កីឡា - ទេសចរណ៍ ទេសចរណ៍

31/07/2023 - 16:46

ស្តាប់រលកសមុទ្រ

មកកាន់ក្រុងញ៉ាត្រាង ភ្ញៀវទេសចរប្រាកដជាស្លុងអារម្មណ៍នឹងសម្រស់ធម្មជាតិ ព្រោះថា ញ៉ាងត្រាង គឺជា “គ្រាប់ពេជ្រនៃសមុទ្រខាងកើត” និងជាឈូងសមុទ្រមួយក្នុងចំណោមឈូងសមុទ្រ ដ៏ស្រស់ស្អាតទាំង២៩លើពិភពលោកដែលបានអង្គការ UNESCO ទទួលស្គាល់។

ជ្រុងមួយនៃហាងលក់កាហ្វេនៅក្រុងញ៉ាត្រាង។

ទេសភាពដ៏ស្រស់ស្អាតនៃក្រុងញ៉ាត្រាង។

ក្រុងញ៉ាត្រាង ស្ថិតនៅចំមជ្ឈមណ្ឌលនៃខេត្តខាញ់ហ្វា មានឆ្នេរសមុទ្រព័ន្ធ ឈូងសមុទ្រញ៉ាត្រាង សម្លឹងពីលើ ឃើញឆ្នេរសមុទ្រដូចព្រះច័ន្ទមួយចំណិតយ៉ាងស្រស់ស្អាត។ ក្រុងញ៉ាត្រាង នៅទាំងមានកោះតូចធំចំនួន១៩ មិនឆ្ងាយពីដីគោក ហើយស្ថិតនៅក្នុងឈូងសមុទ្រ ម្ល៉ោះហើយស្ងប់រលក សមស្របដើម្បីធ្វើទេសចរណ៍។ អាកាសធាតុនៅញ៉ាងត្រាមិនក្ដៅមិនត្រជាក់ ដូច្នេះ ភ្ញៀវទេសចរអាចមកទស្សនាកម្សាន្តនៅទីនេះបានគ្រប់រដូវ។ បងស្រីដាវថាញធ្វី នៅខណ្ឌនិញកេវ ក្រុងកឹងធើ ឱ្យដឹង៖ “ខ្ញុំចូលចិត្តងូតទឹកសមុទ្រញ៉ាត្រាងណាស់ ព្រោះទឹកសមុទ្រថ្លាយង់ ឆ្នេរខ្សាច់សម៉ដ្ឋ ស្រស់ស្អាត និងស្ងប់រលក។ ទោះបីរដូវណាក៏ដោយ ពេលមកកម្សាន្តនៅទីនេះខ្ញុំតែងចុះងូតទឹកសមុទ្រទាំងអស់។ រដូវភ្លៀងងូតទឹកសមុទ្រក៏មានលក្ខណៈពិសេសដោយឡែកដែរ”។ បងស្រីថាញធ្វី ក៏មិនខុសពីមនុស្សម្នាទាំងឡាយដែរ ព្រោះមានអ្នកជាច្រើន “ញៀន” មកញ៉ាត្រាងដោយសារភាពប៉ិនសម្របរបស់អ្នកធ្វើទេសចរណ៍នៅទីនេះ។ ត្រឹមតែជាង២០ ឆ្នាំប៉ុណ្ណោះ ផ្នែកហេដ្ឋារចនាសម្ព័ន្ធទេសចរណ៍របស់ក្រុងញ៉ាត្រាងមានការអភិវឌ្ឍសម្បើមណាស់។ សណ្ឋាគារលំដាប់ផ្កាយ៥ខ្នាតអន្តរជាតិបានសាងសង់ព្រោងព្រាត ព្រមទាំងមានរីស៊ក (resort) ទំនើបៗនៅតាមឆ្នេរសមុទ្រ លើកោះ និងកន្ត្រកខ្សែកាបផង។ល។ ប៉ុន្តែ អ្វីដែលគួរចាប់អារម្មណ៍នៃគោលដៅទេសចរណ៍ ញ៉ាត្រាងនោះគឺទាក់ទាញតាំងពីភ្ញៀវអ្នកមានរហូតដល់អ្នកសាមញ្ញ ព្រោះមានសណ្ឋាគារតម្លៃសមល្មមជាច្រើននៅតាមដងផ្លូវ។

ព្រោះឆ្នេរសមុទ្រញ៉ាងត្រាមានទ្រង់ទ្រាយដូចព្រះច័ន្ទមួយចំណិត ម៉្លោះហើយគ្រប់វិថីក្រុងញ៉ាត្រាងសុទ្ធតែនាំចេញទៅសមុទ្រទាំងអស់។ ទោះបីស្នាក់នៅសណ្ឋាគារណាក៏ដោយ ភ្ញៀវទេសចរគ្រាន់តែធ្វើដំណើរត្រឹមតែពីរបីនាទី គឺទៅដល់សមុទ្រចុះហែលទឹកកម្សាន្តតាមចំណូលចិត្ត។ តាមបណ្តោយដងវិថីក្រុងមានភោជនីយដ្ឋាន រង្គសាលទំនើបៗនិងសាមញ្ញជាច្រើន។ វិសេសហាងកាហ្វេ “តូចៗ” មានលក្ខណៈសាមញ្ញ ប៉ុន្តែលក់កាហ្វេឆ្ងាញ់ណាស់ ដូច្នេះ ពេលមកដល់ញ៉ាត្រាងភ្ញៀវទេសចរកុំភ្លេចពិសាកាហ្វេផងណ៎ា៕

ហាថាញ-មុនី

ចែករំលែកអត្ថបទ

ពាក្យគន្លឹះ