ព្រឹត្តិការណ៍ - នយោបាយ ព្រឹត្តិការណ៍

25/04/2023 - 09:32

ធ្វើឱ្យសុក្រឹត លើកកម្ពស់គុណភាពឯកសារគតិយុត្តិស្ដីពីការងារជនជាតិ

ឧបនាយករដ្ឋមន្ត្រី ត្រឹងលឺវក្វាង ទើបចុះហត្ថលេខា លើសេចក្ដីសម្រេចលេខ ៣៧៨/QĐ-TTg ប្រកាសឱ្យប្រើផែនការផ្សព្វផ្សាយអនុវត្តរាល់សំណើត្រួតពិនិត្យរបស់ក្រុមប្រឹក្សាជនជាតិនៃរដ្ឋសភា ស្ដីពីការដាក់ឱ្យប្រើឯកសារគតិយុត្តិពាក់ព័ន្ធដល់ការងារជនជាតិ ដំណាក់កាល ២០១៦-២០២១ ។

រដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន ក្នុងឱកាសទទួលជួបតំណាងឆ្នើម អ្នកមានប្រជាប្រិយក្នុងតំបន់ជនរួមជាតិភាគតិច ខេត្តក្វាងប៊ិញ កាលពីខែមិថុនា ឆ្នាំ ២០២២។
រូបថត៖ វ៉យុង-TTXVN

សេចក្ដីសម្រេចប្រគល់ការងារគណៈកម្មាធិការជនជាតិ ប្រញឹកដឹកនាំ សហការជាមួយនឹងកម្មាភិបាល ស្ថាប័ន ភូមិភាគពាក់ព័ន្ធកសាងគម្រោងឧបត្ថម្ភការអប់រំ រៀនសូត្រ ដោយយោងតាមវដ្ដសម្រាប់សិស្សជនជាតិភាគតិច នៅតំបន់ជនជាតិភាគតិចនិងតំបន់ភ្នំ ក្នុងនោះ មានគោលនយោបាយឧបត្ថម្ភអាហារថ្ងៃត្រង់ដល់សិស្សានុសិស្ស កុមារមត្តេយ្យជនរួមជាតិភាគតិច; កូនគ្រួសារក្រីក្រនៅតាមមូលដ្ឋានអប់រំមត្តេយ្យតំបន់មានលក្ខណសម្បត្តិសេដ្ឋកិច្ច-សង្គមលំបាកខ្លាំង ដំណាក់កាល ២០២១-២០៣០ រាយការណ៍ជូននាយករដ្ឋមន្ត្រី ពិនិត្យ សម្រេចក្នុងខែមិថុនា ឆ្នាំ២០២៣។

ក្រសួងអប់រំនិងបណ្ដុះបណ្ដាលប្រញឹកដឹកនាំ សហការជាមួយនឹងកម្មាភិបាល ស្ថាប័ន ភូមិភាគពាក់ព័ន្ធ កសាងអនុក្រឹត្យកំណត់គោលនយោបាយសម្រាប់សិស្សានុសិស្ស សិក្ខាកាមនៅតំបន់ជនជាតិភាគតិច និងតំបន់ភ្នំ តំបន់ឆ្នេរសមុទ្រ កោះសមុទ្រ និងគ្រឹះស្ថានអប់រំដែលមានសិស្សទទួលផលពីគោលនយោបាយ (ជំនួសអនុក្រឹត្យលេខ ១១៦/២០១៦/NĐ-CP របស់រដ្ឋាភិបាលនិងសារាចរអន្តរក្រសួងលេខ ១០៩/២០០៩ /TTLT/BTC-BGDĐT របស់ក្រសួងហិរញ្ញវត្ថុ និងក្រសួងអប់រំនិងបណ្ដុះបណ្ដាល) ក្នុងនោះ ការសិក្សាស្រាវជ្រាវបំពេញបន្ថែមមុខសញ្ញាទទួលផលពីគោលនយោបាយដែលជាសិក្ខាកាម សិស្សរៀនកម្រិតអនុវិទ្យាល័យ និងវិទ្យាល័យនៅតាមមជ្ឈមណ្ឌលអប់រំប្រចាំ; សម្រេចជាស្ថាពរក្នុងខែធ្នូ ឆ្នាំ ២០២៣។ ព្រមជាមួយនោះ ស្ថាបនា ប្រកាសឱ្យប្រើសារាចរណែនាំបង្ហាត់បង្រៀនភាសាវៀត ដល់សិស្សានុសិស្សតំបន់ជនជាតិភាគតិច និងតំបន់ភ្នំ មុនពេលចូលរៀនថ្នាក់ទី ១ និងខ្លឹមសារ “ត្រៀមលក្ខណៈ ភាសាវៀតដល់សិស្សានុសិស្សតំបន់ជនជាតិភាគតិច មុនពេលចូលរៀនថ្នាក់ទី ១” តាមសេចក្ដីកំណត់កថាខ័ណ្ឌទី ២ និងទី ៤ មាត្រា ២៨ នៃច្បាប់ស្ដីពីអប់រំ ឆ្នាំ ២០១៩; សម្រេចជាស្ថាពរក្នុងខែសីហា ឆ្នាំ ២០២៣... ៕

ប្រភព៖ TTXVN - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ