សុខភាព - អប់រំ សុខភាព

16/05/2022 - 14:23

វៀតណាម ផ្អាករាយការណ៍សុខាភិបាលក្នុងស្រុកជាផ្លូវការ

ករណីវិជ្ជមានជំងឺ COVID-១៩ថយចុះករណីអ្នកឈឺធ្ងន់និងការស្លាប់ថយចុះជំងឺ COVID -១៩ ត្រូវបានគ្រប់គ្រង អត្រាគ្របដណ្តប់វ៉ាក់សាំងទូទាំងប្រទេសជាង ៩៦% ហេតុនោះ ក្រសួងសុខាភិបាលបានចេញឯកសារផ្អាកការអនុវត្តរាយការណ៍សុខាភិបាលក្នុងស្រុក ចំពោះការធ្វើដំណើរក្នុងស្រុក តាមទីតាំងសាធារណៈ ភោជនីយដ្ឋាន។ល។

វៀតណាមផ្អាករាយការណ៍សុខាភិបាលក្នុងស្រុកជាផ្លូវការ។

ក្រសួងសុខាភិបាល ទើបចេញសារលិខិតផ្ញើគណៈកម្មាធិការប្រជាជនខេត្ត ក្រុងទាំងអស់ ស្ដីពីការផ្អាករាយការណ៍សុខាភិបាលក្នុងស្រុក។

យោងតាមក្រសួងសុខាភិបាល បច្ចុប្បន្ន ជំងឺ COVID-១៩ នៅប្រទេសយើងត្រូវបានគ្រប់គ្រងទូទាំងប្រទេស ចំនួនករណីឆ្លងជំងឺនិងការស្លាប់បានថយចុះយ៉ាងច្បាស់ (បច្ចុប្បន្ន ករណីអ្នកស្លាប់ក្រោមពី ១០ នាក់ក្នុងមួយថ្ងៃ)។ អត្រាគ្របដណ្តប់វ៉ាក់សាំងបង្ការជំងឺ COVID -១៩ មានកម្រិតខ្ពស់ទូទាំងប្រទេស (ក្រុមអាយុលើស ១២ ឆ្នាំគឺជាង ៩៦% និងកំពុងផ្សព្វផ្សាយចាក់វ៉ាក់សាំងជូនក្រុមអាយុពី ៥ ឆ្នាំដល់ក្រោម ១២ ឆ្នាំ); វ៉ាក់សាំងបង្ការជំងឺ COVID-១៩ នៅតែមានប្រសិទ្ធភាពនឹងវីរុស SARS-CoV-២ ដែលកំពុងមានសព្វថ្ងៃ។

យោងទៅតាមស្ថានភាព សមត្ថភាពឆ្លើយតបនឹងជំងឺ COVID-១៩ របស់ប្រទេសយើង និងអនុវត្តតាមសេចក្តីសម្រេចចិត្តលេខ ៣៨/NQ-CP ចុះថ្ងៃ ១៧ ខែមីនា ឆ្នាំ ២០២២ របស់រដ្ឋាភិបាល ស្ដីពីការដាក់ចេញកម្មវិធីបង្ការ ប្រឆាំងជំងឺ COVID -១៩ អមជាមួយទស្សនៈ “ធានាសម្របខ្លួន សុវត្ថិភាព រវៀសរវៃ គ្រប់គ្រងមានប្រសិទ្ធភាព ជំងឺរាតត្បាត COVID-១៩; បង្ការ ប្រឆាំងជំងឺរាតត្បាតតាមវិធានការគ្រប់គ្រងហានិភ័យ; ធានានូវភាពសមស្រប ហ្មត់ចត់ និងប្រសិទ្ធភាពរវាងវិធានការបង្ការ ប្រឆាំងជំងឺរាតត្បាត ជាមួយវិធានការស្តារឡើងវិញនិងអភិវឌ្ឍន៍សេដ្ឋកិច្ច-សង្គម” ក្រសួងសុខាភិបាលបានសំណូមពរដល់គណៈកម្មាធិការប្រជាជនខេត្ត ក្រុងទាំងអស់ ចង្អុលការដល់ស្ថាប័នពាក់ព័ន្ធ ផ្អាកការអនុវត្តរាយការណ៍សុខាភិបាលក្នុងស្រុក (ចំពោះការធ្វើដំណើរក្នុងស្រុក តាមទីតាំងសាធារណៈ ភោជនីយដ្ឋានជាដើម) ចាប់ពីសូន្យម៉ោង ថ្ងៃ ៣០ ខែមេសា ឆ្នាំ ២០២២។

បន្តរក្សានូវសកម្មភាពត្រួតពិនិត្យ ឆាប់រកឃើញ និងស៊ើបអង្កេត វិនិច្ឆ័យសំបុកជំងឺ COVID-១៩ ឱ្យបានទាន់ពេលនិងប្រសិទ្ធភាព ត្រូវតាមការណែនាំ ចង្អុលការរបស់រដ្ឋាភិបាល គណៈចង្អុលការជាតិបង្ការប្រឆាំងជំងឺ COVID -១៩ និងគ្រប់ក្រសួង ផ្នែក ដើម្បីការពារសុខភាពប្រជាជន បន្តរក្សាលទ្ធផលនៃការប្រឆាំងជំងឺនាបច្ចុប្បន្ន ដោយទិសដៅកំណត់យកសុខភាពនិងជីវិតរបស់ប្រជាជនសំខាន់បំផុតនិងចម្បងជាងអ្វីទាំងអស់។

គ្រប់ភូមិភាគម្ចាស់ការធ្វើបច្ចុប្បន្នភាពរាល់ឯកសារសារគមនាគមន៍ ក្រើនរំលឹកអំពីការបង្ការ ប្រឆាំងជំងឺ COVID-១៩ ឱ្យសមស្របទៅនឹងស្ថានភាពបច្ចុប្បន្ន និងម្ចាស់ការផ្សព្វផ្សាយព័ត៌មានឱ្យបានទាន់ពេល។

ក្រសួងសុខាភិបាល បន្តធ្វើបច្ចុប្បន្នភាព និងផ្តល់ជូនព័ត៌មានអំពីស្ថានភាពជំងឺរាតត្បាតនៅលើពិភពលោកនិងក្នុងប្រទេស ដើម្បីមានវិធានការទប់ស្កាត់ជំងឺរាតត្បាតឱ្យបានសមស្រប។

មុននោះ ក្រសួងសុខាភិបាល បានផ្ញើសារលិខិតបន្ទាន់ជូនគណៈកម្មាធិការប្រជាជន ខេត្ត ក្រុងទាំងអស់ ដោយមានខ្លឹមសារបញ្ជាក់ច្បាស់៖ ផ្អាកការអនុវត្តរាយការណ៍សុខាភិបាលជំងឺ COVID-១៩ ចំពោះអ្នកឆ្លងដែននៅតាមច្រកទ្វារព្រំដែនប្រទេសវៀតណាម ចាប់ពីសូន្យម៉ោង ថ្ងៃ២៧ ខែមេសា ឆ្នាំ២០២២។

បន្តការត្រួតពិនិត្យអ្នកដំណើរឆ្លងដែនចូលប្រទេសនៅតាមច្រកទ្វារព្រំដែន តាមសេចក្ដីកំណត់នៃអនុក្រឹត្យលេខ៨៩/២០១៨/NĐ-CP របស់រដ្ឋាភិបាល ដែលចែងលម្អិតអំពីការអនុវត្តមាត្រាមួយចំនួននៃច្បាប់បង្ការ ប្រឆាំងជំងឺឆ្លងនិងការត្រួតពិនិត្យជំងឺឆ្លងនៅតាមព្រំដែន៕

យោងតាមកាសែតសុខភាពនិងរស់នៅ-ថាច់ធី

ចែករំលែកអត្ថបទ

ពាក្យគន្លឹះ