ប៉ុស្តិ៍ការពារព្រំដែនអាងថាញ់បា កងទ័ពការពារព្រំដែនខេត្តសុកត្រាំង គឺជាអង្គភាពឈានមុខគេក្នុងការដាំបន្លែលើទឹកក្នុងផ្ទះសំណាញ់ប្រកបដោយប្រសិទ្ធភាព ធានាបានប្រភពបន្លែបៃតង សុវត្ថិភាពសម្រាប់បម្រើជីវភាពប្រចាំថ្ងៃរបស់កម្មាភិបាល និងយុទ្ធជននៅក្នុងអង្គភាព។
![បង្កើនការផលិត ធានាផ្គត់ផ្គង់ប្រភពបន្លែស្អាតដល់អង្គភាព](https://baocantho.com.vn/image/fckeditor/upload/2024/20240624/images/khmer/71.jpg)
ទម្រង់ដាំបន្លែលើទឹកក្នុងផ្ទះសំណាញ់របស់ប៉ុស្តិ៍ការពារព្រំដែនអាងថាញ់បា។
បោះទ័ពនៅស្រុកកូវឡាវយ៉ុង ជាតំបន់ដែលទឹកច្រើនតែជន់លិច នៅពេលទឹកជំនោរក្នុងរដូវវស្សា ដូច្នេះពិតជាលំបាកក្នុងការកសាងទេសភាព និងការបង្កបង្កើនផលរបស់អង្គភាព។ អាស្រ័យហេតុនេះ ប៉ុស្តិ៍ការពារព្រំដែនអាងថាញ់បា បានកសាងគម្រោងអនុវត្តការដាំបន្លែលើទឹកក្នុងផ្ទះសំណាញ់ ដើម្បីធានាសុវត្ថិភាពចំណីអាហារ ផ្តល់ប្រភពបន្លែស្អាតសម្រាប់កម្មាភិបាលនិងយុទ្ធជនក្នុងអង្គភាព។ លោកអនុសេនីយ៍ឯក វ៉មិញល្វឹង អនុប្រធានប៉ុស្តិ៍ការពារព្រំដែនអាងថាញ់បា ឱ្យដឹង៖ “នេះជាទម្រង់ថ្មី បង់ប្រាក់បន្តិច ម្ល៉ោះហើយអង្គភាពបានប្រិតសំចៃប្រាក់ចំណាយក្នុងការវិនិយោគ និងសិក្សាស្វែងយល់បច្ចេកទេសដាំតាមរយៈសៀវភៅ កាសែតនិងបណ្តាញសង្គម។ ដើម្បីជ្រើសរើសពូជដំណាំសមស្រប។ អាស្រ័យហេតុនេះ អង្គភាពបានជ្រើសរើសដាំបន្លែ ដូចជា៖ ស្ពៃខៀវ ស្ពៃចង្កឹះ ជន្លង់ ត្រកួន។ល។ ផ្តល់ទិន្នផលខ្ពស់។ អាស្រ័យទម្រង់នេះ បច្ចុប្បន្នអង្គភាពអាចផ្គត់ផ្គង់បន្លែបៃតងបាន១០០% សម្រាប់ផ្ទះបាយជារៀងរាល់ថ្ងៃ។ អត្ថប្រយោជន៍នៃការដាំបន្លែលើទឹកក្នុងផ្ទះសំណាញ់ គឺមិនសូវរងផលប៉ះពាល់ពីអាកាសធាតុនិងសត្វល្អិត ដូច្នេះមិនប្រើថ្នាំគីមី ហើយធានាបានបន្លែស្អាតនិងសុវត្ថិភាពសម្រាប់អាហារប្រចាំថ្ងៃ។ ទម្រង់នេះក៏ប្រិតសំចៃទឹកស្រោចស្រព ការចំណាយលើការថែទាំ ហើយគុណភាពបន្លែអាចរក្សាទុកបានយូរជាង”។
![បង្កើនការផលិត ធានាផ្គត់ផ្គង់ប្រភពបន្លែស្អាតដល់អង្គភាព](https://baocantho.com.vn/image/fckeditor/upload/2024/20240624/images/khmer/72.jpg)
ប៉ុស្តិ៍ការពារព្រំដែនអាងថាញ់បា ផ្គត់ផ្គង់បន្លែស្អាត១០០% ដល់អង្គភាព។
យោងតាមប្រសាសន៍លោកវរសេនីយ៍ឯក បម្រុងវ៉ូវហ្វីកឿង ប្រធានការិយាល័យភស្តុភារនិងបច្ចេកទេសនៃកងទ័ពការពារព្រំដែនខេត្តសុកត្រាំង បច្ចុប្បន្ន អង្គភាពក្រោមឱវាទកងទ័ពការពារព្រំដែនសុកត្រាំង បានឡើងគ្រោងនិងធ្វើឱ្យសុក្រឹតទម្រង់ចម្ការ-ស្រះ-ទ្រុង ដើម្បីដាំដំណាំ និងចិញ្ចឹមសត្វ។ មានអង្គភាពជាច្រើនបានអនុវត្តបច្ចេកទេសដាំបន្លែសុវត្ថិភាពជាបណ្តើរៗ ដើម្បីធានាសុខភាពរបស់កម្មាភិបាលនិងយុទ្ធជនក្នុងអង្គភាព។ មានការចិញ្ចឹមសត្វប្រកបដោយប្រសិទ្ធភាព ដូច៖ ជ្រូក មាន់ ទា ត្រីជាដើម ដើម្បីបម្រើផ្ទះបាយនៅក្នុងអង្គភាព។ ក្នុងរយៈពេល៦ខែដើមឆ្នាំ២០២៤ អង្គភាពរកបានប្រាក់ជាង ២១២លានដុង សម្រេចបាន៥៨%នៃផែនការប្រចាំឆ្នាំ។ ការងារបង្កបង្កើនផលជុំវិញផ្ទះបាយ និងជុំវិញប៉ុស្តិ៍ត្រូវបានអង្គភាពយកចិត្តទុកដាក់អនុវត្តមានរបៀបរៀបរយធានាបានពី៨០-៨៥% នៃតម្រូវការបន្លែបៃតងប្រចាំថ្ងៃសម្រាប់កងទ័ព។
ទម្រង់ដាំបន្លែលើទឹកក្នុងផ្ទះសំណាញ់របស់ប៉ុស្តិ៍ការពារព្រំដែនអាងថាញ់បា ធានាបន្លែស្អាត ១០០% សម្រាប់កងទ័ពក្នុងអង្គភាព គឺគួរឱ្យស្ងើចសរសើរណាស់។ នេះមិនត្រឹមតែរួមចំណែកលើកកម្ពស់ជីវភាពជូនកងទ័ពប៉ុណ្ណោះទេ នៅទាំងបង្កើតប្រភពប្រាក់ចំណូលដល់អង្គភាពថែមទៀតផង ក៏ដូចជាអប់រំ លត់ដំស្មារតីខ្លួនទីពឹងខ្លួន និងការផ្គត់ផ្គង់ដោយខ្លួនឯង ចេះប្រិតសំចៃ ដីបង្កបង្កើនផល ព្រមទាំងសិក្សាស្រាវជ្រាវកែច្នៃ កសាងទម្រង់បង្កបង្កើនផលសមស្របនឹងស្ថានភាពជាក់ស្តែងនៃអង្គភាព ឆ្លើយតបតម្រូវការគ្រប់គ្រង ការពារបូរណភាពទឹកដី និងសន្តិសុខព្រំដែនជាតិក្នុងស្ថានភាពថ្មី៕
លីធាន - បកប្រែ៖ សុផន