មហាសាមគ្គីជនជាតិ ភូមិស្រុកផ្លាស់ថ្មី

25/04/2023 - 09:32

ចលនាប្រជាជនកសាងដងផ្លូវ “ភ្លឺ បៃតង ជ្រះ ស្អាត”

ជ្រោមជ្រែងចលនាទូទាំងប្រជាជនចូលរួមកសាងជនបទថ្មី គណៈកម្មាធិការបក្សឃុំផុងភូ ស្រុកកូវកែ ខេត្តត្រាវិញ ផ្សព្វផ្សាយអនុវត្តមានប្រសិទ្ធភាពទម្រង់ “អំពូលភ្លើងបំភ្លឺផ្លូវ គួបផ្សំនឹងបង្គោលទង់” លើភូមិសាស្រ្ត។

ដងផ្លូវជនបទត្រូវបានដំឡើង “អំពូលភ្លើងបំភ្លឺផ្លូវ គួបផ្សំនឹងបង្គោលទង់”។

ផុងភូ ជាឃុំមានជនរួមជាតិខ្មែរជាង ៧១%។ ទូទាំងឃុំមានដងផ្លូវបេតុង ១៧ ខ្សែ ផ្លូវជនបទ ៣ ខ្សែ (៥១; ២៩; ៣៤) និងផ្លូវជាតិ ៥៤ មួយខ្សែ។ អាស្រ័យដោយលើភូមិសាស្រ្តមិនទាន់មានសំណង់អំពូលភ្លើងបំភ្លឺផ្លូវ បានជាអ្នកចូលរួមចរាចរជួបការលំបាក ម្ល៉ោះហើយតែងកើតមានគ្រោះថ្នាក់ចរាចរជារឿយៗ ធ្វើឱ្យប៉ះពាល់ដល់ទ្រព្យសម្បត្តិនិងសុខភាពប្រជាជន។ល។ ផ្តើមពីចំណុចតម្រូវការខាងលើ គណៈកម្មាធិការបក្ស គណៈកម្មាធិការប្រជាជនឃុំ ចលនាកម្មាភិបាល បក្ខជន និងប្រជាជន ចូលរួមកសាងទម្រង់ “អំពូលភ្លើងបំភ្លឺផ្លូវ គួបផ្សំនឹងបង្គោលទង់” លើភូមិសាស្ត្រឃុំ។ បច្ចុប្បន្ន ឃុំចលនាទឹកប្រាក់បានជិត ២៨១ លានដុង ដំឡើងបង្គោលភ្លើងបាន ៣៥៨ ដើម និងអំពូលភ្លើង led ចំនួន ៣៥៨ ថាមពល ៣០W ប្រវែងសរុបជាង ១០ គ.ម។

ដងផ្លូវជនបទត្រូវបានដំឡើង “អំពូលភ្លើង បំភ្លឺផ្លូវ គួបផ្សំនឹងបង្គោលទង់” ឆ្លងកាត់ ៦/៦ ភូមិរបស់ឃុំ។ ដើម្បីទម្រង់ពង្រីកប្រសិទ្ធភាព គណៈកម្មាធិការបក្សឃុំចង្អុលការសាខាបក្សភូមិនានា បង្កើតបានចំនួន ៦ ក្រុម ចលនាប្រជាជនស្ម័គ្រចិត្តរួមវិភាគទានបង់លុយភ្លើងដែលអុជបំភ្លឺរៀងរាល់ខែ លទ្ធផលមានប្រជាជន ៩១៦ គ្រួសារ បានទទួលប្រយោជន៍ផ្ទាល់ ស្ម័គ្រចិត្តរួមវិភាគទាន ១៥.០០០ ដុង/គ្រួសារ/ខែ ដើម្បីបង់លុយភ្លើងនិងជួសជុលអំពូលភ្លើងពេលដែលខូច។

ពូឡឹមគិញ នៅភូមិ II ឱ្យដឹង៖ “មុននេះ តាមដងផ្លូវនៅជនបទដើមឈើស៊ុបទ្រុប បាបគ្រោះសង្គមកើតមានជារឿយៗ៘ កន្លងហើយ សាខាបក្សភូមិរួមជាមួយនឹងគណៈកម្មាធិការបក្សឃុំ ចុះមកដល់គ្រួសារខ្ញុំចលនាឱ្យចូលរួមកសាងជនបទថ្មី ក្នុងនោះ មានកសាងទម្រង់ប្រជាចលនាប៉ិនប្រសប់ “អំពូលភ្លើងបំភ្លឺផ្លូវ គួបផ្សំនឹងបង្គោលទង់” គ្រួសារខ្ញុំត្រេកអររីករាយហើយស្ម័គ្រចិត្តរួមវិភាគទាន ២៥០.០០០ ដុង ដើម្បីកសាងបង្គោលទង់ដែលមានកម្ពស់ ៤ ម៉ែត្រ មានភ្ជាប់អំពូលភ្លើងដើម្បីអុជបំភ្លឺនៅពេលយប់”។

អនុវត្តទម្រង់ “អំពូលភ្លើងបំភ្លឺផ្លូវ គួបផ្សំនឹងបង្គោលទង់” លើភូមិសាស្រ្តឃុំ គណៈកម្មាធិការបក្សឃុំផុងភូ បានចលនាកម្មាភិបាល អ្នករដ្ឋការ ក្នុងម្នាក់ៗស្ម័គ្រចិត្តរួមវិភាគទាន ៣០០.០០០ ដុង; រីឯបុគ្គលិក កម្មាភិបាលមិនទទួលបន្ទុក ១០០.០០០ ដុង; គ្រួសារប្រជាជនដែលរស់នៅជាប់ផ្លូវថ្នល់ទទួលប្រយោជន៍ផ្ទាល់រួមវិភាគទាន ២៥០.០០០ ដុង។ លោកថាច់យួង លេខាគណៈកម្មាធិការបក្សឃុំ ឱ្យដឹង៖ “ឃុំចង្អុលការដល់គណៈកម្មាធិការរណសិរ្សមាតុភូមិវៀតណាមនិងអង្គការមហាជននយោបាយ-សង្គម ទទួលភារកិច្ចនិងចង្អុលការដោយផ្ទាល់នូវខ្លឹមសារ បែងចែកច្បាស់លាស់ សមស្រប រួមចំណែកជួយឱ្យឃុំលើកកម្ពស់លក្ខឋានកសាងជនបទថ្មី។ យោងលើមូលដ្ឋាននោះ ទៅតាមលក្ខណៈនៃដងផ្លូវនីមួយៗ ដែលចលនាប្រជាជនដាំដើមឈើ ដាំផ្កាលម្អ ដំឡើងបង្គោលភ្លើងជាដើម។ ពិសេសទម្រង់ “អំពូលភ្លើងបំភ្លឺផ្លូវ គួបផ្សំនឹងបង្គោលទង់” នៅតាមដងផ្លូវជនបទពិតជាមានកម្លាំងរីកសាយភាយ ត្រូវបានប្រជាជនឯកភាពចូលរួមជ្រោមជ្រែង”៕

សើុងម៉ាល័យ-លីសៀ

ចែករំលែកអត្ថបទ

ពាក្យគន្លឹះ