សន្តិសុខ - ការពារប្រទេស ការពារប្រទេស

10/01/2022 - 08:55

លើកទឹកចិត្តកងកម្លាំង បង្កើនការបង្ការប្រឆាំងជំងឺ COVID-១៩ នៅសុកត្រាំង

(Nhandan.vn) - ក្រុមប្រតិភូគណៈកម្មាធិការបក្ស នៃគណៈបញ្ជាការដ្ឋានយោធភូមិភាគ ៩ ដឹកនាំដោយឧត្តមសេនីយ៍ត្រី ដងថាញ់ស្វឹង ស្នងការនយោបាយរងយោធភូមិភាគ បានអញ្ជើញទៅសួរសុខទុក្ខ លើកទឹកចិត្តកម្មាភិបាល យុទ្ធជន គ្រូពេទ្យ ដែលបានបញ្ជូនមកបង្កើនការបង្ការ ប្រឆាំងជំងឺ COVID-១៩ នៅសុកត្រាំង។

ឧត្តមសេនីយ៍ត្រី ដងថាញ់ស្វឹង ជូនអំណោយដល់កម្លាំងកងទ័ពចូលរួមបង្ការប្រឆាំងជំងឺ COVID-១៩ នៅសុកត្រាំង។

ឧត្តមសេនីយ៍ត្រី ដងថាញ់ស្វឹង ចែករំលែក សុកត្រាំងជាភូមិភាគមានជនរួមជាតិភាគតិចរស់នៅកុះករ ក្នុងនោះ ជនរួមជាតិខ្មែរស្រូបអត្រាជិត ៣១% នៃចំនួនប្រជាជន។ រយៈពេលកន្លង ស្ថានភាពជំងឺ COVID-១៩ លើភូមិសាស្ត្រខេត្តវិវត្តន៍យ៉ាងស្មុគស្មាញ ការបញ្ជូនកម្មាភិបាលគ្រូពេទ្យ វេជ្ជបណ្ឌិតនៃវិទ្យាស្ថានពេទ្យយោធា (ក្រសួងការពារប្រទេស) ចំនួន ៣៩ រូប មកជំនួយខេត្តសុកត្រាំងបានទាន់ពេលវេលា គ្រប់គ្រងជំងឺរាតត្បាតបានល្អ នាំជីវភាពប្រជាជនត្រឡប់មករកគន្លងប្រក្រតីភាពថ្មី។ គិតមកទល់បច្ចុប្បន្ន ចំនួនករណីឆ្លងជំងឺ COVID-១៩ លើភូមិសាស្ត្រខេត្តមានការថយចុះយ៉ាងច្បាស់ ជីវភាពប្រជាជនត្រូវបានលំនឹងជាបណ្ដើរៗ។ ឧត្តមសេនីយ៍ត្រី ដងថាញ់ស្វឹង បានផ្ដាំផ្ញើសួរសុខទុក្ខ កត់សម្គាល់និងវាយតម្លៃខ្ពស់របស់គណៈកម្មាធិការបក្សនៃគណៈបញ្ជាការដ្ឋានយោធភូមិភាគ ៩ គណៈកម្មាធិការបក្សខេត្ត គណៈកម្មាធិការប្រជាជនខេត្ត ដល់កម្មាភិបាលគ្រូពេទ្យ វេជ្ជបណ្ឌិតនៃវិទ្យាស្ថានពេទ្យយោធា សមមិត្តគ្រប់រូបបានខិតខំប្រឹងប្រែងដោយឥតឈប់ឈរ សាមគ្គី ជម្នះលំបាក អនុវត្តសម្រេចឆ្នើមនូវភារកិច្ចដែលបានប្រគល់ឱ្យ៕

ប្រែសម្រួល៖ ពេជ្រសឿន

ចែករំលែកអត្ថបទ

ពាក្យគន្លឹះ