សន្តិសុខ - ការពារប្រទេស ការពារប្រទេស

26/12/2022 - 15:41

កសាងអង្គភាពរឹងមាំលើគ្រប់វិស័យ

ប៉ុន្មានឆ្នាំកន្លង គណៈបញ្ជាការយោធាឃុំហ្វៀកហ្វា ស្រុកចូវថាញ់ ខេត្តត្រាវិញ ម្ចាស់ការក្តាប់ច្បាស់ស្ថានភាព សកម្មធ្វើសេនាធិការជូនគណៈកម្មាធិការបក្ស គណៈកម្មាធិការប្រជាជន ឃុំផ្សព្វផ្សាយប្រកបដោយប្រសិទ្ធភាពរាល់ដំណោះស្រាយ សំដៅអនុវត្តជោគជ័យភារកិច្ចយោធា ការពារមាតុភូមិលើភូមិសាស្ត្រ។

ហ្វឹកហ្វឺនដល់កងប្រជាស្វ័យត្រាណឆ្លើយតបនឹងភារកិច្ចត្រៀមប្រយុទ្ធ។

លោកឡឹមម៉ួងហែនរ៉ឺ មេបញ្ជាការនៃគណៈបញ្ជាការយោធាឃុំហ្វៀកហ្វា ឱ្យដឹង៖ “ឃុំហ្វៀកហ្វា មានជនរួមជាតិខ្មែររស់នៅកុះករ ស្រូបអត្រាប្រមាណ ៣០% នៃចំនួនប្រជាជនក្នុងឃុំ ដោយកំណត់ច្បាស់ត្រូវកសាងអង្គភាពរឹងមាំលើគ្រប់វិស័យ ហេតុនោះសាខាបក្សនៃគណៈបញ្ជាការយោធាឃុំ ជានិច្ចកាលតែងធ្វើការបញ្ជ្រាប គ្រប់សព្វនិងអនុវត្តមានប្រសិទ្ធភាពនូវខ្លឹមសារបទដ្ឋាននៃការកសាងអង្គភាពរឹងមាំលើគ្រប់វិស័យ តាមកិច្ចចង្អុលការរបស់គណៈបញ្ជាការដ្ឋានយោធាស្រុក។ ដូច្នេះ សាខាបក្សនៃគណៈបញ្ជាការយោធាឃុំ បានផ្តោតទៅលើការលើកកម្ពស់គុណភាពអប់រំនយោបាយ សតិអារម្មណ៍ ចរិយាសម្បត្តិ សីលធម៌បដិវត្តន៍ បង្កើនការហ្វឹកហ្វឺនយោធា។ ពិសេស ម្ចាស់ការធ្វើសេនាធិការជូនគណៈកម្មាធិការបក្ស គណៈកម្មាធិការប្រជាជនឃុំ ផ្តុំកម្លាំងដឹកនាំ ចង្អុលការអនុវត្តមានប្រសិទ្ធភាពភារកិច្ចយោធា ការពារមាតុភូមិ ផ្សារភ្ជាប់នឹងការកសាងជំហរយុទ្ធសាស្រ្តការពារប្រទេសទូទាំងប្រជាជន សន្តិសុខប្រជាជន”។

កម្មាភិបាល យុទ្ធជនជួយប្រជាជនដាំផ្កាតាមដងផ្លូវភូមិប្រាសាទ។

ឆ្នាំ ២០២២ គណៈបញ្ជាការយោធាឃុំហ្វៀកហ្វា បន្តរក្សាល្អការងារត្រៀមប្រយុទ្ធ ក្តាប់ច្បាស់ស្ថានភាពលើភូមិសាស្ត្រ សហការនឹងនគរបាលឃុំ រៀបចំដើរល្បាតការពារក្នុងទិវាបុណ្យទានផ្សេងៗ ឬព្រឹត្តិការណ៍សំខាន់ៗក្នុងប្រទេស៘ លទ្ធផលគឺកងកម្លាំងបានរំសាយវង់ល្បែងស៊ីសង ៥ កន្លែង ទីតាំងជល់មាន់ ៦ កន្លែង ល្បែងខ្លាឃ្លោក ៣ កន្លែង ករណីប្រើប្រាស់ឧបករណ៍ឆក់ត្រីចំនួន ៤ យុវជនជុំគ្នាពេលយប់អាធ្រាត្រមានតម្រុយប្រព្រឹត្តខុសច្បាប់ ២៥ ករណី; ការងារហ្វឹកហ្វឺនសម្រេច១០០%។

បងសុើងង៉ុកឌិញ កងសេនាជនចល័តឃុំ ឱ្យដឹង៖ “សាខាបក្សនៃគណៈបញ្ជាការយោធា ឃុំបង្កើនការឃោសនា ចលនាមហាជនអំពីគោលការណ៍របស់បក្ស គោលនយោបាយ ច្បាប់របស់រដ្ឋ។ គណៈបញ្ជាការយោធាឃុំ ថែមទាំងដាក់ចេញនូវដំណោះស្រាយសំខាន់ៗមួយចំនួន ក្នុងនោះ ផ្តុំកម្លាំងអនុវត្តល្អការងារអប់រំ លើកកម្ពស់ស្មារតីយល់ដឹងខាងនយោបាយ សតិអារម្មណ៍ដល់កម្មាភិបាល និងយុទ្ធជនក្នុងទូទាំងកងកម្លាំងផងដែរ។ ឆ្លងតាមរយៈការងារអប់រំទ្រឹស្តីនយោបាយ សតិអារម្មណ៍ ធ្វើឱ្យកម្មាភិបាលយុទ្ធជនក្នុងអង្គភាព តែងមានជំហរនយោបាយរឹងមាំ ជម្នះការលំបាក ខិតខំពុះពារសម្រេចភារកិច្ចឆ្នើមដែលបានប្រគល់ឱ្យ”។

ពង្រីកនូវលទ្ធផលដែលសម្រេចបាន រយៈពេលខាងមុខ គណៈបញ្ជាការយោធាឃុំហ្វៀកហ្វា បន្តការបញ្ជ្រាប និងផ្សព្វផ្សាយអនុវត្តយ៉ាងម៉ឺងម៉ាត់នូវបទបញ្ជាសេចក្តីសម្រេចចិត្តរបស់បក្ស គោលនយោបាយ ច្បាប់របស់រដ្ឋ អំពីកិច្ចការយោធា ការពារមាតុភូមិ ប្តេជ្ញាចិត្តបង្កការវិវឌ្ឍខ្លាំងក្លាលើគ្រប់វិស័យក្នុងអង្គភាព រួមចំណែកសម្រេចល្អភារកិច្ច៕

សើុងម៉ាល័យ-លីសៀ

ចែករំលែកអត្ថបទ

ពាក្យគន្លឹះ