វប្បធម៌-សិល្បៈ វប្បធម៌

17/04/2023 - 16:20

ព្រួតដៃអភិរក្សវប្បធម៌

យោងតាមសមាគមព្រះសង្ឃសាមគ្គីស្នេហាជាតិក្រុងកឹងធើ ក្រុងបានយកចិត្តទុកដាក់ជំនួយដល់ការជួសជុលផ្នែកសំណង់មួយចំនួននៅតាមវត្តពុទ្ធសាសនាខ្មែរ ដើម្បីបង្កលក្ខណសម្បត្តិឱ្យពុទ្ធបរិស័ទ មកធ្វើបុណ្យទានបានងាយស្រួល។

រាល់សកម្មភាពនិងការរួមចំណែកយ៉ាងសកម្មរបស់សមាគមព្រះសង្ឃសាមគ្គីស្នេហាជាតិក្រុងកឹងធើ តែងបានភូមិភាគ គណៈ ផ្នែកទទួលស្គាល់និងវាយតម្លៃខ្ពស់។

សព្វថ្ងៃ ក្រុងកឹងធើមានវត្តពុទ្ធសាសនាខ្មែរចំនួន ១២ និងវិទ្យាស្ថានមួយ។ វត្តឋិតនៅតាមខ័ណ្ឌ ស្រុកដែលមានជនរួមជាតិខ្មែររស់នៅកុះករ។ ខ័ណ្ឌនិញកេវ មានវត្តពិទូឃោសរង្សីនិងវត្តមុនីរង្សី។ ខណ្ឌអូរម៉ូង មានវត្តពោធិសំរោង, វត្តសង្វរពោធិញ្ញាណ និងវិទ្យាស្ថានពុទ្ធសាសនាខ្មែរ។ ស្រុកថើយឡាយ មានវត្តនារីវណ្ណ, វត្តសិរីវង្សា, វត្តអម្ពរវ័ន, វត្តព្រហ្មមុនីវង្សា និងវត្តភេសជ្ជវ័ន។ ស្រុកកើ-ដ មានវត្តមុនីឧត្តមរង្សីនិងវត្តសេតុត្តរ។ ស្រុកវិញថាញ មានវត្តសាមគ្គីមុនីមាស នៅភូមិវិញញឹង ឃុំវិញប៊ិញ។

តាមថេរដីកា ព្រះឧបជ្ឈាយ៍ម៉ាយសែ ប្រធានសមាគមព្រះសង្ឃសាមគ្គីស្នេហាជាតិក្រុងកឹងធើ វត្តពុទ្ធសាសនាខ្មែរលើភូមិសាស្រ្តត្រូវបានរដ្ឋឧបត្ថម្ភ និងពុទ្ធបរិស័ទរួមវិភាគទានទឹកប្រាក់ ដើម្បីជួសជុលបង្កើនកម្រិតយ៉ាងសមរម្យ បានជាមានភាពងាយស្រួលដល់ពុទ្ធបរិស័ទមកវត្ត ធ្វើបុណ្យសុន្ទរ៍ទាន និងសកម្មភាពសាសនាទៅតាមប្រពៃណីទំនៀមទម្លាប់អ្នកកាន់ព្រះពុទ្ធសាសនា។ អាស្រ័យមានមូលដ្ឋានសម្ភារៈសមរម្យ ទើបវត្តនានាបានសហការជាមួយនឹងរដ្ឋអំណាចភូមិភាគ និងគណៈ ផ្នែក ដើម្បីរួមគិតគូរដល់ការងារសុខុមាលភាពសង្គម សកម្មភាពសប្បុរសធម៌ អភិវឌ្ឍការអប់រំនិងអភិរក្សវប្បធម៌ប្រពៃណី។

សកម្មភាពកីឡាអាស្រ័យសមាគមព្រះសង្ឃសាមគ្គីស្នេហាជាតិក្រុងកឹងធើ សហការពិគ្រោះយោបល់រៀបចំឡើងនៅវិទ្យាស្ថានពុទ្ធសាសនាខ្មែរ។

តាមស្ថិតិរបស់សមាគមព្រះសង្ឃសាមគ្គីស្នេហាជាតិក្រុងកឹងធើ រយៈពេលកន្លង សមាគមបានសហការជាមួយនឹងមន្ទីរវប្បធម៌ កីឡា និងទេសចរណ៍ គណៈជនជាតិនិងអង្គភាពពាក់ព័ន្ធ រៀបចំសម្ដែងសិល្បៈមហាជននៅវិទ្យាស្ថានពុទ្ធសាសនាខ្មែរនិងទីវត្តអារាមនានា។ ព្រមជាមួយនោះ បន្តរក្សាការបើកបង្រៀនថ្នាក់ពុទ្ធិកសិក្សាបាលី-ខ្មែរ បើកបង្រៀនអក្សរខ្មែរ នាឱកាសវិស្សមកាលជូនកូនចៅពុទ្ធបរិស័ទខ្មែរ។ លោកចៅណាម នៅភូមិថើយហ្វា B ទីប្រជុំជនកើ-ដ ឱ្យដឹង៖ “ជំនាន់ខ្ញុំមិនបានរៀនសូត្រ ម្ល៉ោះហើយចេះត្រឹមតែភាសានិយាយ ប៉ុន្តែមិនចេះអាននិងមិនចេះសរសេរ។ ហេតុនោះ ពេលរដ្ឋអំណាចរៀបចំបង្រៀនអក្សរខ្មែរនៅតាមសាលារៀន ហើយព្រះសង្ឃបើកបង្រៀនអក្សរខ្មែរនាឱកាសវិស្សមកាលនៅតាមវត្តអារាមជូនកូនចៅជនរួមជាតិខ្មែរ ខ្ញុំត្រេកអរណាស់”។

តាមប្រសាសន៍ លោកគ្រូហ្វិញវ៉ាន់វ៉ាត់ ប្រធានការិយាល័យអប់រំនិងបណ្ដុះបណ្ដាលស្រុកកើ-ដ ដើម្បីបង្ហាត់បង្រៀនអក្សរខ្មែរមានប្រសិទ្ធភាពនោះ ផ្នែកអប់រំក្រុងនៅទាំងជ្រើសរើសគ្រូបង្រៀនដែលមានចំណេះដឹងខាងអក្សរសាស្រ្តខ្មែរដើម្បីទទួលបន្ទុកបង្រៀននៅតាមសាលាចំណេះទូទៅ។ ក្រៅពីនោះ នៅតាមភូមិសាស្រ្តដែលមានកុមារជនជាតិខ្មែរច្រើន សាលានៅទាំងរៀបចំបង្រៀនកម្មវិធីបង្កើនភាសាវៀតដល់ក្មួយៗ។ អ្នកគ្រូដាវធីធើ គ្រូបង្រៀនអក្សរខ្មែរ នៅសាលាបឋមសិក្សាទីប្រជុំកើ-ដ ឱ្យដឹង៖ “អាស្រ័យមានកម្មវិធីបង្កើនភាសាវៀត ទើបសិស្សានុសិស្សជនជាតិខ្មែរឆាប់យល់មេរៀន គ្រូបង្រៀនក៏មានភាពងាយស្រួលក្នុងការបង្រៀនដែរ”៕

ហាថាញ - ថាច់ធី

ចែករំលែកអត្ថបទ

ពាក្យគន្លឹះ