កីឡា - ទេសចរណ៍ ទេសចរណ៍

31/01/2023 - 08:46

បាកលីវអភិវឌ្ឍទេសចរណ៍

ឆ្នាំ២០២២ ផ្នែកទេសចរណ៍ខេត្តបាកលីវ កំពុងមានជំហានអភិវឌ្ឍនិងខិតខំក្លាយជាមជ្ឈមណ្ឌលទេសចរណ៍មួយ ក្នុងចំណោមមជ្ឈមណ្ឌលទេសចរណ៍របស់តំបន់វាលរាបទន្លេគឺវឡុង។

ភ្ញៀវទេសចរមកទស្សនាកម្សាន្តនិងគោរពបូជាព្រះម៉ែគង់ស៊ីអីម។

ភ្ញៀវទេសចរមកទស្សនាកម្សាន្តវត្តគម្ភីរសាគរព្រែកជ្រៅ។

ខេត្តបាកលីវ មានសំណង់វប្បធម៌ កេរដំណែលប្រវត្តិសាស្រ្តនិងទំនៀមទម្លាប់ជាច្រើន បានកកើតឡើងពីការរួមរស់ជាមួយគ្នានៃសហគមន៍ជនជាតិទាំង ៣ កិញ ខ្មែរ ចិន ដោយមានរមណីយដ្ឋានទេសចរណ៍ល្បីៗជាច្រើន ដូចជា៖ វត្តគម្ភីរសាគរព្រែកជ្រៅ បដិមាព្រះម៉ែគង់ស៊ីអីម វិហារតាក់សី ផ្ទះអ្នកសង្ហាបាកលីវ មណ្ឌលអនុស្សាវរីយ៍សិល្បៈចម្រៀងដើងកាតាយទឺណាមបូ និងកវីនិពន្ធ កាវវ៉ាន់ឡូវ មណ្ឌលវាយោអគ្គិសនីឆ្នេរសមុទ្រ ។ល។ មកទល់បច្ចុប្បន្ន ខេត្តមានរមណីយដ្ឋានទេសចរណ៍ចំនួន ១០/៤៣ ត្រូវបានសម្ព័ន្ធសមាគមទេសចរណ៍ទទួលស្គាល់ជារមណីយដ្ឋានទេសចរណ៍លេចធ្លោ និងមានចំនួនច្រើនជាងគេបើប្រៀបនឹងបណ្ដាខេត្ត ក្រុង នានានៅតំបន់វាលរាបទន្លេគឺវឡុង។

ឆ្នាំ ២០២២ សរុបចំណូលពីទេសចរណ៍របស់ខេត្តសម្រេច ៣.២៥០ ពាន់លានដុង សម្រេច ១០៨% ផែនការឆ្នាំ។ ឆ្នាំកន្លង ខេត្តទទួលភ្ញៀវទេសចរបានជិត ៣,៦៧ លានលើកនាក់ ក្នុងនោះ ភ្ញៀវទេសចរប្រើប្រាស់សេវាកម្មស្នាក់នៅជាង ១,៦៥ លានលើកនាក់ ភ្ញៀវទេសចរអន្តរជាតិ មានប្រមាណ ៣.៥០០ លើកនាក់។ ពិសេស ក្នុង”ទិវាបុណ្យវប្បធម៌និងទេសចរណ៍ ខេត្តបាកលីវ” រយៈពេលកន្លង មានភ្ញៀវទេសចរមកទស្សនាកម្សាន្តប្រមាណ ៥០.០០០ លើកនាក់ ក្នុងនោះ មានភ្ញៀវទេសចរប្រើប្រាស់សេវាកម្មស្នាក់នៅជាង ៥.០០០ លើកនាក់។ អ្នកស្រីត្រឹងធីឡាងភឿង នាយិកាមន្ទីរវប្បធម៌-ព័ត៌មាន កីឡានិងទេសចរណ៍ខេត្តបាកលីវ ឱ្យដឹង៖ “ខេត្តកំណត់ច្បាស់វិស័យទេសចរណ៍ជាសសរស្ដម្ភមួយក្នុងចំណោមសសរស្ដម្ភទាំងប្រាំនៃការអភិវឌ្ឍសេដ្ឋកិច្ច- សង្គម ជាភាពទម្លុះទម្លាយក្នុងការអភិវឌ្ឍសេដ្ឋកិច្ច។ បច្ចុប្បន្ន វិស័យទេសចរណ៍ខេត្តមានជំហានអភិវឌ្ឍន៍ខ្លាំងបង្គួរ ចំនួនភ្ញៀវទេសចរកើនឡើងជាមធ្យមភាគប្រមាណ ២២% សរុបចំណូលពីភ្ញៀវទេសចរកើនឡើងជាមធ្យមភាគប្រមាណ ២០%។ គិតពីទំហំចំនួនភ្ញៀវទេសចរប្រចាំឆ្នាំ និងសរុបចំណូលពីទេសចរណ៍ ខេត្តបាកលីវបច្ចុប្បន្ន ឈរចំណាត់ថ្នាក់ទី ៥ បើប្រៀបជាមួយនឹងបណ្ដាខេត្ត ក្រុងនានាក្នុងតំបន់”។

តាមប្រសាសន៍លោកផាងថាញយ្វី អនុប្រធានគណៈកម្មាធិការប្រជាជនខេត្តបាកលីវ ទិសដៅដល់ឆ្នាំ ២០២៥ បាកលីវនឹងទទួលភ្ញៀវទេសចរជាង ៧ លានលើកនាក់ សរុបចំណូលសម្រេចជាង ១០.០០០ ពាន់លានដុង រួមចំណែកពី ៧ដល់ ៩%ចូល GRDP របស់ខេត្ដ ដោះស្រាយការងារធ្វើជូនពលករចំនួន ៣០.០០០ នាក់; មានរមណីយដ្ឋានទេសចរណ៍ចំនួន ១៥ មណ្ឌលទេសចរណ៍ថ្នាក់ខេត្តមួយត្រូវបានទទួលស្គាល់ និងឋិតក្នុងបញ្ជីឈ្មោះតំបន់មានសក្ដានុភាពអភិវឌ្ឍទេសចរណ៍ជាតិ។ រយៈពេលខាងមុខ ខេត្តបន្តជំរុញការវិនិយោគហេដ្ឋារចនាសម្ព័ន្ធទេសចរណ៍ លើកកម្ពស់គុណភាពផលិតផល និងសេវាកម្មទេសចរណ៍។ ព្រមជាមួយនោះ អំពាវនាវការវិនិយោគ អភិវឌ្ឍមណ្ឌលទេសចរណ៍ តំបន់ទេសចរណ៍ ជាពិសេស គឺអេកូទេសចរណ៍តំបន់មាត់សមុទ្រ គួបផ្សំនឹងវាយោអគ្គិសនី និងសេវាកម្មកម្សាន្តកម្រិតខ្ពស់តាមឆ្នេរសមុទ្រ៕

លីធាន - ថាច់ធី

ចែករំលែកអត្ថបទ

ពាក្យគន្លឹះ