វប្បធម៌-សិល្បៈ សិល្បៈ

09/05/2022 - 14:25

សិល្បៈវង់ភ្លេងស្គរធំ ត្រូវបានទទួលស្គាល់ជាបេតិកភណ្ឌវប្បធម៌អរូបីថ្នាក់ជាតិ

ក្រសួងវប្បធម៌-កីឡានិងទេសចរណ៍ បានចេញសេចក្តីសម្រេចយក “សិល្បៈវង់ភ្លេងស្គរធំរបស់ជនជាតិខ្មែរ នៅស្រុកធើប៊ិញ ខេត្តកាម៉ាវ” ដាក់ចូលបញ្ជីបេតិកភណ្ឌវប្បធម៌ អរូបីថ្នាក់ជាតិ។

ពិធីថ្វាយគ្រូមុនពេលប្រគំសិល្បៈវង់ភ្លេងស្គរធំ។

សិល្បៈវង់ភ្លេងស្គរធំរបស់ជនរួមជាតិខ្មែរ នៅស្រុកធើយប៊ិញ ខេត្តកាម៉ាវ បានផ្តើមចេញពីវង់ភ្លេងស្គរធំ។ វង់ភ្លេងនេះត្រូវបានជនរួមជាតិខ្មែរនៅកាម៉ាវប្រគំជាទូទៅនិងយកចិត្តទុកដាក់ ថែរក្សារហូតមក។ បើតាមក្រុមសិប្បករអ្នកអភិរក្សបេតិកភណ្ឌ“សិល្បៈវង់ភ្លេងស្គរធំ” នៅភូមិស្រុកនៃខេត្តកាម៉ាវ វង់ភ្លេងស្គរធំរួមមានឧបករណ៍ទាំងអស់ ១៥ មុខ គឺ៖ ស្គរធំ គងធំ ស្គរភ្លោះ ទ្រអ៊ូ ទ្រខ្សែ ៣ ទ្រសោ ចាប៉ីដងវែង ប៉ីពក ប៉ីអ ខ្លុយ ឃឹម ឈិង តាខេ និងក្រាប់។

វង់ភ្លេងស្គរធំ គេច្រើនក្រាលកន្ទេលប្រគំនៅមុខទីធ្លាផ្ទះ។ មុននឹងប្រគំ ត្រូវតែរៀបកំណល់គ្រូ ដោយរៀបដាក់ចំកណ្តាលនៃវង់ភ្លេង។ ស្គរធំត្រូវបានរៀបដាក់នៅកណ្តាលឬជ្រុងណាមួយ ដើម្បីអ្នកភ្លេងងាយស្រួលប្រគំ។ អ្នកភ្លេងម្នាក់ៗប្រើប្រាស់ឧបករណ៍ផ្សេងៗគ្នាអង្គុយប្រគំជុំវិញកន្ទេលនោះ។

លោកថាច់ណាមភឿង ប្រធានការិយាល័យវិជ្ជាជីវៈនៃសារមន្ទីរខេត្តកាម៉ាវ ឱ្យដឹង៖ វង់ភ្លេងស្គរធំ គឺជាវង់ភ្លេងមានលក្ខណៈពិសេសដោយឡែក ត្រូវបានប្រើសម្រាប់ប្រគំកំដរក្នុងពិធីបុណ្យផ្សេងៗ។ល។ វង់ភ្លេងនេះ ស្គរធំមានសារៈសំខាន់ណាស់នៅពេលប្រគំ សម្លេងលាន់ ឮកងរំពង លន្លងលន្លោច គួរឱ្យសង្វេគ។

វង់ភ្លេងស្គរធំរបស់ជនរួមជាតិខ្មែរកាម៉ាវ មិនត្រឹមតែរីកចម្រើនក្នុងខេត្តប៉ុណ្ណោះទេ ថែមទាំងមានវត្តមាននៅខេត្តជិតខាងខ្លះផងដែរ៕

យោង៖ កាសែតកឹងធើ- ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ