ព្រឹត្តិការណ៍ - នយោបាយ ព្រឹត្តិការណ៍

11/06/2024 - 09:25

ក្រុងកឹងធើ បើកដំណើរការសាងសង់ផ្ទះ៧១ ខ្នងជូនគ្រួសារក្រីក្រ

នៅនាគ្រួសារពូឡឹមវ៉ាន់តាយ នៅមណ្ឌលប៊ិញខាញ់ សង្កាត់ភឿកថើយ ខណ្ឌអូរម៉ូង គណៈកម្មាធិការប្រជាជនក្រុងកឹងធើ បានរៀបចំពិធីដំណើរការសង់ផ្ទះ ៧១ ខ្នង ជូនគ្រួសារក្រីក្រតាមសេក្តីសម្រេចលេខ ១២/២០២៣/NQ-HÐND ចុះថ្ងៃទី ៨ ខែធ្នូ ឆ្នាំ២០២៣ របស់ក្រុមប្រឹក្សាប្រជាជនក្រុងកឹងធើ (សេចក្តីសម្រេច ១២/២០២៣/NQ-HÐND)។

ថ្នាក់ដឹកនាំគណៈកម្មាធិការប្រជាជននិងមន្ទីរការងារ-យុទ្ធជនពិការនិងសង្គមកិច្ចក្រុងកឹងធើ
ប្រគល់ផ្លាកនិមិត្តរូបឧបត្ថម្ភសាងសង់ផ្ទះដល់អង្គភាពអ្នកតំណាងឱ្យខណ្ឌ ស្រុក។

បណ្តាផ្ទះទាំង ៧១ ខ្នងដែលបើកដំណើរការសាងសង់លើកនេះ ខណ្ឌអូរម៉ូងមាន ១១ ខ្នង ខណ្ឌថូកណូកមាន ២៧ ខ្នង ខណ្ឌនិញកេវ ៣ ខ្នង ខណ្ឌកៃរុាំង ២ ខ្នង ស្រុកផុងដៀង ១២ ខ្នង ស្រុកថើយឡាយ ៩ ខ្នង និងស្រុកវិញថាញ់ ៧ខ្នង។ ក្នុងមួយខ្នងៗឧបត្ថម្ភទឹកប្រាក់ ៥០ លានដុង តាមរយៈប្រភពថវិកាដែលចលនា ពីអង្គការ បុគ្គលក្នុងនិងក្រៅក្រុង។

អញ្ជើញចូលរួមនិងថ្លែងក្នុងពិធីនេះ លោក ង្វៀងថឹកហៀង អនុប្រធានគណៈកម្មាធិការប្រជាជនក្រុងកឹងធើ គូសបញ្ជាក់៖ បច្ចុប្បន្ន ក្រុងកឹងធើ មាន ២៨៧ គ្រួសារប្រជាជនក្រីក្រ ដែលខ្វះលំនៅឋាន ក្នុងនោះ ៧៧ គ្រួសារមាន ដីធារផ្ទះ (មាន ៦ គ្រួសារ ត្រូវបានឧបត្ថម្ភសាងសង់ពីប្រភពចលនារបស់ភូមិភាគ) ៧១ គ្រួសារគ្រប់លក្ខណសម្បត្តិ ឧបត្ថម្ភសាងសង់តាមសេចក្តីសម្រេចលេខ ១២/២០២៣/NQ-HÐND។ អនុប្រធានគណៈកម្មាធិការប្រជាជន សំណូមពរដល់គណៈកម្មាធិការប្រជាជនខណ្ឌ ស្រុក គប្បីយកចិត្តទុកដាក់តាមដាន បែងចែកការងារភារកិច្ច ពិនិត្យពិច័យគុណភាព ល្បឿនដំណើរការសាងសង់; ចលនារាល់ប្រភពកម្លាំងឧបត្ថម្ភបន្ថែមដើម្បីគ្រួសារទាំងនោះមានផ្ទះរឹងមាំ។ គ្រប់អង្គភាពសាងសង់ ត្រូវពិនិត្យពិច័យ ធានាគុណភាព ល្បឿនដំណើរការសាងសង់ឱ្យបានឆាប់ ដើម្បីប្រគល់ជូនគ្រួសារប្រើប្រាស់តាមកាលកំណត់៕

អាញយុង- លីសៀ

ចែករំលែកអត្ថបទ

ពាក្យគន្លឹះ