សន្តិសុខ - ការពារប្រទេស ការពារប្រទេស

03/01/2022 - 08:13

ខេត្តគៀងយ៉ាង ចុះហត្ថលេខាលើកិច្ចសហប្រតិបត្តិការនឹងខេត្តមួយចំនួននៃព្រះរាជាណាចក្រកម្ពុជា

គណៈកម្មការជំនាញខេត្តគៀងយ៉ាង បានធ្វើពិធីប្រគល់ទទួលកំណត់ហេតុ ស្តីពីកិច្ចសហប្រតិបត្តិការរុករក ការជីកគាស់ ធ្វើមាតុភូមិនិវត្តន៍នូវអដ្ឋិធាតុកងទ័ពស្ម័គ្រចិត្តនិងជំនាញការវៀតណាម ដែលពលីជីវិតក្នុងសម័យសង្គ្រាមនៅកម្ពុជា ជាមួយខេត្តកោះកុង ខេត្តព្រះសីហនុ ខេត្តកំពត និងខេត្តកែប (កម្ពុជា) ដំណាក់កាលទី ២១ រដូវប្រាំងឆ្នាំ ២០២១-២០២២។ ពិធីប្រគល់ទទួលត្រូវបានរៀបចំឡើងនៅទីតាំងបង្គោលព្រំដែនលេខ ៣១៤ សង្កាត់មីឌឹក ក្រុងហាតៀង ខេត្តគៀងយ៉ាង។ អនុវត្តអនុសញ្ញារវាងរដ្ឋាភិបាលនៃប្រទេសទាំងពីរ ចាប់ពីថ្ងៃ ២៨/៨/២០០០ មកទល់នឹងបច្ចុប្បន្ន ក្រុមការងារ K៩២ ធ្វើការរុករក ជីកគាស់ ធ្វើមាតុភូមិនិវត្តន៍អដ្ឋិធាតុបាន ២.០៦០ កញ្ចប់ ក្នុងនោះ ដោយឡែកលើភូមិសាស្រ្តខេត្តកំពតមានអដ្ឋិធាតុ ១.៦៥៧ កញ្ចប់។

តំណាងគណៈកម្មការជំនាញខេត្តគៀងយ៉ាង ប្រគល់ប្រាក់ ៥២ ពាន់USD ឧបត្ថម្ភដល់តំណាងគណៈកម្មការជំនាញខេត្តមួយចំនួននៃព្រះរាជាណាចក្រកម្ពុជា។

ស្របក្នុងឱកាសនេះ គណៈកម្មាធិការប្រជាជនខេត្តគៀងយ៉ាង បានជូនប័ណ្ណសរសើរដល់សមូហភាពចំ នួន ៨ និងបុគ្គល ៨ រូប ចំណុះស្ថាប័ន អង្គភាពនៃព្រះរាជាណាចក្រកម្ពុជា ដែលសម្រេចបានស្នាដៃឆ្នើមក្នុងការអនុវត្តភារកិច្ចរុករកជីកគាស់ ប្រមូលនិងកំណត់ អត្តសញ្ញាណអដ្ឋិធាតុនៅខ្វះព័ត៌មាន ដំណាក់កាល ២០១៣-២០២០។ ទន្ទឹមនឹងនោះ គណៈកម្មការជំនាញ ខេត្តគៀងយ៉ាង ក៏បានប្រគល់ប្រាក់ ៥២ ពាន់ USD របស់រដ្ឋាភិបាលវៀតណាម ឧបត្ថម្ភដល់ខេត្តកោះកុង ខេត្តព្រះសីហនុ ខេត្តកំពត និងខេត្តកែប ក្នុងការប្រមូលព័ត៌មានអំពីផ្នូរកងទ័ពស្ម័គ្រចិត្តនិងជំនាញការវៀតណាម៕

គៀងយ៉ាង-មុនី

ចែករំលែកអត្ថបទ

ពាក្យគន្លឹះ