កីឡា - ទេសចរណ៍ ទេសចរណ៍

21/02/2022 - 08:33

ទេសចរណ៍កឹងធើ-ទិសដៅស្តារឡើងនិងអភិវឌ្ឍន៍

លោកឡេថាញផុង អនុប្រធានប្រចាំការនៃសមាគមទេសចរណ៍វាលរាបទន្លេគឺវឡុង ឱ្យដឹង៖ “បច្ចុប្បន្ន សកម្មភាពទេសចរណ៍ហាក់ដូចបានដំណើរការឡើងវិញ។ ចំពោះមុខ យើងផ្តោតទៅលើទីផ្សារក្នុងស្រុក។ ដើម្បីស្តារទេសចរណ៍ឡើងវិញ ខ្ញុំគិតថា យើងគប្បីផ្តោតទៅលើបញ្ហាមួយចំនួនខាងក្រោមនេះ៖ បន្តដោះស្រាយបញ្ហា ប្រឈមឱ្យអាជីវកម្ម និងកម្លាំងពលកម្មរបស់ផ្នែកទេសចរណ៍។ បន្ទាប់មក គឺត្រូវផ្តោតទៅលើផលិតផលទេសចរណ៍ធ្វើយ៉ាងណាដើម្បីសមស្របជាមួយនឹងចំណូលចិត្តភ្ញៀវទេសចរ។ បញ្ហាសំខាន់មួយទៀត គឺគោលដៅទេសចរណ៍ ត្រូវមានដំណោះស្រាយសុវត្ថិភាព និងដោះស្រាយហានិភ័យសម្រាប់ភ្ញៀវ។ ធ្វើយ៉ាងណា ឱ្យភ្ញៀវមានអារម្មណ៍សុវត្ថិភាព ទើបបំផុសបាននូវតម្រូវការចង់ទៅទេសចរ។ ម្យ៉ាងទៀត យើងត្រូវចងសម្ព័ន្ធឱ្យរឹងមាំមូលដ្ឋានទេសចរណ៍ជាមួយគ្នា ដើម្បីរួមគ្នាជំរុញការអភិវឌ្ឍ។ មានការចងសម្ព័ន្ធគ្នាទើបបង្កើតបានប្រព័ន្ធផលិតផលនិងសេវាកម្មចម្រុះ ផ្តើមពីនោះ ទាក់ទាញបានភ្ញៀវទេសចរមកកាន់ក្រុងកឹងធើ និងវាលរាបទន្លេគឺវឡុង”។

ភ្ញៀវទេសចរឆ្លងកាត់បទពិសោធន៍ជិះទូកនៅតំបន់អេកូទេសចរណ៍ចម្ការឈើហូបផ្លែភីអៀង។

ភ្ញៀវទេសចរឆ្លងកាត់បទពិសោធន៍ដើរឆ្លងស្ពានស្នួនៅតំបន់អេកូទេសចរណ៍
ចម្ការឈើហូបផ្លែភីអៀង។

លោកឡេថាញផុង ឱ្យដឹង បច្ចុប្បន្ន សមាគមកំពុងសហការជាមួយមន្ទីរវប្បធម៌កីឡា និងទេសចរណ៍កឹងធើ រៀបចំកិច្ចប្រជុំតភ្ជាប់សកម្មភាពទេសចរណ៍ក្នុងតំបន់ ក្រោមប្រធានបទ៖ “បង្កើតរបៀងបៃតងតភ្ជាប់ទេសចរណ៍ បណ្ដាខេត្តក្នុងតំបន់វាលរាបទន្លេគឺវឡុងជាមួយក្រុងកឹងធើ” តាមការគ្រោងទុកនឹងធ្វើឡើងនៅចុងខែកុម្ភៈនេះ។ ទិសដៅគឺដើម្បីតភ្ជាប់និងរួម កម្លាំងស្វែងរកដំណោះស្រាយស្តារទេសចរណ៍ តំបន់វាលរាបទន្លេគឺវឡុង បន្ទាប់មក ទើបពង្រីកទៅកាន់ក្រុងហូជីមិញ និងបណ្ដាខេត្ត នៅភូមិភាគខាងកើត។

ក្រុងកឹងធើ ក៏មានទិសដៅជាក់ស្ដែងដើម្បីស្តារនិងអភិវឌ្ឍន៍ទេសចរណ៍។ តាមរយៈនោះ ខ្លឹមសារសំខាន់ៗត្រូវបានកំណត់៖ ផ្តោតទៅលើទីផ្សារក្នុងស្រុក ទាញយកផលទីផ្សារជិតៗ។ បន្ទាប់មក គឺបន្តស្នើសុំបើកទ្វារទទួលភ្ញៀវទេសចរអន្តរជាតិនៅពេលគ្រប់លក្ខណសម្បត្តិ។ ផ្នែកទេសចរណ៍ក្រុងនឹងជំរុញមាំការអភិវឌ្ឍទម្រង់អេកូទេសចរណ៍តំបន់ព្រែកទន្លេទេសចរណ៍ MICE (ទេសចរណ៍រួមបញ្ចូលគ្នាជាមួយសន្និសីទ និងសិក្ខាសាលា) ទេសចរណ៍សហគមន៍។ ផ្តោតលើផលិតផលទេសចរណ៍ដែលផ្សារភ្ជាប់ នឹងធម្មជាតិ ប្រភេទម្ហូបអាហារជាលក្ខណៈពិសេសរបស់ក្រុង។ ទន្ទឹមនឹងនោះ ជំរុញការងារគ្រប់គ្រងទីតាំង គោលដៅ លើកទឹកចិត្តអាជីវកម្មកសាងដំណើរការគ្រប់គ្រងវិបត្តិ និងហានិភ័យ ទប់ទល់ទាន់ពេលចំពោះសភាពការណ៍ដែលកើតឡើង។ ផ្តោតលើការកសាង ផលិតផល និងសេវាកម្មទេសចរណ៍ប្រកបដោយចីរភាព៘ ទន្ទឹមនឹងនោះ ជំរុញមាំការងារផ្សាយពាណិជ្ជកម្ម និងដំណើរការបង្កើនការផ្លាស់ប្តូរឌីជីថល ធ្វើពិពិធកម្មវិធីសាស្រ្តនៃការផ្សាយពាណិជ្ជកម្ម និងកំណត់ទីផ្សារគោលដៅ។ ពង្រឹងកិច្ចសហការលើវិស័យទេសចរណ៍ ជាមួយមូលដ្ឋាននៅតំបន់វាលរាបទន្លេគឺវឡុង - ក្រុងហូជីមិញ និងខេត្ត ក្រុងឯទៀតដែលមានគោលដៅទេសចរណ៍សំខាន់ៗ។ ព្រមជាមួយនោះ សហការនឹងអាកាសយានដ្ឋានបង្កើនជើងហោះហើរក្នុងស្រុក លើកទឹកចិត្តអាជីវកម្ម កសាងកម្មវិធីជំរុញតម្រូវការតភ្ជាប់សង្វាក់ តម្លៃដើម្បីទាក់ទាញភ្ញៀវទេសចរ។ ផ្នែកទេសចរណ៍ក្រុងបន្តផ្តល់យោបល់លើយន្តការ គោលនយោបាយ ដើម្បីឧបត្ថម្ភអាជីវកម្មក្នុងវិស័យទេសចរណ៍។ ទន្ទឹមនោះ ក៏លើកទឹកចិត្តនិងឧបត្ថម្ភអាជីវកម្មឱ្យចាប់ផ្តើមធ្វើអាជីវកម្ម មានគំនិតថ្មីៗ អភិវឌ្ឍផលិតផលទេសចរណ៍ពិសេសដោយឡែក ដើម្បីលើកកម្ពស់ការប្រកួតប្រជែងសម្រាប់ផលិតផលទេសចរណ៍របស់ក្រុង៕

អាយឡឹម-លេងមី

ចែករំលែកអត្ថបទ

ពាក្យគន្លឹះ