សុខភាព - អប់រំ សុខភាព

05/09/2023 - 16:40

ចលនាប្រជាជនចូលរួមធានារ៉ាប់រងសុខាភិបាល ធានារ៉ាប់រងសង្គមដោយស្ម័គ្រចិត្ត

រយៈពេលកន្លង ឃុំង៉ាយស្វៀង ស្រុកថ្កូវ ខេត្តត្រាវិញ បានសហការជាមួយផ្នែកជំនាញ បង្កើនការផ្សព្វផ្សាយ ចលនាប្រជាជន ពិសេសគឺកសិករនិងពលករតំបន់ជនបទ ចូលរួមធានារ៉ាប់រងសុខាភិបាល ធានារ៉ាប់រងសង្គមដោយស្ម័គ្រចិត្តនិងធានារ៉ាប់រងសុខាភិបាលគ្រួសារ។

ប្រជាជនមកពិនិត្យជំងឺនៅដំណាក់សុខាភិបាលឃុំង៉ាយស្វៀង ដោយប្រើប្រាស់ប័ណ្ណធានា
រ៉ាប់រងសុខាភិបាល។

លោកង្វៀងមិញតឹម អនុប្រធានគណៈកម្មាធិការប្រជាជនឃុំង៉ាយស្វៀង ឱ្យដឹង៖ “សំដៅឈានដល់ការចូលរួមធានារ៉ាប់រងសុខាភិបាល ធានារ៉ាប់រងសង្គមទូទាំងប្រជាជន ទើបឃុំប្រមូលរាល់ប្រភពកម្លាំង គួបផ្សំជាមួយនឹងប្រភពថវិកាដែលជំនួយដល់កសិករ អ្នកទីទ័លក្រ និងជនជាតិភាគតិចតាមសេចក្ដីកំណត់ ដើម្បីបើកទូលាយចំនួនអ្នកចូលរួមធានារ៉ាប់រងសុខាភិបាល ធានារ៉ាប់រងសង្គម ធានារ៉ាប់រងនិកម្មភាព។ គណៈកម្មាធិការប្រជាជនឃុំ ចេញសេចក្ដីសម្រេចលេខ៥១/QĐ-UBND ចុះថ្ងៃទី ២៧/៣/២០២៣ ស្ដីពីការបង្កើតគណៈចង្អុលការពង្រីកអ្នកចូលរួមធានារ៉ាប់រងសុខាភិបាល ធានារ៉ាប់រងសង្គម ធានារ៉ាប់រងនិកម្មភាពលើភូមិសាស្រ្តឃុំ ដោយមានសមាជិកចំនួន១២នាក់ ទទួលបន្ទុកនៅតាមអង្គភាពនិងភូមិនានាលើភូមិសាស្រ្តឃុំ ដើម្បីចលនាប្រជាជនចូលរួមធានារ៉ាប់រង”។

គណៈកម្មាធិការប្រជាជនឃុំង៉ាយស្វៀង នៅទាំងផ្លាស់ថ្មីខ្លឹមសារវិធានការផ្សព្វផ្សាយលើប្រព័ន្ធឃោសនាមហាជន ដើម្បីកម្មាភិបាល បុគ្គលិក អ្នករដ្ឋការ ពលករនិងប្រជាជនយល់ច្បាស់ពីភាពចាំបាច់ តួនាទី ផលប្រយោជន៍និងអត្ថន័យនៃការចូលរួមធានារ៉ាប់រងសុខាភិបាល ធានារ៉ាប់រងសង្គម ធានារ៉ាប់រងនិកម្មភាព។ ជំរុញដំណើរការផ្សព្វផ្សាយដោយផ្ទាល់ជាមួយនឹងប្រជាជនអំពីផលប្រយោជន៍នៅពេលចូលរួមធានារ៉ាប់រងសុខាភិបាល ធានារ៉ាប់រងសង្គម ធានារ៉ាប់រងនិកម្មភាព ដើម្បីប្រជាជនមានការយល់ដឹង ខ្នះខ្នែងចូលរួម សំដៅធានាសុខុមាលភាពជាយូរអង្វែង។ រហូតមកទល់សព្វថ្ងៃ លើភូមិសាស្រ្តឃុំមានប្រជាជនចូលរួមធានារ៉ាប់រង សុខាភិបាល៩៤,៧%; សរុបចំនួនពលករចូលរួមធានារ៉ាប់រងសង្គម២២,៤៨%; ពលករចូលរួមធានារ៉ាប់រងនិកម្មភាព១២,៥៥%។

លោកថាច់បាក នៅភូមិពាមបួន ឱ្យដឹង៖ “គ្រួសារខ្ញុំមានសមាជិក៥នាក់ បានចូលរួមធានារ៉ាប់រងសុខាភិបាលគ្រប់គ្នា។ ការទិញធានារ៉ាប់រងសុខាភិបាល មានប្រយោជន៍ណាស់ ខ្ញុំវ័យចាស់ មានជំងឺលើសឈាម រៀងរាល់ខែតែងទៅមន្ទីរពេទ្យពិនិត្យសុខភាព ការព្យាបាលនិងថ្នាំពេទ្យមិនបង់ប្រាក់ទេ”។ ចំណែកបងស្រី ថាច់ធីញ៉ូវ នៅភូមិស្វាយសៀម ឱ្យដឹង៖ “ខ្ញុំជាកម្មករធ្វើការនៅក្រុមហ៊ុនចំកាត់ Yazaki EDS វៀតណាម សាខានៅខេត្តត្រាវិញ យើងខ្ញុំបានសម្ព័ន្ធសហជីពខេត្តត្រាវិញ សហការជាមួយរដ្ឋអំណាចមូលដ្ឋាន ធានារ៉ាប់រងសង្គមខេត្ត ផ្សព្វផ្សាយចលនាកម្មករក្រុមហ៊ុនចូលរួមធានារ៉ាប់រងសុខាភិបាល ធានារ៉ាប់រងសង្គម ធានារ៉ាប់រងនិកម្មភាព។ កម្មករក្រុមហ៊ុនភាគច្រើនតែងចូលរួម ពីព្រោះពេលឈឺថ្កាត់ម្ដងៗ មានធានារ៉ាប់រងសុខាភិបាលនឹងកាត់បន្ថយការចំណាយលើថ្លៃព្យាបាលបានច្រើនណាស់ ចំណែកមានធានារ៉ាប់រងសង្គម ពេលយើងចាស់ មានប្រាក់សោធននិវត្តន៍”៕

សើុងម៉ាល័យ - ពេជ្រសឿន

ចែករំលែកអត្ថបទ

ពាក្យគន្លឹះ