មហាសាមគ្គីជនជាតិ គំរូក្នុងសហគមន៍

19/02/2024 - 16:46

លោកគឹមសំណាង បរិច្ចាគដីកសាងផ្លូវនិងប្រឡាយបេតុង

លោកគឹមសំណាង លេខាសាខាបក្សភូមិដូងជ្រំ A ឃុំតឹងសើុង ស្រុកថ្កូវ ខេត្តត្រាវិញ ជាលេខាសាខាបក្សជនជាតិខ្មែរម្នាក់ដែលបានរួមចំណែកយ៉ាងសកម្មក្នុងការកសាងជនបទថ្មី។

ស្ពានជនបទដែលលោកគឹមសំណាង កៀរគរប្រជាជនចូលរួមកសាង។

ភូមិដូងជ្រំ A មានគ្រួសារប្រជាជនចំនួន ៣០១ គ្រួសារ ក្នុងនោះជនរួមជាតិខ្មែរមានដល់ទៅជាង៩០%។ អស់រយៈពេល ២៣ ឆ្នាំ ធ្វើជាលេខាសាខាបក្សភូមិ លោកគឹមសំណាង បានយកអស់ពីកម្លាំងកាយចិត្ត ដើម្បីអភិវឌ្ឍន៍របស់ភូមិភាគនិងជីវភាពប្រជាជន។ គាត់បានអនុវត្តយ៉ាងមានប្រសិទ្ធភាពការងារចលនាប្រជាជនចូលរួមជាមួយនឹងសាខាបក្ស គណៈកម្មការប្រជាជនភូមិ អនុវត្តការសាងសង់សំណង់និងផ្នែកការងារជាច្រើនក្នុងការងារកាត់បន្ថយភាពក្រីក្រ កសាងជីវភាពវប្បធម៌ កសាងជនបទថ្មីនៅនឹងភូមិភាគ។ លោកគឹមសំណាង ចែករំលែក៖ “ចំពោះការរៀនសូត្រនិងធ្វើតាមគំរូសីលធម៌ហូជីមិញ ជាមួយនឹងតួនាទីជាលេខាសាខាបក្សភូមិ ប្រសិនបើចង់កៀរគរប្រជាជនអនុវត្តការចលនានៅមូលដ្ឋាន គឺខ្លួនយើងត្រូវធ្វើជាគំរូ។ ពេលភូមិចាប់ផ្ដើមកសាងជនបទថ្មី ពិនិត្យឃើញថា មានផ្លូវគមនាគមន៍ ប្រឡាយនៅវាលស្រែជាច្រើនឋិតក្នុងភូមិមិនទាន់អភិវឌ្ឍន៍សមស្រប។ ជាមួយនឹងគោលលំនាំ “រដ្ឋ និងប្រជាជនរួមគ្នាធ្វើ” ខ្ញុំបានកៀរគរបក្ខជននិងមាមីងបរិច្ចាគដីធ្វើផ្លូវ ក្នុងនោះ គ្រួសារខ្ញុំបានឈានមុខក្នុងការបរិច្ចាគដីជាង ២០០ ម២ គិតជាតម្លៃប្រាក់រាប់រយលានដុង ដើម្បីរដ្ឋពង្រីកផ្លូវ។ ក្រៅពីនោះ ខ្ញុំនៅទាំងបរិច្ចាគដីស្រែជាង ១៥០ ម២ ដើម្បីឱ្យរដ្ឋកសាងប្រឡាយបេតុងបម្រើការផ្គត់ផ្គង់ទឹកស្រោចស្រពជូនមាមីងក្នុងភូមិ។ ដោយមើលឃើញការងារនាំមកប្រយោជន៍ជាក់ស្ដែងរបស់លេខាសាខាបក្សភូមិ បក្ខជនគឹមអៀង រស់នៅក្នុងភូមិជាមួយគ្នា ក៏បានបរិច្ចាគដីជាង ១២០ ម២ ដើម្បីរួមគ្នាកសាងប្រឡាយបេតុងក្នុងភូមិ។

លោកគឹមសំណាង ឈរក្បែរប្រឡាយបេតុងដែលគ្រួសារគាត់បរិច្ចាគដីកសាង។

លោកត្រឹងវ៉ាន់ដុង ប្រធានគណៈកម្មាធិការប្រជាជនឃុំតឹងសើុង ឱ្យដឹង៖ “ពង្រីកតួនាទីជាលេខាសាខាបក្សភូមិ លោកគឹមសំណាង តែងជាអ្នកឈានមុខក្នុងការបរិច្ចាគដី និងកម្លាំងពលកម្ម ដើម្បីកៀរគរប្រជាជនរួមគ្នាអនុវត្តតាម។ ហេតុនោះ រហូតមកទល់បច្ចុប្បន្ន ផ្លូវជនបទភាគច្រើននៅភូមិដូងជ្រំ A ត្រូវបានចាក់បេតុងរួចរាល់”៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ