សុខភាព - អប់រំ អប់រំ

24/01/2022 - 08:40

សាលាត្រៀមលក្ខណៈទទួលសិស្សចូលរៀន

បន្ទាប់ពីអស់រយៈពេលគម្លាតសង្គម សាលាមតេ្តយ្យ សាលាចំណេះទូទៅនៅតំបន់វាលរាបទន្លេគឺវឡុងនិយាយរួម និងសាលានៅតំបន់ជនជាតិភាគតិចនិយាយដោយឡែក បានត្រៀមលក្ខណៈទទួលសិស្សចូលរៀន។

សាលាមតេ្តយ្យផុងដៀង ត្រៀមលក្ខណៈទទួលសិស្សវិលមកសាលារៀនឡើងវិញ។

លោកស្រីផាមធីឡេវ កម្មាភិបាលទទួលបន្ទុកកម្រិតមតេ្តយ្យ ការិយាល័យអប់រំនិងបណ្តុះបណ្តាលស្រុកកើ - ដ ក្រុងកឹងធើ ឱ្យដឹង៖ “តាមការគ្រោងទុកកម្រិតមតេ្តយ្យនឹងវិលមកសាលាក្រោយកម្រិតចំណេះទូទៅ ប៉ុន្តែមូលដ្ឋានសម្ភារៈទុកយូរមិនប្រើប្រាស់ នឹងចាស់ទ្រុឌទ្រោម ម្ល៉ោះហើយសាលាបានចាត់គ្រូបង្រៀនប្តូរវេនគ្នាចូលធ្វើអនាម័យបន្ទប់រៀន ដើម្បីថែរក្សាមូលដ្ឋានសម្ភារៈផង និងត្រៀមលក្ខណៈពេលក្រុងឱ្យប្អូនៗវិលមកសាលាផង”។

យោងតាមមន្ទីរអប់រំនិងបណ្តុះបណ្តាលក្រុងកឹងធើ តាមការគ្រោងទុកសិស្សអនុវិទ្យាល័យ វិទ្យាល័យនឹងចូលរៀនមួយពេលក្នុងសាលានៅថ្ងៃទី ១៧ ខែមករា ឆ្នាំ២០២២ គួបផ្សំនឹងរៀនអនឡាញ; កម្រិតមតេ្តយ្យ បឋមសិក្សា នឹងចូលរៀនផ្ទាល់នៅសាលាក្រោយពីបុណ្យចូលឆ្នាំថ្មីប្រពៃណីវៀតណាមឆ្នាំ ២០២២។ ពិនិត្យជារួមការត្រៀមបម្រុងត្រូវបានសាលានានាអនុវត្តល្អប្រសើរ។ ក្នុងពេលនោះ មានអាណាព្យបាលសិស្សជាច្រើននៅតែមានការព្រួយបារម្ភ។ បងស្រីដាវង៉ុកអាញ់ ផ្ទះនៅឃុំឌិញម៉ូង ស្រុកថើយឡាយ ក្រុងកឹងធើ ឱ្យដឹង៖ “កូនខ្ញុំចង់ទៅរៀនខ្លាំងណាស់ ប៉ុន្តែ និយាយពិតទៅឥឡូវបើឱ្យសិស្សបឋមសិក្សាទៅសាលារៀន ខ្ញុំមិនស្ងប់ចិត្តសោះ ពីព្រោះប្អូនៗរពឹសណាស់ ពិបាកនឹងអនុវត្តសារ ៥K”។

ឯស្រុកត្រាអូង ខេត្តវិញឡុង មិនទាន់មានផែនការឱ្យសិស្សចូលរៀនផ្ទាល់ទេ។ លោកគ្រូង្វៀងង៉ុកខ្វាង ប្រធានការិយាល័យអប់រំនិងបណ្តុះបណ្តាលស្រុកត្រាអូង ឱ្យដឹង៖ “សាលានៅលើភូមិសាស្រ្តនិយាយរួម និងសាលាតំបន់ជនជាតិនៅឃុំតឹងមី ត្រាកូង បានត្រៀមលក្ខណៈរួចរាល់ ហេតុនោះពេលខេត្តមានសេចក្តីសម្រេចកំណត់ថ្ងៃឱ្យសិស្សចូលរៀន គឺលោកគ្រូ អ្នកគ្រូអាចទទួលសិស្សនិងចាត់តាំងបង្ហាត់បង្រៀនដោយផ្ទាល់ភ្លាម។ ប៉ុន្តែស្ថានភាពជំងឺរាតត្បាតនៅលើភូមិសាស្រ្តមានការប្រែប្រួលយ៉ាងស្មុគស្មាញ ម្ល៉ោះហើយការិយាល័យមិនទាន់ទទួលបានកិច្ចចង្អុលការរបស់ថ្នាក់លើអំពីកាលបរិច្ឆេទចូលរៀនជាក់ស្តែង”។ ស្ថានភាពនេះ ក៏ប្រព្រឹត្តឡើងនៅខេត្តគៀងយ៉ាងផងដែរ។ អ្នកគ្រូធីហុងវ៉ាង នាយកអនុវិទ្យាល័យជនជាតិអន្តេវាសិកហ្គក្វាវ ឱ្យដឹង៖ “អាស្រ័យជាសាលាអន្តេវាសិក ម្ល៉ោះហើយការត្រៀមបម្រុងទទួលសិស្សវិលមកសាលាឡើងវិញ ត្រូវបានក្រុមប្រឹក្សាគរុកោសល្យ សាលាអនុវត្តយ៉ាងហ្មត់ចត់។ គ្រប់កិច្ចការបានត្រៀមលក្ខណៈរួចរាល់ រង់ចាំតែការអនុញ្ញាតរបស់ខេត្ត ខណៈពេលស្ថានភាពជំងឺរាតត្បាតបានលំនឹង”៕

ហាថាញ-វិមាន

ចែករំលែកអត្ថបទ

ពាក្យគន្លឹះ