សុខភាព - អប់រំ សុខភាព

28/03/2023 - 08:52

ការបរិភោគចេកមានអត្ថប្រយោជន៍ដូចម្តេចសម្រាប់សុខភាព?

ចេកមិនត្រឹមតែជាចំណីអាហារបំបាត់ការឃ្លាន មានប្រសិទ្ធភាព ហើយក៏ជាវត្ថុធាតុដើមសម្រាប់ស្ងោរហូបមានរសជាតិឆ្ងាញ់ផងដែរ ក្រុមអ្នកជំនាញ ឱ្យដឹង៖ ប្រភេទផ្លែឈើដែលសម្បូរទៅដោយសារធាតុចិញ្ចឹមនេះ នៅទាំងបានវិទ្យាសាស្ត្រ បញ្ជាក់ថា ជួយបង្កើនសុខភាពទូទៅទៀតផង។

រូបជាឧទាហរណ៍។

ចេក - សម្បូរទៅដោយសារធាតុចិញ្ចឹម

ចេកមានសារធាតុកាឡូរីតិចតួច ប៉ុន្តែសម្បូរទៅដោយជាតិកាកសរសៃវីតាម៉ីន សារធាតុខនិជ និងសារធាតុសំខាន់ផ្សេងៗទៀតដែលប្រឆាំងទៅនឹងអុកស៊ីតកម្ម ដូច៖ សារធាតុ selen សារធាតុ choline វីតាម៉ីន A សារធាតុ folate វីតាម៉ីន B៦ សារធាតុស្ពាន់សារធាតុស័ង្កសី សារធាតុ carotene វីតាម៉ីន K និងសារធាតុ riboflavin។

អត្ថប្រយោជន៍របស់ចេកសម្រាប់សុខភាពត្រូវបានវិទ្យាសាស្ត្រទទួលស្គាល់

+ គ្រប់គ្រងសម្ពាធឈាមនិងកាត់បន្ថយហានិភ័យជំងឺបេះដូង។ តាមការស្រាវជ្រាវមួយចំនួន ឱ្យដឹង៖ ចេកផ្ទុកជាតិប៉ូតាស្យូមខ្ពស់ ប៉ុន្តែ ផ្ទុកជាតិសូឌីយ៉ូមទាប ម្ល៉ោះហើយជាការល្អសម្រាប់អ្នកដែលចង់កាត់បន្ថយសម្ពាធឈាម។ ប្រភេទផ្លែឈើនេះ ក៏មានផ្ទុកសារធាតុម៉ាញ៉េស្យូមច្រើន ដែលមានប្រសិទ្ធភាពសម្រួលសម្ពាធឈាមនិងកាត់បន្ថយហានិភ័យនៃជំងឺបេះដូងផងដែរ។

+គ្រប់គ្រងជាតិស្ករក្នុងឈាមចេកមានសន្ទស្សន៍ជាតិស្ករក្នុងចំណីអាហារទាប ម្ល៉ោះហើយទទួលទានចេក អាចនឹងជួយសម្រួលជាតិស្ករ ក្នុងឈាមនិងកាត់បន្ថយហានិភ័យជំងឺទឹកនោមផ្អែមប្រភេទ២។

+កាត់បន្ថយកោសិកាដើមមិនល្អនិងកាត់បន្ថយការរលាក។ ចេកមានផ្ទុកសារធាតុសំខាន់ៗជាច្រើន ដែលប្រឆាំងទៅនឹងអុកស៊ីតកម្ម ដើម្បីបង្ការរបួសស្នាមកោសិកាដែលបណ្តាលមកពីកោសិកាដើម។ គុណប្រយោជន៍ទាំងនេះមានសារៈសំខាន់ណាស់ ព្រោះកន្លងតាមពេលវេលាស្ថានភាពផ្តុំកោសិកាមិនល្អក្នុងសរីរកាយអាចបណ្តាលឱ្យរលាកឬកើតជំងឺរុាំរ៉ៃ។ ចេកក៏មានផ្ទុកសមាសធាតុដែលប្រឆាំងនឹងការរលាកពីធម្មជាតិ ដូច៖ សារធាតុ catechin និងសារធាតុ dopamine។

+ជំនួយចលនានៃពោះវៀន។ ឧត្តមភាពដែលសម្បូរទៅដោយជាតិកាកសរសៃនៃផ្លែចេកជួយជំរុញចលនានៃពោះវៀនបានស្រួលល្អ។ ពិសេស ចេកទុំឬចេកខ្ចីតែងមានផ្ទុកជាតិ pectin ជាប្រភេទជាតិកាកសរសៃជំនួយដល់ការបន្ទោរបង់ដោយវិធីសម្រួលលាមកនិងទប់ស្កាត់ការទល់លាមក។

+បង្កើនសុខភាពផ្លូវពោះវៀន។ ចេកគឺជាប្រភពសារធាតុចិញ្ចឹមដ៏អស្ចារ្យសម្រាប់សុខភាពរំលាយអាហារទូទៅ។ ឆ្លងតាមរយៈនោះ ចេកខ្ចីសម្បូរទៅដោយជាតិម្សៅប្រឆាំងប្រភេទជាតិ កាកសរសៃ prebiotic បំប៉នបាក់តេរីដែលមានប្រយោជន៍ក្នុងពោះវៀនផងដែរ។ មានការស្រាវជ្រាវមួយចំនួនបញ្ជាក់ឱ្យឃើញ៖ ការទទួលទានចេក ២ ដង/ថ្ងៃ មុនពេលទទួលទានបាយ អាចជួយកាត់បន្ថយការទល់ខ្យល់ដោយសារ ក្នុងផ្លែចេកសម្បូរទៅដោយជាតិប៉ូតាស្យូម ជួយកាត់បន្ថយការផ្ទុកជាតិទឹកនិងបង្កើនបាក់តេរីប្រឆាំងទៅនឹងការទល់ខ្យល់ក្នុងពោះវៀន។

+ជួយបង្កើនសាច់ដុំនិងសម្រួលសុខភាពឡើងវិញក្រោយពីហាត់ប្រាណ។ សារធាតុរ៉ែ ប៉ូតាស្យូមក្នុងផ្លែចេក អាចនឹងរំលាយទៅជាអ៊ីយ៉ុង។ ខណៈពេលប៉ះជាតិទឹកឬវត្ថុរាវក្នុងរាងកាយ ចំនួនអ៊ីយ៉ុងទាំងនេះ បញ្ជូនសារធាតុចិញ្ចឹមទៅក្នុងកោសិកា ដើម្បីបញ្ចេញជាតិកាកសំណល់ចេញពីកោសិកា និងជួយប្រព័ន្ធសរសៃប្រសាទ សាច់ដុំ បេះដូងដំណើរការមានប្រសិទ្ធភាព-បើតាមវិទ្យាស្ថានមហារីកថ្នាក់ជាតិ NIH បានឱ្យដឹងដូច្នេះ។

ចេកថែមទាំងជាចំណីអាហារសម្រន់ម្យ៉ាង សម្រាប់កីឡាករនិងអ្នកហាត់ប្រាណ ពីព្រោះជួយបំប៉នជាតិអេឡិចត្រូលីត ដែលបាត់បង់តាមរយៈការបើកញើស កាត់បន្ថយហានិភ័យរមួលក្រពើក្រោយពីហាត់ប្រាណ។ តាមការសិក្សាស្រាវជ្រាវបានបង្ហាញឱ្យឃើញជាតិម៉ាញ៉េស្យូមក្នុងចេកជួយសម្រួលដល់សាច់ដុំ លម្ហែនិងសំយោគប្រូតេអ៊ីន មានប្រយោជន៍ល្អសម្រាប់បង្កើតសាច់ដុំ។

+បង្កើនថាមពលនិងជួយសម្រកទម្ងន់។ ចេកមានផ្ទុកប្រភេទស្ករពីធម្មជាតិជាច្រើន ដូច៖ សារធាតុ glucose, fructose និង sucrose ម្ល៉ោះហើយអាចនឹងជួយបង្កើនថាមពលបានឆាប់រហ័ស។ ការស្រាវជ្រាវបានបង្ហាញឱ្យឃើញ៖ ជាតិម៉ាញ៉េស្យូមក្នុងចេក អាចនឹងបង្កើនសមត្ថភាពផ្គត់ផ្គង់ថាមពលធម្មជាតិ ពីព្រោះសារធាតុទាំងនេះជំនួយមុខងារបំប្លែងថាមពលដែលមានគុណប្រយោជន៍ ទន្ទឹមនឹងនោះ ជំរុញដំណើរការប្ដូរសារធាតុខ្លាញ់ក្នុងខ្លួនទៅជាថាមពល។

+សម្រួលអារម្មណ៍និងការសម្រាន្ត។ ចេកផ្ទុកសារធាតុ tryptophan និងអាស៊ីតអាមីនមួយចំនួន អាចនឹងជួយបង្កើនសតិអារម្មណ៍និង កាត់បន្ថយអាការៈបាក់ទឹកចិត្ត។ ការស្រាវជ្រាវបញ្ជាក់ឱ្យឃើញ៖ ការប្រើប្រាស់ម៉ាញ៉េស្យូមជួយសម្រួលដល់មុខងារយល់ដឹង ក៏ដូចជាគុណភាពសម្រាន្ត។ ជាពិសេស ចេកផ្គត់ផ្គង់បរិមាណជាតិម៉ាញ៉េស្យូមប្រមាណ ៨% គប្បីបំប៉នជារៀងរាល់ថ្ងៃ។

+ធ្វើឱ្យប្រសើរឡើងមុខងារក្រលៀន។ ការសិក្សាស្រាវជ្រាវបានបញ្ជាក់៖ ការស្រូបយកជាតិប៉ូតាស្យូមក្នុងរបបទទួលទាន ដូចជាហូបចេករៀងរាល់ថ្ងៃ អាចនឹងជួយរក្សាសុខភាពក្រលៀន និងជួយកាត់បន្ថយហានិភ័យកើតជំងឺក្រលៀនរុាំរ៉ៃ៕

កាសែតកឹងធើ - ប្រែប្រួល៖ លីសៀ

ចែករំលែកអត្ថបទ

ពាក្យគន្លឹះ