សន្តិសុខ - ការពារប្រទេស សន្តិសុខ

14/11/2022 - 14:41

ធានាសុវត្ថិភាពដល់អ្នកចរាចរណ៍

នៅតំបន់ជនរួមជាតិនៃខេត្តហូវយ៉ាង ទន្ទឹមនឹងមានហេដ្ឋារចនាសម្ព័ន្ធគមនាគមន៍សុក្រឹត គឺមានទាំងប្រព័ន្ធអំពូលភ្លើងអុជបំភ្លឺនិងផ្លាកសញ្ញាចរាចរណ៍ ដើម្បីធានាសុវត្ថិភាពដល់អ្នកចរាចរណ៍។

ផ្លូវចូលភូមិលេខ ៤ ឃុំវ៉ីប៊ិញ

តាមប្រសាសន៍លោកស្រីង្វៀងធីប៊ិតឡង អនុប្រធានគណៈកម្មាធិការប្រជាជនឃុំវ៉ីប៊ិញ ស្រុកវ៉ីធ្វី បានឱ្យដឹង៖ គណៈកម្មាធិការប្រជាជនឃុំ បានសហការជាមួយនឹងសម្ព័ន្ធយុវជនស្រុកវ៉ីធ្វី រៀបចំសម្ពោធដាក់ឱ្យប្រើប្រាស់សំណង់យុវជន “បំភ្លឺផ្លួវជនបទ” នៅតាមដងផ្លូវមាត់ប្រឡាយ ៨ ពាន់ នៅភូមិលេខ ៤។ សំណង់មានប្រវែងជាង ១ គ.ម។ ប្រព័ន្ធអំពូលភ្លើងអុជបំភ្លឺជាប្រភេទអំពូលភ្លើងប្រើថាមពលព្រះអាទិត្យ ត្រូវបានដាក់ភ្ជាប់ជាមួយបង្គោលទង់ជាតិនិងបដាផ្សព្វផ្សាយ ម្ល៉ោះហើយ មិនត្រឹមតែបំភ្លឺនៅពេលយប់ប៉ុណ្ណោះទេ ថែមទាំងផ្តល់សោភណភាពសម្រាប់ដងផ្លូវពេលថ្ងៃទៀតផង។ សំណង់នេះបានកសាងពីប្រភពទុនសង្គមូបនីយកម្ម។ ខណៈពេលផ្លូវនិងអំពូលភ្លើងបានដាក់ឱ្យប្រើប្រាស់ មាមីងនៅទីនេះក៏បានម្ចាស់ការរៀបចំសម្អាតបរិស្ថាន ធ្វើរបង ដាំផ្កាលម្អ៘ ដើម្បីធានាដងផ្លូវមានសុវត្ថិភាព និងស្អាតបាត។ លោកពូលីហ្វាង នៅភូមិលេខ ៤ ឱ្យដឹង៖ “ប្រព័ន្ធផ្លូវថ្នល់ អំពូលភ្លើងអុជបំភ្លឺ បានបង្កលក្ខណៈឱ្យមាមីងពង្រីកមុខរបររកស៊ីផ្សេងៗសមស្រប ព្រមទាំងការធ្វើដំណើរទៅវត្តនៅឯក្បាលប្រឡាយ ៨ ពាន់ក៏ងាយស្រួលផងដែរ”។

ផ្លាកសញ្ញាចរាចរណ៍ដាក់នៅក្បែរស្ពានគិញតេ ឃុំទ្រឿងឡុង A។

តាមប្រសាសន៍លោកគីហ៊ីវថាញ អនុប្រធានគណៈជនជាតិខេត្តហូវយ៉ាង អនុវត្តនូវគោលនយោបាយឧបត្ថម្ភដាច់ដោយឡែករបស់រដ្ឋសម្រាប់តំបន់មានជនរួមជាតិភាគតិចរស់នៅកុះករ ខេត្តហូវយ៉ាង បានវិនិយោគធ្វើផ្លូវរាប់រយគីឡូម៉ែត្រនិងធ្វើស្ពានជនបទជាច្រើនខ្សែនៅតំបន់ជនរួមជាតិខ្មែរផងដែរ។ ទន្ទឹមនឹងនោះ គោលនយោបាយឧបត្ថម្ភដាច់ដោយឡែក នៅទាំងជួយពង្រីកមុខរបររកស៊ី ម្ល៉ោះហើយជីវភាពតំបន់ជនរួមជាតិត្រូវបានកើនឡើង មាមីងក្នុងភូមិមានទោចក្រយានយន្តស្ទើរតែគ្រប់ផ្ទះទាំងអស់។ អាស្រ័យហេតុនោះ ដើម្បីធានាសុវត្ថិភាពចរាចរណ៍ គណៈជនជាតិ ក៏បានសហការជាមួយអង្គភាពនានាដែលពាក់ព័ន្ធ ធ្វើការផ្សព្វផ្សាយលើកកម្ពស់ស្មារតីភ្ញាក់រលឹក ការទទួលខុសត្រូវរបស់អ្នកចរាចរណ៍។ តាមប្រសាសន៍លោកប៊ូយហុងណាម ប្រធាននគរបាលឃុំទ្រឿងឡុង A ស្រុកចូវថាញ់ A ដើម្បីញុាំងអ្នកចរាចរណ៍ឱ្យអនុវត្តតាមសេចក្តីកំណត់នៃច្បាប់ អង្គភាពក៏បានសហការនឹងអង្គភាពនានាដែលពាក់ព័ន្ធ ជំរុញការងារផ្សព្វផ្សាយនៅតាមភូមិស្រុក ត្រួតពិនិត្យមើល និងស្នើឱ្យដាក់ផ្លាកសញ្ញាចរាចរណ៍នៅតាមចំណុច ផ្លូវប្រសព្វគ្នា ផ្លូវបែកជាបី និងបែកជាបួន ឬនៅចំណុចផ្លូវតូចចេញមកផ្លូវធំ៘ ៕

ហាថាញ-លីសៀ

ចែករំលែកអត្ថបទ

ពាក្យគន្លឹះ