សុខភាព - អប់រំ អប់រំ

14/03/2023 - 09:20

វិស័យអប់រំនៅវាលរាបទន្លេគឺវឡុង បានចាកផុតពីតំបន់ទំនាប

ថ្លែងការណ៍ក្នុងសន្និសីទ “អភិវឌ្ឍវិស័យអប់រំនិងបណ្តុះបណ្តាលតំបន់វាលរាបទន្លេគឺវឡុង ដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥; ផ្សព្វផ្សាយសេចក្តីសម្រេចចិត្តលេខ ១៣ ឆ្នាំ ២០២២ របស់ការិយាល័យនយោបាយ ស្តីពីទិសដៅអភិវឌ្ឍសេដ្ឋកិច្ច-សង្គម ធានាការពារប្រទេស សន្តិសុខតំបន់វាលរាបទន្លេគឺវឡុងដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥” ទើបធ្វើឡើងនៅក្រុងកឹងធើ រដ្ឋមន្ត្រីក្រសួងអប់រំនិងបណ្តុះបណ្តាល ង្វៀងកីមសើុង បានអំណះអំណាងថា វិស័យអប់រំនៅវាលរាបទន្លេគឺវឡុងបានចាកផុតពីតំបន់ទំនាប។

លក្ខណៈរៀនសូត្ររបស់សិស្សនៅវាលរាបទន្លេគឺវឡុងមានការផ្លាស់ថ្មីច្រើន។
រូប៖ សិស្សានុសិស្សអនុវិទ្យាល័យដុងហ៊ីប ស្រុកកើ-ដ ក្រុងកឹងធើ លេងកម្សាន្ត
នៅទីធ្លាសាលាសម្រេចបទដ្ឋានជាតិ។ រូបថតៈ លីយ៉ាង

បញ្ជាក់នូវសេចក្ដីសន្និដ្ឋានខាងលើ រដ្ឋមន្ត្រី ង្វៀងកីមសើុង ឱ្យដឹង លទ្ធផលអនុវត្តភាគកម្រិត ទិសដៅ ភារកិច្ច យុទ្ធសាស្រ្តអភិវឌ្ឍវិស័យអប់រំនិងបណ្តុះបណ្តាលនៅវាលរាបទន្លេគឺវឡុង ក្នុងរយៈពេល ១០ ឆ្នាំកន្លងមានជំហានវិវឌ្ឍន៍ច្រើនអំពីការកៀកជិតអប់រំ; លក្ខណៈធានាគុណភាពអប់រំនិងបណ្តុះបណ្តាល ក៏ដូចជាគុណភាពអប់រំនិងបណ្តុះបណ្តាលនៅរាល់កម្រិតសិក្សាផងដែរ។ល។ ផ្តើមពីនោះ ឃើញថាមានសន្ទស្សន៍ជាច្រើនកើនខ្ពស់បើប្រៀបជាមួយនឹងដំណាក់កាលមុន បង្ខិតជិតនិងសម្រេចលើសកម្រិតមធ្យមភាគរួម ក្នុងទូទាំងប្រទេស។ល។ ក្នុងនោះ ទ្រង់ទ្រាយ បណ្តុះបណ្តាលកម្រិតមហាវិទ្យាល័យក៏កើនឡើង បច្ចុប្បន្ន ទូទាំងតំបន់មានមហាវិទ្យាល័យចំនួន ១៦ និងសាខាមហាវិទ្យាល័យចំនួន ៦។ គ្រឹះស្ថានអប់រំទាំងនេះ ទទួលបន្ទុកបណ្តុះបណ្តាលនិស្សិត ៨០% នៅតំបន់វាលរាបទន្លេគឺវឡុង។ ចំនួនមហាវិទ្យាល័យ សាខាមហាវិទ្យាល័យកើនឡើង ញុាំងឱ្យបរិមាណនិស្សិតនៅវាលរាបទន្លេគឺវឡុងកើនឡើង តាំងពីជិត ៤២.៥០០ នាក់ឡើងដល់ជាង ១៤៩.៧០០ នាក់។ ឆ្នាំសិក្សា ២០១០-២០១១ ទូទាំងតំបន់មានសាលាមត្តេយ្យចំនួន ១.៦៨៧ មានកុមារចូលរៀន ៥១៧.៥១៥ នាក់ ដល់ឆ្នាំសិក្សា ២០១៩-២០២០ ទូទាំងតំបន់មានគ្រឹះស្ថានអប់រំចំនួន ២.០២២ មានកុមារចូលរៀន ៥៨៤.០៩៩ នាក់។ ឯកម្រិតសិក្សាដទៃទៀត ក៏មានការផ្លាស់ប្តូរច្រើនអំពីមូលដ្ឋានសម្ភារៈ បន្ទប់សាលារៀនផងដែរ។ បើប្រៀបនឹងកាលពី ១០ ឆ្នាំមុន ចំនួនសាលាជនជាតិអន្តេវាសិកកើនបន្ថែម ៩ បច្ចុប្បន្ន ទូទាំងតំបន់មានសាសាជនជាតិអន្តេវាសិកចំនួន ៣៤ អាចឆ្លើយតបទៅនឹងតម្រូវការរៀនសូត្ររបស់សិស្សជនជាតិភាគតិច។

ថ្វីដ្បិតដូច្នោះក្តី អត្រានិស្សិតមហាវិទ្យាល័យ អនុមហាវិទ្យាល័យលើចំនួនប្រជាជន សរុបនៅវាលរាបទន្លេគឺវឡុង សម្រេចបានត្រឹមតែ ៨,៨%។ ចំណែកនៅតំបន់ភូមិភាគកណ្ដាល ប៉ែកខាងជើង និងតំបន់មាត់សមុទ្រភូមិភាគកណ្តាល សម្រេចអត្រា ១៤,២% នៅវាលរាបទន្លេហុង មានអត្រា ៤០,៩% និងនៅភូមិភាគខាងត្បូងប៉ែកខាងកើត មានអត្រា ៣០,២%។ ប្រការនេះ ក៏ញុាំងឱ្យអត្រាពលករដែលបានឆ្លងកាត់ការបណ្តុះបណ្តាលមានត្រឹមតែ ១៤,៩% និងសមាមាត្រកម្លាំងពលករមានកម្រិតវិជ្ជាមហាវិទ្យាល័យឡើងទៅត្រឹម ៦,៨% ទាបបំផុតក្នុងទូទាំងប្រទេស។

នៅក្នុងសន្និសីទ ក្រសួងអប់រំនិងបណ្តុះបណ្តាល ក៏បានសំណូមពរដល់ខេត្ត ក្រុងតំបន់វាលរាបទន្លេគឺវឡុង បន្តបង្កើនទ្រង់ទ្រាយ បណ្តុះបណ្តាលមហាវិទ្យាល័យឱ្យសម្រេច ស្មើកម្រិតមធ្យមភាគក្នុងទូទាំងប្រទេស គឺមាននិស្សិត ២៦០ នាក់/ប្រជាជនមួយម៉ឺននាក់។ ទន្ទឹមនឹងនោះ ជំរុញការបណ្តុះបណ្តាលប្រភពធនធានមនុស្សមានកម្រិតវិជ្ជាខ្ពស់ ផ្តុំកម្លាំងវិនិយោគកសាងនិងអភិវឌ្ឍសាកលវិទ្យាល័យកឹងធើ ឱ្យក្លាយទៅជាមជ្ឈមណ្ឌលមួយក្នុងចំណោមមជ្ឈមណ្ឌលបណ្តុះបណ្តាលធំរបស់តំបន់ និងទូទាំងប្រទេស អំពីការអប់រំមហាវិទ្យាល័យ បណ្តុះបណ្តាលពហុផ្នែក ពហុវិស័យ មានគុណភាពខ្ពស់ជាដើម៕

ហាថាញ-វិមាន

ចែករំលែកអត្ថបទ

ពាក្យគន្លឹះ