ព្រឹត្តិការណ៍ - នយោបាយ ព្រឹត្តិការណ៍

13/02/2023 - 16:04

សុកត្រាំងៈ

ផ្តើមដំណើរការកសាងស្ពានជនបទតំបន់ជនរួមជាតិខ្មែរ

នៅឃុំភូតឹម ស្រុកចូវថាញ់ ខេត្តសុកត្រាំង ទើបធ្វើពិធីដំណើរការកសាងស្ពានបាង៉ូវ គិតជាទឹកប្រាក់ចំនួន ១ ពាន់លានដុង អាស្រ័យក្លិបអចលនាទ្រព្យវៀតណាម -ក្រុមហ៊ុនភាគហ៊ុន មាសប្រាក់ត្បូងថ្មបេនថាញ់ឧបត្ថម្ភ។ ស្ពានមានប្រវែងបណ្តោយ ៤៨ ម៉ែត្រ ទទឹង ៣,៨ ម៉ែត្រ ចំណុះ ៣,៥ តោន តភ្ជាប់ឃុំចំនួន២ គឺឃុំភូតឹមនិងភូតឹង ចំណុះស្រុកចូវថាញ់ កន្លែងមានជនរួមជាតិខ្មែររស់នៅកុះករ។ តាមការគ្រោងទុក ស្ពានកសាងរួចរាល់និងដាក់ឱ្យប្រើប្រាស់នៅចុងឆ្នាំ ២០២៣ ។

ពិធីផ្តើមដំណើរការកសាងស្ពានបាង៉ូវ។

ស្ពានបាង៉ូវ ស្ថិតក្នុងកម្មវិធីសប្បុរសធម៌សាងសង់ស្ពានចំនួន ១០០ បម្រើជីវភាពប្រជាជន (ស្ពាននីមួយៗ គិតជាទឹកប្រាក់ ១ ពាន់លានដុង) អាស្រ័យក្លិបអចលនាទ្រព្យវៀតណាម-ក្រុមហ៊ុនភាគហ៊ុនមាសប្រាក់ត្បូងថ្មបេនថាញ់ឧបត្ថម្ភ ផ្តើមពីការអំពាវនាវរបស់សមមិត្ត ត្រឿងហ្វាប៊ិញ អតីតសមាជិកការិយាល័យនយោបាយ អតីតឧបនាយករដ្ឋមន្ត្រីប្រចាំការរដ្ឋាភិបាល។

ស្របក្នុងឱកាសនេះដែរ ក្លិបអចលនាទ្រព្យវៀតណាម ជូនអំណោយ ៥០ ចំណែក គិតជាទឹកប្រាក់ ៥០ លានដុង ដល់គ្រួសារជនរួមជាតិខ្មែរ គ្រួសារដែលមានស្ថានភាពក្រលំបាកនៅស្រុកចូវថាញ់៕

យ្វីអាញ់-មុនី

ចែករំលែកអត្ថបទ

ពាក្យគន្លឹះ