សន្តិសុខ - ការពារប្រទេស សន្តិសុខ

02/01/2024 - 17:17

អាងយ៉ាង៖ ចាប់បានភស្តុតាងមុខសញ្ញាយកផាវទៅលក់រឹបអូសបានជាង៤.២០០គ្រាប់

នគរបាលក្រុងឡុងស្វៀង ខេត្តអាងយ៉ាង ទើបចាប់បានភស្តុតាងមុខសញ្ញាយកផាវទៅលក់ ដោយរឹបអូសបានផាវទ្រង់ទ្រាយមូល ដូចបាល់ជាង៤.២០០គ្រាប់។

 វត្ថុតាងចាប់បាននៅកន្លែងកើតហេតុ។

តាមរយៈនោះ ខណៈពេលដើរល្បាតរក្សាសន្តិសុខសណ្តាប់ធ្នាប់នៅលើភូមិសាស្ត្រក្រុងឡុងស្វៀង លុះមកដល់អនុសង្កាត់ប៊ិញខាញ់៣ សង្កាត់ប៊ិញខាញ់ ក្រុមការងារនៃកម្លាំងនគរបាលក្រុងឡុងស្វៀង បានប្រទះឃើញង្វៀងវ៉ាន់ទ្វឹង (អាយុ៣៩ឆ្នាំ នៅស្រុកយ៉ាងថាញ់ ខេត្តគៀងយ៉ាង) បើកបរម៉ូតូ BS ស្លាកលេខ ៩៣B១-១៩២.១៥ ដោយសង្ស័យថា ដឹកជញ្ជូនផាវ ក៏ឃាត់ម៉ូតូដើម្បីត្រួតពិនិត្យ។ តាមរយៈការត្រួតពិនិត្យ ក្រុមការងារបានរកឃើញក្នុងបាឡូនៅលើម៉ូតូដែលទ្វឹងបើកបរ មានស្ដុកផាវដែលមានទ្រង់ទ្រាយមូលដូចបាល់ ៣.៣០៦គ្រាប់។

នៅទីស្នាក់ការនគរបាល ដំបូងទ្វឹងបានសារភាពថាចំនួនផាវទាំងនេះកំពុងយកទៅក្រុងឡុងស្វៀងលក់ដើម្បីរកប្រាក់ចំណេញ ប៉ុន្តែមិនទាន់បានលក់ក៏ត្រូវចាប់ខ្លួន។ លុះធ្វើការឆែកឆេរជាបន្ទាន់ទីលំនៅរបស់ទ្វឹង កងកម្លាំងនគរបាលបន្តរកឃើញនិងរឹបអូសផាវដែលមានទ្រង់ទ្រាយមូលដូចបាល់ចំនួន៩៥០គ្រាប់។ ក្រុមការងារបានធ្វើកំណត់ហេតុរឹបអូសវត្ថុតាង និងម៉ូតូជាបណ្តោះអាសន្ន ដើម្បីបន្តធ្វើការត្រួតពិនិត្យ សើុបអង្កេត និងបំភ្លឺ៕

កាសែតកឹងធើ-ទីទុយ

ចែករំលែកអត្ថបទ

ពាក្យគន្លឹះ