វប្បធម៌-សិល្បៈ វប្បធម៌

05/09/2023 - 16:40

គោលនយោបាយជំនួយប្រភពកម្លាំងអភិរក្សវប្បធម៌របស់ជនរួមជាតិខ្មែរ

ក្រោយរយៈពេលជាង២ឆ្នាំ ផ្សព្វផ្សាយអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ ដំណាក់កាល២០២១-២០៣០ (ហៅកាត់ថា កម្មវិធីទិសដៅជាតិ ១៧១៩) ជនរួមជាតិខ្មែរនៅខេត្តហូវយ៉ាង បានអភិរក្សនូវលក្ខណៈវប្បធម៌ដ៏ថ្លៃថ្លារបស់ខ្លួន។

ឈុតរបាំរបស់ជនរួមជាតិខ្មែរ។

លោកឡេកុងខាញ់ នាយកមន្ទីរវប្បធម៌ កីឡានិងទេសចរណ៍ ខេត្តហូវយ៉ាង ឱ្យដឹង៖ “ចំពោះមុខការសាបរលាបនៃទម្រង់សិល្បៈចម្រៀងអាយ៉ៃរបស់ជនរួមជាតិខ្មែរណាមបូ ឆ្នាំ ២០១៦ ខេត្តបានផ្សព្វផ្សាយគម្រោងបង្ហាត់បង្រៀននិងអភិរក្សទម្រង់សិល្បៈចម្រៀងអាយ៉ៃរបស់ជនរួមជាតិខ្មែរណាមបូ។ ឆ្លងតាមរយៈនោះ វគ្គហ្វឹកហាត់ចាប់ពីកម្រិតមូលដ្ឋានដល់កម្រិតខ្ពស់ត្រូវបានបើករាប់សិបវគ្គ ទាក់ទាញសិក្ខាកាមជាជនជាតិខ្មែររាប់រយនាក់លើភូមិសាស្ត្រចូលរួម។ ផ្តើមពីការខិតខំប្រឹងប្រែងទាំងនោះ នៅពាក់កណ្តាលឆ្នាំ២០២២ ទម្រង់សិល្បៈចម្រៀងអាយ៉ៃបានទទួលស្គាល់ជាបេតិកភ័ណ្ឌវប្បធម៌អរូបីថ្នាក់ជាតិ”។

លោកគីហីវថាញ អនុប្រធានគណៈជនជាតិខេត្តហូវយ៉ាង ឱ្យដឹង៖ “កម្មវិធីទិសដៅជាតិ១៧១៩ ហូវយ៉ាងបន្តមានថវិកាបន្ថែម ដើម្បីអភិរក្សនិងពង្រីកទម្រង់សិល្បៈដ៏ពិសេសរបស់ជនរួមជាតិខ្មែរដែលបានទទួលស្គាល់ជាបេតិកភ័ណ្ឌវប្បធម៌អរូបីថ្នាក់ជាតិ។ ទន្ទឹមនឹងនោះ ឆ្លងតាមរយៈទម្រង់សិល្បៈចម្រៀងអាយ៉ៃ ក៏បង្កើតជាសួនកម្សាន្តវិជ្ជមានសម្រាប់ជនជាតិខ្មែរក្នុងឱកាសបុណ្យទានផ្សេងៗ ក្នុងនោះ មានបុណ្យចូលឆ្នាំថ្មីប្រពៃណីជាតិជាដើម។ យើងខ្ញុំបានបែងចែកជាកញ្ចប់ៗឧបត្ថម្ភ ដើម្បីផ្សព្វផ្សាយអនុវត្តតាមរយៈនោះ ជនរួមជាតិនឹងបានទទួលផលប្រយោជន៍ជាក់ស្តែងនិងប្រសិទ្ធភាពបំផុត”។

លោកសើុងផលយ័ញ ជនជាតិខ្មែរ អាយុ៧២ឆ្នាំ ឱ្យដឹង៖ “ខ្ញុំចេះលេងភ្លេងពិណពាទ្យតាំងពីអាយុ១០ឆ្នាំ ភ្លេងពិណពាទ្យក្លាយជាចំណីអារម្មណ៍មិនអាចខ្វះពេលមានបុណ្យទាននៅតាមភូមិស្រុករបស់ជនជាតិខ្មែរ។ ពេលភ្លេងពិណពាទ្យប្រគំឡើង មិនថាក្មេងចាស់ ប្រុសស្រី តែងមានអារម្មណ៍ថា ពិធីបុណ្យមានភាពរម្យទុំ អ៊ឹកធឹក”។

លោកស្រីហូធូអាញ់ អនុប្រធានគណៈកម្មាធិការប្រជាជនខេត្តហូវយ៉ាង បញ្ជាក់៖ ជនរួមជាតិភាគតិចលើភូមិសាស្ត្រខេត្ត តែងមានស្មារតីភ្ញាក់រឭកខ្ពស់ក្នុងការរក្សានិងពង្រីកប្រពៃណីវប្បធម៌ជនជាតិ។ នេះគឺជាចំណុចងាយស្រួលមួយ ដើម្បីភូមិភាគបន្តអនុវត្តមានប្រសិទ្ធភាពកម្មវិធីទិសដៅជាតិ១៧១៩ នាពេលខាងមុខ។

មិនត្រឹមតែផ្សព្វផ្សាយអនុវត្តមានប្រសិទ្ធភាពគោលនយោបាយជនជាតិ ក្នុងការអភិរក្សនិងពង្រីកតម្លៃវប្បធម៌ប្រពៃណីប៉ុណ្ណោះទេ ខេត្តហូវយ៉ាងនៅទាំងគួបផ្សំបង្កើតមុខរបររកស៊ីដល់ជនរួមជាតិភាគតិច តាមរយៈគម្រោងអភិរក្ស ផ្សារភ្ជាប់នឹងការអភិវឌ្ឍទេសចរណ៍ សេវាកម្មបម្រើភ្ញៀវទេសចរ កែលម្អប្រភពចំណូលជូនជនរួមជាតិទៀតផង៕

យោង៖ កាសែតមហាសាមគ្គី-មុនី

ចែករំលែកអត្ថបទ

ពាក្យគន្លឹះ