មហាសាមគ្គីជនជាតិ គំរូក្នុងសហគមន៍

28/03/2023 - 08:52

កម្មាភិបាលសម្ព័ន្ធយុវជនឈានមុខបរិច្ចាគឈាមស្ម័គ្រចិត្ត

បងង្វៀងថាញផុង លេខាសម្ព័ន្ធយុវជនឃុំថាញភូ ស្រុកមីស្វៀង ខេត្តសុកត្រាំង ជាកម្មាភិបាល សម្ព័ន្ធយុវជនគំរូក្នុងចលនាបរិច្ចាគឈាមស្ម័គ្រចិត្ត។

ង្វៀងថាញ់ផុង លេខាសម្ព័ន្ធយុវជនឃុំថាញភូ ចូលរួមបរិច្ចាគឈាមស្ម័គ្រចិត្ត។

កាលនៅជាសិស្សអង្គុយក្នុងសាលាថាញ់ផុង បានសកម្មចូលរួមនឹងសកម្មភាពសម្ព័ន្ធយុវជន ក្រោយប្រឡងបញ្ចប់សញ្ញាប័ត្រមធ្យមសិក្សាលេខាការិយាល័យ បងបានចូលបម្រើការងារនៅឃុំថាញភូ ជាមួយនឹងភ្នាក់ងារនគរបាល។ ឆ្នាំ ២០១២ បងផុង បានទំនុកចិត្តបោះឆ្នោតជាអនុលេខាសម្ព័ន្ធយុវជនឃុំថាញភូ ហើយឆ្នាំ ២០២១ ធ្វើជាលេខាសម្ព័ន្ធយុវជនឃុំថាញភូរហូតមកទល់សព្វថ្ងៃ។

ជាមួយនឹងភាពរវៀសរវៃនៃយុវវ័យ បងផុងបានរួមចំណែកធ្វើឱ្យមានភាពវិវឌ្ឍជាក់ស្ដែងក្នុងគុណភាពសកម្មភាពសម្ព័ន្ធយុវជននៅភូមិភាគ។ ជាពិសេស គឺបងតែងអស់ពីចិត្តពីថ្លើម កៀរគរសម្ព័ន្ធយុវជនចូលរួមបរិច្ចាគឈាមស្ម័គ្រចិត្ត។ ដើម្បីធ្វើជាគំរូ បងបានបរិច្ចាគឈាមចំនួន ២៦ លើក។ ជាមួយនឹងការឈានមុខដូច្នេះ និងរួមជាមួយការកៀរគរ ផ្សព្វផ្សាយយ៉ាងសកម្មរបស់បង មានសម្ព័ន្ធយុវជនឃុំជាច្រើនបានឃើញច្បាស់ពីទង្វើថ្លៃថ្នូរនៃការបរិច្ចាគឈាមជួយសង្រ្គោះមនុស្ស។ រៀងរាល់ឆ្នាំ សម្ព័ន្ធយុវជនឃុំថាញភូ មានសម្ព័ន្ធយុវជនចូលរួមបរិច្ចាគឈាមជាង ៦០ នាក់ ក្នុងនោះ មានសម្ព័ន្ធយុវជនប្រមាណ ១០ នាក់ដែលធ្លាប់ចូលរួមបរិច្ចាគឈាមជាង ១០ លើកឡើង។ បងផុង ឱ្យដឹង៖ “ខ្ញុំដឹងដែរថា “តំណក់ឈាមដែលបានបរិច្ចាគជីវិតមនុស្សម្នាក់បានរស់ឡើងវិញ” ម្ល៉ោះហើយសង្ឃឹមថា តំណក់ឈាមរបស់ខ្ញុំអាចជួយសង្រ្គោះដល់អ្នកជំងឺ ដែលកំពុងត្រូវការឈាមដើម្បីជួយឱ្យគាត់ឆាប់ជាសះស្បើយ វិលត្រឡប់មកជាមួយគ្រួសារ។ ពេលបរិច្ចាគឈាមរួច ខ្ញុំពិនិត្យឃើញសុខភាពដូចជាធម្មតា ហើយថែមទាំងសង្រ្គោះបានមនុស្ស ព្រោះហេតុនោះ ខ្ញុំតែងតែចូលរួមបរិច្ចាគឈាម និងគៀរគរសាច់ញាតិ សម្ព័ន្ធយុវជនសកម្មចូលរួម”។

ទន្ទឹមនឹងនោះ បងផុងនៅទាំងជំរុញការអប់រំ នយោបាយនិងសីលធម៌រស់នៅដល់សម្ព័ន្ធយុវជនទៀតផង។ ទន្ទឹមនឹងនោះ សកម្មផ្សព្វផ្សាយ ប្រជុំជីវភាពបធានបទ ស្ដីពីរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ; រៀបចំប្រឡងនិទានរឿងអំពីអ៊ំហូ ច្រៀងបទចម្រៀងអំពីអ៊ំហូ ប្រឡងស្វែងយល់អំពីជីវិត បុព្វហេតុរបស់អ៊ំហូ។ល។ ឆ្លងតាមរយៈនោះ ធ្វើឱ្យមានការយល់ដឹងនិងភ្ញាក់រលឹកក្នុងការបំពាក់បំប៉ន លត់ដំរបស់សម្ព័ន្ធយុវជន។ ក្រៅពីនោះ បងផុង សកម្មកៀរគរសប្បុរសជនឧបត្ថម្ភប្រាក់ព្យាបាលជំងឺដល់សម្ព័ន្ធយុវជនក្រីក្រ ជូនអំណោយ ជូនអង្ករ។ល។ ដល់គ្រួសារសម្ព័ន្ធយុវជនដែលមានស្ថានភាពលំបាក។ ទន្ទឹមនឹងនោះ សកម្មឧបត្ថម្ភបុលទុន ពូជសត្វចិញ្ចឹម ពូជដំណាំ ឧទ្ទេសនាមការងារធ្វើ។ល។ ដល់សម្ព័ន្ធយុវជនខ្មែរ អភិវឌ្ឍសេដ្ឋកិច្ចឈានឡើងក្នុងជីវភាព។

ឆ្នាំ ២០២២ បងផុង ទទួលបានប័ណ្ណសរសើររបស់គណៈកម្មាធិការប្រជាជនខេត្ត និងលិខិតសរសើរជាច្រើនទៀតរបស់សម្ព័ន្ធយុវជនស្រុកមីស្វៀង សមាគមកាកបាទក្រហមខេត្តសុកត្រាំង ដោយមានស្នាដៃឆ្នើមក្នុងចលនាបរិច្ចាគឈាមស្ម័គ្រចិត្ត។ បងផុង រ៉ាយរ៉ាប់៖ “បរិច្ចាគឈាម គឺដើម្បីសង្រ្គោះមនុស្ស ម្ល៉ោះហើយ ខ្ញុំនឹងបន្តបរិច្ចាគឈាមរហូតដល់ពេលណាសុខភាពមិនអនុញ្ញាតទើបឈប់។ ក្រៅពីកៀរគរសម្ព័ន្ធយុវជនបរិច្ចាគឈាម ខ្ញុំនឹងបន្តកៀរគរសាច់ញាតិ មិត្តភ័ក្ដិចូលរួមបរិច្ចាគឈាមស្ម័គ្រចិត្ត”៕

យ្វីអាញ់-ថាច់ធី

ចែករំលែកអត្ថបទ

ពាក្យគន្លឹះ