឹងប្រែងរៀនសូត្រ ចូលរៀនយកចិត្តទុកដាក់ស្តាប់លោកគ្រូអ្នកគ្រូពន្យល់មេរៀន នៅកន្លែងខិតខំស្រាវជ្រាវសៀវភៅ រៀនសូត្រតាមប្រព័ន្ធអ៊ីនធឺណែតដោយខ្លួនឯង។ ឆ្នាំសិក្សា ២០២៣- ២០២៤ សមណសិស្សសុខភាព ក្លាហានបានចុះឈ្មោះចូលរួមសម័យប្រឡងសិស្សពូកែថ្នាក់ខេត្តវិញ្ញាសាអក្សរសាស្រ្ត ហើយត្រូវបានសាលាបំប៉នចំណេះដឹង បំណិនផ្សេងៗ និងវិធានការរៀនវិញ្ញាសាអក្សរសាស្រ្តផងដែរ។ ក្រៅពីនេះ សមណសិស្សសុខភាព ខ្លួនព្រះអង្គផ្ទាល់ក៏ខំព្យាយាមរៀនសូត្រ ស្រាវជ្រាវនិងអានសៀវភៅអត្ថបទល្អៗ ។ល។ ដើម្បីបម្រើបានល្អសម្រាប់ការរៀនសូត្រ។ សមណសិស្សសុខភាព សំណេះសំណាល៖ “នេះគឺជាឆ្នាំដំបូងដែលអាត្មាភាពចុះឈោះប្រឡង សិស្សពូកែថ្នាក់ខេត្ត ទោះបីលទ្ធផលមិនបានដូចបំណងក៏ដោយ ប៉ុន្តែជាឱកាសជួយឱ្យអាត្មាភាព ឆ្លងកាត់បទពិសោធន៍វិញ្ញាសាប្រឡងសិស្សពូកែថ្នាក់ខេត្ត។ ផ្តើមពីនោះ អាត្មាភាពកាន់តែមានភាព ជឿជាក់លើខ្លួនឯងក្នុងការរៀនសូត្រ មានចំណេះដឹងកាន់តែច្រើនត្រៀមលក្ខណៈបានល្អក្នុងការប្រឡងខាងមុខ ហើយដាច់ខាតឆ្នាំក្រោយអាត្មាភាពនឹងចូលរួមប្រឡងជាបន្ត”។

ក្នុងការរៀនសូត្រ សមណសិស្សសុខភាព តែងលៃលកពេលវេលាសមស្រប មុនពេលចូលសាលា រាល់វិញ្ញាសាតែងអានមេរៀនជាមុន និងកត់ចំណាំខ្លឹមសារណាដែលមិនទាន់យល់ ដើម្បីចូលសាលាសាកសួរលោកគ្រូអ្នកគ្រូ។ ពេលមកកុដិសមណសិស្សសុខភាព ធ្វើមេរៀនលំហាត់ស្ទើរតែទាំងអស់ក្នុងសៀវភៅ អានអត្ថបទល្អៗ ធ្វើលំហាត់ផ្សេងៗតាមប្រព័ន្ធ។ល។ ដើម្បីមានចំណេះដឹងកាន់តែច្រើនបម្រើការរៀនសូត្រ។ ទន្ទឹមនឹងនោះ ម៉ោងរៀនដោយខ្លួនឯងជាមួយមិត្តភ័ក្តិក្នុងក្រុម និងធ្វើលំហាត់ផ្សេងៗដើម្បីរួមគ្នារៀនសូត្របានល្អ។ ជាមួយនឹងវិធីសាស្រ្តរៀនទាំងនោះ សមណសិស្សសុខភាព ត្រូវបានគ្រូបង្រៀនរាល់វិញ្ញាសាវាយតម្លៃខ្ពស់។ លោកគ្រូ លីថាញហាវ គ្រូបង្រៀនទទួលបន្ទុកថ្នាក់ទី១០ ឱ្យដឹង៖ “សមណសិស្សសុខភាព ឧស្សាហ៍ព្យាយាមរៀនសូត្រ មិនដែលឈប់សម្រាកមួយពេលណានិងរៀនពូកែស្ទើរតែគ្រប់មុខវិញ្ញាសា មធ្យមភាគឆ្នាំសិក្សាតែងមានពិន្ទុលើ៨.០ ។ ម្យ៉ាងទៀត គុណសម្បត្តិរបស់សមណសិស្សសុខភាព តែងបានគ្រូបង្រៀនរាល់វិញ្ញាសាវាយតម្លៃ គឺត្រៀមមេរៀនបានល្អមុនពេលចូលសាលា ក្នុងម៉ោងរៀនឆាប់យល់មេរៀន តែងមានយោបល់និងសកម្មចូលរួមរាល់សកម្មភាព ចលនាសម្ព័ន្ធយុវជនរបស់សាលា”៕

យ្វីអាញ-លីសៀ

ចែករំលែកអត្ថបទ

ពាក្យគន្លឹះ