សុខភាព - អប់រំ សុខភាព

06/02/2023 - 14:55

បច្ចេកទេសថ្មីៗត្រូវបានអនុវត្តមានប្រសិទ្ធភាពក្នុងការព្យាបាលជំងឺ

វេជ្ជបណ្ឌិតមន្ទីរពេទ្យពហុព្យាបាលខេត្តសុកត្រាំង វះកាត់ផ្លាស់សន្លាក់ជង្គង់ទាំងស្រុងជូនអ្នកជំងឺ។

មន្ទីរពេទ្យនានានៅខេត្តសុកត្រាំង កំពុងអនុវត្តនូវបច្ចេកទេសខ្ពស់ ជំនាញក្នុងការព្យាបាលជំងឺមានប្រសិទ្ធភាពជាសន្សឹមៗបង្កបានទំនុកចិត្តចំពោះប្រជាជន។

តាមប្រសាសន៍វេជ្ជបណ្ឌិតឯកទេស II ឌាំងមិញហៀង នាយកមន្ទីរពេទ្យពហុព្យាបាលខេត្តសុកត្រាំង ឆ្នាំ២០២២ ផ្នែកសុខាភិបាលខេត្ត បានផ្តោតការយកចិត្តទុកដាក់វិនិយោគឧបករណ៍ទំនើប បណ្តុះបណ្តាលឯកទេស ម្ល៉ោះហើយសកម្មភាពពិនិត្យព្យាបាលជំងឺសម្រេចលើសផែនការដាក់ចេញ។ មន្ទីរពេទ្យបានធ្វើម្ចាស់លើច្ចេកទេសខ្ពស់ ជំនាញ ក្នុងការព្យាបាលជំងឺ ជួយសង្គ្រោះអ្នកជំងឺឈឺធ្ងន់ជាច្រើនករណី ដូចជា៖ ធ្វើការសង្គ្រោះបន្ទាន់ករណីដាច់សរសៃឈាមខួរក្បាលស្រួចស្រាវ គាំងបេះដូងស្រួចស្រាវ បាក់ឆ្អឹងភ្លៅ និងផ្លាស់សន្លាក់ត្រគាកជាដើម។ ឆ្លងតាមរយៈនោះ ជាសន្សឹមៗអំណះអំណាងបាននូវតួនាទីដ៏សំខាន់របស់មន្ទីរពេទ្យនិងផ្ដល់ទំនុកចិត្តកាន់តែខ្លាំងដល់ប្រជាជន។ ក្រៅពីនោះ មន្ទីរពេទ្យកំពុងអនុវត្តបច្ចេកទេសធ្វើអន្តរាគមន៍ត្បៀតសរសៃឈាម ដោយការជំនួយពីមន្ទីរពេទ្យមហាវិទ្យាល័យឱសថសាស្រ្តក្រុងហូជីមិញ។ នេះជាបច្ចេកទេសមួយដ៏សំខាន់ និងចាំបាច់ចំពោះការព្យាបាលជំងឺត្បៀតសរសៃឈាម។ ពិសេសដំបៅរលួយអវយវៈ បណ្តាលមកពីជំងឺទឹកនោមផ្អែម ដែលច្រើនតែជួបប្រទះនៅមន្ទីរពេទ្យ។ បច្ចេកទេសនេះ គឺអនុវត្តនូវវិធីសាស្រ្តព្យាបាលបែបទំនើប និងកាត់បន្ថយបានការកាត់អវយវៈ បណ្តាលឱ្យពិការអស់មួយជីវិត។

ឆ្នាំ២០២២ មន្ទីរពេទ្យឯកទេសសម្ភព- កុមារ សុកត្រាំងទទួលវិធីសាស្រ្តព្យាបាលភាពគ្មាន កូនដោយផ្តល់កំណើតបែបសិប្បនិម្មិត ឬហៅថាការចាក់បញ្ចូលមេជីវិតឈ្មោលក្នុងស្បូន (IUI) ជូនប្តីប្រពន្ធដែលអសមត្ថភាពមានគ៌ភ។ វេជ្ជបណ្ឌិតឯកទេសII ឡេធីអាញ់ធឺ នាយករង មន្ទីរពេទ្យឯកទេសសម្ភព-កុមារខេត្តសុកត្រាំង ឱ្យដឹង៖ “មកទល់ពេលនេះ មន្ទីរពេទ្យបានធ្វើការព្យាបាលភាពគ្មានកូនជូនប្តីប្រពន្ធជាច្រើន ដែលអសមត្ថភាពមានគ៌ភ ដោយប្រើបច្ចេកទេសចាក់បញ្ចូលមេជីវិតឈ្មោលក្នុងស្បូន (IUI) ជាមួយនឹងអត្រាជោគជ័យជាង ៧០%។ ឆ្លងតាមរយៈនោះ បានឆ្លើយតបនឹងតម្រូវការនិងគោលបំណងព្យាបាលភាពគ្មានកូនរបស់ប្តីប្រពន្ធ ដែលរស់នៅលើភូមិសាស្រ្តខេត្ត ជួយកាត់បន្ថយការបង់ខាតប្រាក់កាស ពេលវេលា កម្លាំងកាយ និងមិនបាច់ឡើងទៅមន្ទីរពេទ្យថ្នាក់លើ។ ក្រៅពីនោះ មន្ទីរពេទ្យបានបើកបន្ទប់សម្ភពសេវាកម្មសម្រាប់សាច់ញាតិចូលក្នុងបន្ទប់សម្ភពជាមួយនឹងស្រ្តីសម្រាលកូន និងកំពុងបង្កបានភាពពេញចិត្តពីសំណាក់ប្រជាជន”។

ក្រៅពីនោះ មន្ទីរពេទ្យឯកទេសសម្ភព-កុមារ ខេត្តសុកត្រាំង កំពុងទទួលបានការជំនួយនិងផ្ទេរជូនបច្ចេកទេសលើវិស័យឆ្លុះអេកូបេះដូងគភ៌ រោគបេះដូងកុមារពីអ្នកឯកទេសនៃមន្ទីរពេទ្យមហាវិទ្យាល័យឱសថសាស្រ្តក្រុងហូជីមិញ និងមន្ទីរពេទ្យកុមារក្រុងហូជីមិញ។ បច្ចេកទេសបានអនុវត្តចំពោះស្ត្រីមានផ្ទៃពោះពី ២០- ២៤ សប្តាហ៍ ជួយរកឃើញឆាប់នូវជំងឺបេះដូងពីកំណើត ដើម្បីរកវិធានការព្យាបាលដល់ទារកបានទាន់ពេល៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ