គោលនយោបាយ -ការរស់នៅ ច្បាប់

31/10/2022 - 14:23

ផ្សព្វផ្សាយពីសុវត្ថិភាពចរាចរណ៍ដល់អ្នកមានប្រជាប្រិយក្នុងជនជាតិភាគតិច

គណៈកម្មការសុវត្ថិភាពចរាចរណ៍ក្រុងកឹងធើ ទើបសហការជាមួយនឹងគណៈជនជាតិក្រុង រៀបចំផ្សព្វផ្សាយពីគោលនយោបាយច្បាប់ ស្តីពីសណ្តាប់ធ្នាប់សុវត្ថិភាពចរាចរណ៍ដល់អ្នកមានប្រជាប្រិយក្នុងជនជាតិភាគតិចនៅលើភូមិសាស្រ្តក្រុង។

អ្នកមានប្រជាប្រិយក្នុងជនជាតិភាគតិច ស្តាប់ការផ្សព្វផ្សាយពីសណ្តាប់ធ្នាប់
សុវត្ថិភាពចរាចរណ៍។ រូប៖ ង៉ុកក្វៀង

កម្មាភិបាលគណៈកម្មការសុវត្ថិភាពចរាចរណ៍ក្រុង បានផ្សព្វផ្សាយដោយផ្ទាល់នូវខ្លឹមសារមួយចំនួន ដូចជា៖ តថភាពសុវត្ថិភាពចរាចរណ៍; បទប្បញ្ញត្តិច្បាប់ ស្តីពីសុវត្ថិភាពចរាចរណ៍ និងឯកសារចង្អុលការមួយចំនួន; វិធានការធានាសុវត្ថិភាពចរាចរណ៍ កសាងវប្បធម៌ចរាចរណ៍។ល។ នៅក្នុងពេលផ្សព្វផ្សាយ អ្នកមានប្រជាប្រិយក្នុងជនជាតិភាគតិច បានទស្សនាវីដេអូឃ្លីប ណែនាំពីសុវត្ថិភាពចរាចរណ៍ ដូច៖ ការប៉ាន់ស្មានបង្ការ បញ្ចៀសគ្រោះថ្នាក់ពេលបើកបរ យកចិត្តទុកដាក់ពេលបញ្ឈប់ សំចតយានយន្ត រក្សាគម្លាតសុវត្ថិភាពជាមួយនឹងយានយន្តដែលបើកបរនៅខាងមុខឡើង និងចុះរថយន្តធានាសុវត្ថិភាព និងបើកបរចូលគន្លងផ្លូវដោយសុវត្ថិភាពជាដើម។

ចូលរួមក្នុងពេលផ្សព្វផ្សាយនេះ អ្នកមីងហុងហ្វែហ្វៀង ជាអ្នកមានប្រជាប្រិយក្នុងជនរួមជាតិចិននៅសង្កាត់តឹងអាង ខណ្ឌនិញកេវ ឱ្យដឹង៖ “ការផ្សព្វផ្សាយអំពីសុវត្ថិភាពចរាចរណ៍ គឺមានប្រយោជន៍ណាស់។ ខ្ញុំនឹងផ្សព្វផ្សាយខ្លឹមសារនេះដល់ជនរួមជាតិ ដើម្បីលើកកម្ពស់ស្មារតីធានាសុវត្ថិភាពពេលចូលរួមចរាចរណ៍ អនុវត្តត្រឹមត្រូវបទប្បញ្ញត្តិស្តីពីសុវត្ថិភាពចរាចរណ៍ ដូច៖ ពេលបើកបរយានយន្តត្រូវតែបើកបរត្រូវតាមកម្រិតល្បឿន និងគន្លងផ្លូវ ចំណែកផ្លូវដែលបានកំណត់។ល។ ដើម្បីការពារអាយុជីវិតរបស់ខ្លួន និងអ្នកចូលរួមចរាចរណ៍”។ ចំណែកលោកចូវវ៉ាន់ត្វឹង អ្នកមានប្រជាប្រិយក្នុងជនរួមជាតិខ្មែរ នៅសង្កាត់ថើយធ្វឹង ខណ្ឌថូកណូក ឱ្យដឹង៖ “ដោយបានស្តាប់កម្មាភិបាលគណៈកម្មការសុវត្ថិភាពចរាចរណ៍ក្រុងផ្សព្វផ្សាយ ខ្ញុំមានចំណេះដឹងបន្ថែមនិងយល់កាន់តែច្បាស់ពីបទប្បញ្ញត្តិពេលចូលរួមចរាចរណ៍។ ខ្ញុំយល់ថា យើងម្នាក់ៗពេលចូលរួមចរាចរណ៍ ត្រូវតែយល់ដឹងច្បាប់ឱ្យបានច្បាស់ ដើម្បីធានាសុវត្ថិភាពខ្លួនឯងផង និងមនុស្សគ្រប់រូបផង។ ខ្ញុំនឹងផ្សព្វផ្សាយនូវខ្លឹមសារដែលខ្ញុំបានដឹងដល់ជនរួមជាតិខ្មែរ ក៏ដូចជាមាមីងរស់នៅភូមិផងរបងជាមួយឱ្យបានជ្រាប និងអនុវត្តឱ្យបានត្រឹមត្រូវតាមបទប្បញ្ញត្តិស្តីពីសុវត្ថិភាពចរាចរណ៍។ ក្រៅពីនោះ ខ្ញុំនឹងសហការជាមួយនឹងកម្មាភិបាលភូមិភាគ ចលនាមាមីងបង្កើនកម្រិតផ្លូវគមនាគមន៍ដែលទ្រុឌទ្រោម និងកាប់ឆ្ការគុម្ពោតព្រៃស៊ុមទ្រុម ធានាដងផ្លូវរាបរលូន ចិញ្ចើមផ្លូវស្រឡះស្រឡំ ប្រជាជនធ្វើដំណើរទៅមកឱ្យមានសុវត្ថិភាព”។

លោកឡេទ្រុងកៀង ប្រធានគណៈជនជាតិក្រុង សង្ឃឹមថា ឆ្លងតាមរយៈពេលផ្សព្វផ្សាយនេះ នឹងជួយឱ្យអ្នកមានប្រជាប្រិយក្នុងជនជាតិភាគតិច ពេលវិលទៅភូមិភាគបង្កើនការផ្សព្វផ្សាយដើម្បីមាមីងយល់ដឹង និងអនុវត្តឱ្យបានត្រឹមត្រូវតាមបទប្បញ្ញត្តិច្បាប់ ពេលចូលរួមចរាចរណ៍ផ្លូវគោក ផ្លូវទឹក រួមចំណែកធានាសុវត្ថិភាពចរាចរណ៍លើភូមិសាស្រ្តក្រុង៕

ថាញធ្វី-វិមាន

ចែករំលែកអត្ថបទ

ពាក្យគន្លឹះ