សុខភាព - អប់រំ អប់រំ

09/01/2023 - 14:35

គណៈកម្មការជំរុញការសិក្សាវត្តផ្នោដូង

ដើម្បីរួមចំណែកជាមួយសមាគមជំរុញការសិក្សា និងរដ្ឋអំណាចភូមិភាគ គិតគូរដល់សិស្សដែលមានជីវភាពក្រលំបាក ព្រះចៅអធិការនិងគណៈកម្មការវត្តផ្នោដូង ឃុំដាយអាង ស្រុកថ្កូវ ខេត្តត្រាវិញ បានបង្កើតគណៈកម្មការជំរុញការសិក្សានៅក្នុងវត្ត ដើម្បីបង្កមូលនិធិជួយដល់ប្អូនៗសិស្សក្រីក្រ សង្វាតរៀនសូត្រ។

ព្រះតេជព្រះគុណ ត្រឿងវ៉ាន់បៀង ព្រះចៅអធិការវត្តផ្នោដូង (ខាងឆ្វេង) និងព្រះចៅអធិការរងត្រៀមបោកកូនជ្រូកដីបង្កើតមូលនិធិជំរុញការសិក្សា។

គណៈកម្មការជំរុញការសិក្សាវត្តផ្នោដូង បានបង្កើតកាលពីឆ្នាំ២០១៣។ ក្រោយពីបានបង្កើតគណៈកម្មការជំរុញការសិក្សាបានចែងលក្ខន្តិកៈ បែបបទសកម្មភាព ក្នុងនោះ មានការបង់ប្រាក់ចូលកូនជ្រូកដីចំនួន ២។ រៀងរាល់ឆ្នាំ មូលនិធិជំរុញការសិក្សាចលនាទឹកប្រាក់បានរាប់សិបលានដុង ដើម្បីឧបត្ថម្ភដល់សាលារៀននៅក្នុងនិងក្រៅឃុំ។

ព្រះតេជព្រះគុណ ត្រឿងវ៉ាន់បៀង ព្រះចៅអធិការវត្តផ្នោដូង ប្រធានគណៈកម្មការជំរុញការសិក្សា មានថេរដីកា៖ “ពេលចាប់ផ្តើមបង់ប្រាក់ចូលក្នុងកូនជ្រូកដី អាត្មាភាពតែងសន្សែសន្សំបច្ច័យដែលបានមកពីការទេសនានិងពុទ្ធបរិស័ទដែលស្គាល់នៅខេត្ត ក្រុងនានាមកវត្ត ហើយបានប្រគេន។ អាស្រ័យហេតុនោះ ចំនួនទឹកប្រាក់បង់ចូលកូនជ្រូកដីបង្កើតជាមូលនិធិកាន់តែច្រើនឡើងពីមួយថ្ងៃទៅមួយថ្ងៃ។ ក្នុងឆ្នាំ ២០២២ គណៈកម្មការជំរុញការសិក្សាបោកកូនជ្រូកដីបានទឹកប្រាក់ ៤៧ លានដុង។ នេះ ជាចំនួនទឹកប្រាក់ច្រើនបំផុត ចាប់ពីគណៈកម្មការជំរុញការសិក្សាបានបង្កើតមក”។

ការបង្កើតមូលនិធិជំរុញការសិក្សានៅវត្តផ្នោដូង ត្រូវបានចែកជា ២ ចំណែក៖ ទីមួយគឺមូលនិធិជំរុញការសិក្សាសម្រាប់ព្រះសង្ឃរៀនសូត្រក្នុងវត្ត ទឹកប្រាក់ទាំងនេះប្រគល់ឱ្យព្រះអាចារ្យក្នុងវត្តកាន់។ ទីពីរគឺមូលនិធិជំរុញការសិក្សាដល់ការអប់រំចំណេះទូទៅ ត្រូវបានប្រើប្រាស់ ដើម្បីជូនដល់ប្អូនៗសិស្សានុសិស្សនៅតាមសាលាលើភូមិសាស្រ្តឃុំនានាគឺ៖ ឃុំដាយអាង ហាមយ៉ាង ហាមតឹង ស្រុកថ្កូវ និងឃុំដូងស្វឹង ស្រុកយ្វៀងហាយជាដើម។ អាស្រ័យ មានការចាត់ចែងសមស្របការប្រើប្រាស់មូលនិធិ ម្ល៉ោះហើយរៀងរាល់ឆ្នាំវត្តបានជូនជាអំណោយនិងអាហារូបករណ៍រាប់រយចំណែកដល់ប្អូនៗ ក្នុងមួយចំណែកមានតម្លៃ ៣០០.០០០-៥០០.០០០ដុង។ ផ្តើមពីមូលនិធិជំរុញការសិក្សា ក្រោយពីមានការឯកភាពពីសមាជិកទាំងឡាយក្នុងគណៈកម្មការជំរុញការសិក្សា គឺក្រៅពីជូនអំណោយនិងអាហារូបករណ៍ដល់ប្អូនៗសិស្សានុសិស្ស ថែមទាំងបានចាត់ចែងជាអំណោយជូនដល់មនុស្សចាស់គ្មានទីពឹង មាមីងពុទ្ធបរិស័ទមានជីវភាពក្រលំបាកទៀតផង។

លោកត្រឹងកែវ ប្រធានគណៈកម្មការវត្តផ្នោដូង អនុប្រធានគណៈកម្មការជំរុញការសិក្សា ឱ្យដឹង៖ “ដោយឃើញការយកព្រះទ័យទុកដាក់របស់ព្រះចៅអធិការវត្ត ក្នុងការបង់ប្រាក់ចូលកូនជ្រូកដីបង្កើតមូលនិធិជំរុញការសិក្សា ខ្ញុំក៏បានចូលរួមជាមួយព្រះអង្គ ដើម្បីអនុវត្តល្អការងារជំរុញការសិក្សាផងដែរ។ រយៈពេលប៉ុន្មានឆ្នាំមកនេះ ខ្ញុំរួមជាមួយព្រះចៅអធិការវត្តផ្លាស់ប្ដូរវេនបោកកូនជ្រូកដី ពេលបោកបានចំនួនទឹកប្រាក់ច្រើន និងបានទៅឧបត្ថម្ភដល់ប្អូនៗសិស្សានុសិស្សផ្ទាល់ដៃ គឺខ្ញុំសប្បាយចិត្តណាស់ ពីព្រោះយល់ថា យើងបានធ្វើអំពើដែលមានអត្ថន័យដល់សហគមន៍ រួមចំណែកជួយគិតគូរដល់ប្អូនៗដែលមានជីវភាពក្រលំបាកបានល្អប្រសើរជាង”៕

សើុងម៉ាល័យ-លីសៀ

ចែករំលែកអត្ថបទ

ពាក្យគន្លឹះ