សុខភាព - អប់រំ សុខភាព

27/02/2023 - 16:42

ផលប្រយោជន៍នៃការចូលរួមធានារ៉ាប់រងសុខាភិបាល

រយៈពេលកន្លង ឃុំលឿងហ្វា ស្រុកចូវថាញ់ ខេត្តត្រាវិញ តែងអនុវត្តល្អនូវការងារឃោសនា កៀរគរប្រជាជនស្ម័គ្រចិត្តចូលរួមធានារ៉ាប់រងសុខាភិបាល។

ប្រជាជនមកពិនិត្យព្យាបាលជំងឺដោយប្រើប្រាស់ធានារ៉ាប់រងសុខាភិបាលនៅ
ដំណាក់សុខាភិបាលឃុំលឿងហ្វា។

លោកថាច់សិរីសុខាវឌ្ឍន៍ ប្រធានដំណាក់សុខាភិបាលឃុំលឿងហ្វា ឱ្យដឹង៖ ធានារ៉ាប់រងសុខាភិបាល គឺជារូបភាពធានារ៉ាបរងត្រូវបានអនុវត្តក្នុងការថែទាំសុខភាព មិនមែនសំដៅរកប្រាក់ចំណេញ អាស្រ័យរដ្ឋរៀបចំអនុវត្ត ហើយមុខសញ្ញាទាំងឡាយមានករណីយកិច្ចចូលរួមតាមសេចក្ដីកំណត់នៃច្បាប់ស្ដីពីធានារ៉ាប់រង។ រៀងរាល់ឆ្នាំ គណៈកម្មាធិការបក្ស គណៈកម្មាធិការប្រជាជនឃុំ ចង្អុលការដំណាក់សុខាភិបាលឃុំ កសាងផែនការនិងសហការជាមួយនឹងអង្គការនយោបាយ-សង្គម កៀរគរប្រជាជនចូលរួមទិញធានារ៉ាប់រងសុខាភិបាល។ ចំនួនប្រជាជននៅឃុំលឿងហ្វានាបច្ចុប្បន្នមាន ១១.៤០៨ នាក់ ក្នុងនោះ ជនជាតិខ្មែរមានប្រមាណ ៥.៩០២ នាក់ ស្រូបអត្រា ៥២%។ អាស្រ័យអនុវត្តល្អនូវការងារឃោសនាកៀរគរប្រជាជនចូលរួមធានារ៉ាប់រងសុខាភិបាល សព្វថ្ងៃ អត្រាប្រជាជនទូទាំងឃុំ ចូលរួមធានារ៉ាប់រងសុខាភិបាលសម្រេចជាង ៧៦%។

លោកសើុងសាយ នៅភូមិពន្លាជ័យ ឱ្យដឹង៖ “ខ្ញុំកើតជំងឺបេះដូងច្រើនឆ្នាំមកហើយ អាស្រ័យមានធានារ៉ាប់រងសុខាភិបាល ទើបកាត់បន្ថយបានប្រាក់ចំណាយលើការទិញថ្នាំរៀងរាល់ខែ។ ក្រៅពីនោះ ដោយវ័យចាស់ សុខភាពមួយថ្ងៃកាត់មួយថ្ងៃកោរ ម្ល៉ោះហើយពេលទៅពិនិត្យជំងឺប្រើធានារ៉ាប់រងសុខាភិបាល ទើបមិនសូវបង់លុយកាក់។ ដូច្នោះនៅពេលធានារ៉ាប់រងសុខាភិបាលផុតកំណត់ ខ្ញុំម្ចាស់ការដាក់ពាក្យទិញបន្តសម្រាប់ខ្លួននិងសមាជិកក្នុងគ្រួសារ”។ លោកថាច់ង៉ុកហៀង នៅភូមិបត់ចេក ឱ្យដឹង៖ “ខ្ញុំមានជំងឺលើសឈាមច្រើនឆ្នាំមកហើយ ម្ល៉ោះហើយបង់ខាត់ប្រាក់យ៉ាងច្រើនសម្រាប់ការព្យាបាល។ ចាប់តាំងពីផ្នែកសុខាភិបាល រដ្ឋអំណាចភូមិភាគឃោសនាកៀរគរទិញធានារ៉ាប់រងសុខាភិបាល ខ្ញុំបានទិញធានារ៉ាប់រងសុខាភិបាលអស់រយៈពេល ៤ ឆ្នាំបន្តបន្ទាប់។ មានធានារ៉ាប់រងសុខាភិបាល ពេលឈឺថ្កាត់ម្ដងៗ ខ្ញុំទៅកាន់មជ្ឈមណ្ឌលសុខាភិបាលស្រុកចូវថាញ់ពិនិត្យជំងឺ ហើយយកថ្នាំលេប។ ខ្ញុំស្ងប់អារម្មណ៍ ពីព្រោះមិនបារម្ភពីការចំណាយសម្រាប់ពិនិត្យ ព្យាបាលជំងឺ”។

ដើម្បីបង្កើនការងារកៀរគរប្រជាជនទិញធានារ៉ាប់រងសុខាភិបាល ធានាការថែទាំ ការពារសុខភាពជូនប្រជាជន សុខុមាលភាពសង្គម ឆ្នាំ ២០២៣ គណៈកម្មាធិការបក្ស រដ្ឋអំណាច ដំណាក់សុខាភិបាលឃុំលឿងហ្វា តែងផ្ដោតការយកចិត្តទុកដាក់សំខាន់ ហើយចាត់ទុកថា នេះជាភារកិច្ចសំខាន់មួយក្នុងចំណោមភារកិច្ចសំខាន់ៗជាច្រើនទៀត។ ដំណាក់សុខាភិបាលឃុំ បានសហការជាមួយគ្រប់ថ្នាក់ គ្រប់ផ្នែក និងអង្គការមហាជន បង្កើនការងារឃោសនា សំដៅលើកកម្ពស់ស្មារតីជូនប្រជាជន អំពីផលប្រយោជន៍នៃការចូលរួមធានារ៉ាប់រងសុខាភិបាល; បង្កភាពងាយស្រួលជូនប្រជាជនពេលចុះឈ្មោះចូលរួមធានារ៉ាប់រងសុខាភិបាល។ កសាងកងជួរគ្រូពេទ្យ វេជ្ជបណ្ឌិតមានកម្រិតវិជ្ជាជីវៈខ្ពស់ ដើម្បីទាក់ទាញប្រជាជនមកពិនិត្យ ព្យាបាលជំងឺដោយប្រើធានារ៉ាប់រងសុខាភិបាលនៅមូលដ្ឋាន រួមចំណែកជំរុញការអនុវត្តនូវទិសដៅធានារ៉ាប់រងសុខាភិបាលទូទាំងប្រជាជន៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ