សន្តិសុខ - ការពារប្រទេស សន្តិសុខ

14/11/2023 - 09:07

បញ្ជាការដ្ឋានកងទ័ពការពារព្រំដែនខេត្តត្រាវិញ បំប៉នភាសាខ្មែរ

បញ្ជាការដ្ឋានកងទ័ពការពារព្រំដែនខេត្តត្រាវិញ ទើបសហការជាមួយមជ្ឈមណ្ឌលអប់រំជាប្រចាំខេត្តត្រាវិញ រៀបចំបើកថ្នាក់បំប៉នភាសាខ្មែរឆ្នាំ២០២៣ ដល់កម្មាភិបាលកងទ័ពការពារព្រំដែនខេត្ត។ ថ្នាក់រៀនសំដៅបំពាក់ចំណេះដឹង លើកកម្ពស់សមត្ថភាពទំនាក់ទំនងពេលជួបប្រាស្រ័យ ធ្វើការជាមួយជនរួមជាតិខ្មែរលើភូមិសាស្ត្រដែលបម្រើការងារ។ ចូលរួមវគ្គសិក្សាមានសិក្ខាកាម២៥នាក់ ដែលជាកម្មាភិបាលនាយទាហាន យោធិនជំនាញចំណុះកងទ័ពការពារព្រំដែនខេត្ត។

អ្នកតំណាងចូលរួមក្នុងពិធីបើកវគ្គសិក្សានិងសិក្ខាកាមថតរូបអនុស្សាវរីយ៍។

ថ្នាក់រៀន រៀបចំបង្រៀនផ្ទាល់ក្នុងរយៈពេលជាង២ខែ រួមមាន៤៥០ម៉ោង (៣០០ម៉ោងរៀនទ្រឹស្តី ១៥០ម៉ោងអនុវត្តជាក់ស្តែង) នៅរាល់ពេលយប់និងថ្ងៃឈប់សម្រាកក្នុងសប្ដាហ៍។ បញ្ចប់វគ្គសិក្សា គណៈកម្មការចាត់តាំងនឹងរៀបចំមណ្ឌលប្រឡងនិងផ្តល់ជូនវិញ្ញាបនបត្រភាសាខ្មែរ តាមសារាចរលេខ ០៩/២០២៣/TT-BGDĐT ចុះថ្ងៃទី១៨ ខែមេសា ឆ្នាំ២០២៣ របស់ក្រសួងអប់រំនិងបណ្តុះបណ្តាល ជូនសិក្ខាកាមតាមការកំណត់។ ថ្នាក់រៀនសំដៅរួមចំណែកជូនកម្មាភិបាលកងទ័ពការពារព្រំដែនខេត្ត លើកកម្ពស់គុណសម្បត្តិនយោបាយ សមត្ថភាពការងារ ជឿជាក់លើខ្លួនឯងពេលទាក់ទងប្រាស្រ័យ ធ្វើការជាមួយជនរួមជាតិខ្មែរលើភូមិសាស្ត្របម្រើការងារ; ជួយកម្មាភិបាលកងទ័ពការពារព្រំដែន ផ្សព្វផ្សាយទាន់ពេល អនុវត្តមានប្រសិទ្ធភាពនូវគោលការណ៍ គោលនយោបាយជនជាតិ សាសនារបស់បក្ស រដ្ឋ ស៊ីជម្រៅទៅតាមភូមិស្រុកនីមួយៗ; រួមចំណែកពង្រឹងទំនាក់ទំនងចំណងសាមគ្គីភាពរវាងកងទ័ពនិងប្រជាជន ឆ្លើយតបតាមសំណូមពរភារកិច្ចគ្រប់គ្រង ការពារបូរណភាពសន្តិសុខព្រំដែនជាតិក្នុងស្ថានភាពថ្មី៕

យោង៖ កាសែតត្រាវិញ- លីសៀ

ចែករំលែកអត្ថបទ

ពាក្យគន្លឹះ